Отбасы – жарастық орнаған кішкентай Отан. Бұлай дейтініміз, сыйластығы асқан, берекесі тасқан әулеттің шаңырағында шаттық әні шарықтайды. Осындай мерекелі де берекелі ошақтан Отан құралады. Бұл қоғам шындығы. Міне, осынау қасиетті құндылықтарды жас отбасыларға насихаттау, саламатты өмір салтын ұстануға, қазақ халқының салт-дәстүр, әдет-ғұрыптарын ұғындыру мақсатында аудандық жас отбасылар байқауы өтті жақында. «Толағай» деп айдар таққан байқауға аудан бойынша 8 жас жанұялар қатысты. Аудандық ішкі саясат бөлімінің және «Алтын адам» туризм орталығының қолдауымен, «Мәңгілік Ел тұғыры» қоғамдық қоры мен аудандық жастар ресурстық орталығының ұйымдастыруымен өткен байқау өзіндік тартысқа толы болды.

Ашылу салтанатында туризм орталығының директоры Мұрат Ақаев, жастар ресурстық орталығының жетекшісі Айбек Ілебаев сөз сөйледі. Отбасылық береке-бірлікті сақтау, жас ұрпаққа дұрыс тәрбие беру – бұл Отанының өркендеуіне қосар әр әулеттің зор үлесі екенін айтты.

Байқау үш кезеңнен тұрды. Алғашқысы – әр отбасының таныстыруы, екінші – спорттық сайыс, ал үшінші кезең – білім бәсекесі.

Қызы мен анасы, ұлы мен әкесі өзара байланыс орнатып, сол арқылы бірлік бесігінде тербелген жас отбасылар әр кезеңде әлінше шапты. Әйткенмен, жарыс бар жерде жеңіс бар. Қорытынды сөз сөйлеген «Еңбекшіқазақ» газеті редакторы-ның орынбасары, «Мәңгілік Ел тұ-ғыры» қоғамдық қорының төрағасы Қайнар Жұмағожа:

– «Отан – отбасынан бас-талады» дейді халықта. Расымен, ертеңгі елінің елеулі, халқы-ның қалаулы азаматтары мен азаматшаларының бәрі бір-бір отбасында тәрбие-ленуде. «Әке көрген оқ жонар» демекші, ұлдарымыз әкелерінен, аталарынан үлгі алып үкілеген үміттерін ақтап жатса, қызғалдақтай қыздарымыз «шешесінен көріп, тон пішсе» – бұл тек бір отбасының ғана емес, бүкіл бір мемлекеттің мерейі емес пе?!  Елбасы Нұрсұлтан Әбішұлы Назарбаевтың өзі жастарға, жас отбасыларға ерекше көңіл бөліп, олардың қолайлы жағдайда өмір сүруі үшін барлық мүмкіндіктерді жасап жатыр. Саламатты өмір салтын ұстанған ата-ана ұрпағын да дені сау, жаман әдеттен аулақ етіп тәрбиелейді. «Ұяда не көрсең, ұшқанда соны ілесің» деген даналық осындайда айтылса керек. Сондықтан, отбасылық тәрбиеде бәрі сөзбен емес, іспен дәлелденуі ләзім, – деп ой түйді.

Сонымен, кезек марапаттау сәтіне келді. Нәтижесінде, Балтабай округінен келген Сыдықовтар отбасы жүлделі үшінші орын еншілеп, арнайы диплом мен DVD аппаратын алса, екінші орын және оған тігілген музыкалық аппарат шелектік Серікбаевтар отбасының қанжығасына байланды. Есік қаласынан қа-тысқан отбасы жеңімпаз деп танылды. Өздерін «Алтын адам» деп таныстырған отбасына арнайы диплом мен түрлі-түсті теледидар табыс-талды ұйымдастырушылар тарапынан. Енді бірінші орын иегері облыстық жас отбасылар байқауында аудан намысын арқалайтын болады.

А.НҰҒМАН.

Спорт бүгінгі дәуірде бейбітшілік пен татулықтың символына айналғаны баршаға аян. Өйткені, спорт мемлекттер арасындағы достық пен бәсекені үндестіріп, бейбіт қоғамға жетелейтін кілт іспетті. Сонымен бірге, халық денсаулығы мен береке-бірлігінің де ұйытқысы осы спорт екені даусыз. Аудан тұрғындарының саламатты өмір салтын ұстанып, спортты өзінің жансерігіне айналдыру үшін бүгінде атқарылып жатқан іс-шаралар аз емес. Ол үшін спорттық жарыстар мен акциялар жиі өткізілуде. Бұл жағынан ауданымыздың жеткен жетістіктері де біршама.

Аудан тұрғындары арасында достық қарым-қатынасты нығайту, оларды саламатты өмір салтына шақыра отырып, ауыл тұрғындары арасында үстел теннисі ойынын насихаттау мақсатында жуырда Шелек ауылдық округі аппаратының ұйымдастыруымен және Еңбекшіқазақ ауданының дене шынықтыру және спорт бөлімінің, сонымен қатар, Еңбекшіқазақ ауданы жас-тар ресурстық орталығының қолдауларымен Шелек ауылына қарасты Абай атындағы  орта мектебінің спорт залында ауыл тұрғындары арасында «Өркендей бер, Қазақстан!» атты үстел теннисінен аудандық жарыс өткізілді.  Оған 50-55 жас аралығындағы азаматтар мен 18-29 жастағы жастар қатысып, бәсекеде өз бақтарын сынады.

Жарысқа Шелек, Масақ, Бартоғай, Сөгеті, Малыбай, Асы және Қорам ауылдық округтерінен жалпы елуге жуық ойыншы қатысты. Аталмыш ойынға Абай атындағы  орта мектебінің дене шынықтыру пәнінің мұғалімі А.Өскенбаев төрелік жасап, ойынның әділ өтуіне атсалысты. Сайыс барысында  қатысушылар жас ерекшеліктеріне қарай екі топқа бөлініп өнер көрсетті.

Жарыс нәтижесі бойынша, 3 орынды Малыбай ауылдық округінен келген А.Избуллаев иеленсе, 2 орынды Шелек ауылдық округінің тұрғыны Б.Көкенов пен Қорам ауылдық округінен келген С.Айтолқын қанжығаларына байлады. Ал 1 орынды Асы ауылдық округінің тұрғыны Т.Иманбеков пен Шелек ауылының қатысу-шысы Қ.Айтжанов жеңіп алды. Жарыстың шегі саналатын бас жүлде мен кубок Шелек ауылдық округінің намысын қорғаған Н.Сүтбековке бұйырды. Осылайша үстел теннисінен өткізілген дүбірлі жарыс өз мәресіне жетті.

Н.ИСАБЕКОВА,

 Шелек ауылдық округі әкімі аппаратының жастар ісі жөніндегі

әдіскер-нұсқаушысы.

Условно осужденные, досрочно освобожденные – особая категория граждан, подвергшихся правовому наказанию. Отношение к таким людям особое – им требуется не только применение ограничительных мер, но  социальная реабилитация, подразумевающаяя максимально возможное включение в общественную жизнь. В том числе и спортивную.  С такой целью районной прокуратурой ко дню Конституции РК во Дворце спорта (ФОК) г.Есика была организована спартакиада для жителей района, состоящих на учете службы пробации управления полиции. Более 50 человек с большим желанием откликнулись на приглашение участвовать в соревнованиях.  О том, какое внимание уделяется ресоциализации условно осужденных, говорит тот факт, что на открытие спартакиады  прибыли секретарь районного маслихата Бекет Ахметов, прокурор района Азамат Куренкей, руководитель отдела внутренней политики района Момунжан Исламов, руководитель районного отдела спорта Ерболат Сарабеков, начальник отдела пробации УП Бахтияр Мусаев, сотрудники правоохранительных органов,  тренеры ФОКа, представители общественного актива. Директор ДЮСШ Абай Сыргабаев оказал содействие в проведении соревнований.

Секретарь районного маслихата Бекет Ахметов поздравил участников спартакиады с днем Основного закона страны и пожелал им скорейшего возвращения  к полноценной жизни в обществе.

Команды Шелекского и Есикского регионов разыграли кубки и медали прокуратуры в матчах по волейболу и мини-футболу, которые судили тренеры Кажымукан Транов и Кахарман Аюпов, а также  в состязаниях по гиревому спорту под судейством  Ялкунжана Садыкова. 

В футболе и волейболе победила  команда Шелекского региона, а в гиревом спорте первыми стали Давид Лезгиев (32 кг), Жапар Лезгиев (24 кг) и Исрафиль Мурсалимов (16 кг). От имени прокурора района победителям и призерам, лучшим игрокам  были вручены дипломы, грамоты, кубки, медали, а также ценные подарки.

По словам прокурора района Азамата Күренкей, подобные мероприятия прокуратура планирует проводить ежегодно.

И.ВИКТОРОВ.

«Әуелгі байлық – денсаулық» дейді екен ғой бұрынғылар. Расында, ауру – атанды да шөктіреді. Ал оның алдын алу – салауатты өмір салтын ұстану.

Әлбетте, спортты серік, жақсылық жасауды көңіліне көрік еткен жанның көңілі жай. Мұндағы айтпағымыз, тас шайнаған шағында футбол алаңында қауышқан ардагерлер әлі де алаңнан ала допты ауыстырар емес.

Оған жуырда өткен турнирде көзіміз жетті.

Шағын футболдан Есік қаласының жоғарғы бетінде өткен аудандық турнирге төрт команда қатысты. Ұйытқы болған еңбек ардагері – Төлеген Иманбаев. Ұдайы спорт десе ішкен асын жерге қоятын Төлеген Шоманұлының бұл жолғы мақсаты тіптен бөлек. Ол турасында: – «Бала кезімізде тай-құлындай тебіскен, аяқ асын бөліскен, футбол алаңында талай мәрте бірге ойнаған азаматтар осында келді. «Сырлы аяқтың сыры кетсе де, сыны кетпейді» демей ме атам қазақ. Расында, байқасақ бәрі де тың. Бұл спортпен шұғылданғанның жемісі. Ала доп бәсекесінің әдіс-тәсілдерін толық пайдаланып жатыр. Міне, жас буын осы ісіміз арқылы татулықтың, бауырмалдықтың көрінісін көрсін, спортпен айналысудың пайдасын білсін деген ниет біздегі. «Ат тұяғын тай басар». Уақыт ырқымен көш керуен өзгереді. Сол сәтте соңымызда үлгі болар ұрпақ өссін деген мақсатымыз бар» дейді. Шынымен, алма-кезек ауысқан ала доп бәсекесі тартысты өтті. Арасында 67 жас-ты арқалаған Төлеген Жүнісов те жүр. – Спорт тек денсаулық кепілі емес, бейбітшілік елшісі. Біз осыны ұғынуымыз тиіс. Қазіргі буын сөзбен айтқанды емес, көзбен көргенді істейді. Сол себепті, спортқа деген риясыз құштарлығымыз әлі де таусылмағанын жастар көрсін, біріне бауыр, біріне дос болсын деген тілегіміз бар, – деп ақтарылды спорт ардагері. Кезектесіп ойнаған командалар жасыл алаңда барын салды. Әсіресе, екінші орынға таласқан Рахат округі мен Есік құрамасы үздіксіз шабуылмен жанкүйерлерінің делебесін қоз-дырды. Бастапқы айналымда 2-0 есебімен есіктіктер алға шықты. Командалық ойын үлгісін көрсеткен Рахат округі есепті теңестіріп те үлгерді. Не керек, 2-4 есебімен екінші орынға рахаттықтар жайғасты. Есік құрамасы үштікті тәмамдады. Ал жүзден жүйрік шыққан қаракемерлік спорт ардагерлері біріншілікке көтерілді. Сөйтіп, ауыспалы кубокты еншіледі. – Біз қанша ойынды көріп жүрміз. Бірақ бүгінгі ойын ерекше. Тамаша әсерде отырмыз. Жалпы, жаппай спортпен шұғылдану мемлекеттік саясаттың басым бағыты. Ал оны тек сөзбен емес, іспен дәлелдеуміз қажет. Ұрпағың айнадағы – өзің. Біз бүгінгі буынға қандай тәрбие, үлгі көрсетсек, ол міндетті түрде жалғасады. Осыны ұмытпайық!– дейді аудандық мәслихат депутаты Сейтхан Қырқынбаев.

Турнир соңында жеңімпаздар арнайы медальдармен марапатталды. Үздік ойын үлгісін көрсеткен ойыншылар да номинацияларға ие болды. Сол секілді Көктөбе құрамасы да арнайы алғысқа бөленді.

Қайнар ЖҰМАҒОЖА.