- +77277540900
- +77002724204
- enkaz.kz@gmail.com
- 040400, Алматы облысы, Еңбекшіқазақ ауданы, Есік қаласы, Алматы көшесі, № 112.
Отбасы – Отанымыздың ошағы
«Отан – отбасынан басталады». Осылай деген Елбасы қазанның екінші жексенбісін Отбасы күні деп белгілеген еді. Сонымен қатар, «Болашаққа бағдар: Рухани жаңғыру» атты мақаласында ұлттық сананың жаңғыруы, отбасы құндылықтары туралы алға қойған мақсат-міндеттерді айқындап берді. Осы орайда, жақында аудандық ішкі саясат бөлімінің қолдауымен, «Іле Мұрагер» қоғамдық бірлестігінің ұйымдастыруымен аудандық мәдениет үйінде «Отбасы – Отанымыздың ошағы» тақырыбында мерекелік шара өтті.
Мерейлі мерекеге «Нұр Отан» партиясы аудандық филиал төрағасының бірінші орынбасары Қуат Байғожаев, ішкі саясат бөлімінің басшысы Момунжан Исламов, ақсақалдар кеңесінің төрағасы Тілеулес Ұзақов, қала мен округ әкімдері, жастар қауымы мен талайға үлгі болып жүрген ауданымыздың мерейлі отбасылары қатысты. Ашылу салтанатында сөз сөйлеген Қуат Байғожаев жиылған көпшілікті мерекемен құттықтап:
– Елбасының «...Отанға деген ыстық сезім жақындарына, туған-туысқандарына деген сүйіспеншіліктен басталады» деген сөзі бар. Расында да, тәрбиенің бастапқы әліппесі – отбасында, онда адамгершілік пен ізгіліктің негізі бар. Қай халық болсын, ол – өз ұрпағымен биік. Біз – қариясын қадірлеп, әкесін арқа тұтқан, анасын ардақтаған елміз. Жетімді жұбатып, қиналғанға қолұшын беріп, сүрінгенді демеген халықпыз. Сіздердің өмір жолдарыңыз, қоғамдағы беделдеріңіз – жастардың бойына рухани қазынаны дарытып, оларды тәрбиелейді. Өйткені, сіздер – ұлттық салт-дәстүрді сақтаған, көпті көрген, елге үлгі болатын тұлғасыздар – деді. Сондай-ақ, өнегелі құндылықтарды жаңғыртуға, отбасы мен некенің жағымды үлгісін таратуда қосқан үлестері үшін 26 отбасына аудан әкімінің Алғыс хатын табыстады. Кейіннен, үлгілі жанұялар атынан аудан басшылығына алғысын жеткізген Есік қаласының тұрғыны Серік Спатаев жас ұрпақты тәрбиелеуде аға буын әрқашан белсенділік танытатындығын айтты. Сонымен қатар, Қаракемер мәдениет үйінің көркемдік жетекшісі Ерқуат Оңашхан «Рухани жаңғыру» атты өлеңін оқып, жұртшылықтың қошеметіне бөленді.
Шара соңы аудан өнерпаздарының концерттік бағдарламасына ұласты. Ернар Мұқанов, Нұртас Қайратұлы, Құралай Сәбетова сынды жас әншілеріміз әуелете ән салып, көпшіліктің көңілін көтерді.
Сардарбек НҰРАДИН.
Местное самоуправление –задачи и приоритеты
Указом Президента Республики Казахстан от 28 ноября 2012 года № 438 утверждена Концепция развития местного самоуправления в Республике Казахстан. В соответствии с Концепцией Правительством РК разработан План мероприятий на 2013 - 2020 годы по реализации Концепции развития местного самоуправления в Республике Казахстан. В рамках Плана нации «100 конкретных шагов» в ноябре 2015 года принят закон «О внесении изменений и дополнений в некоторые законодательные акты Республики Казахстан по вопросам развития местного самоуправления», которым введены соответствующие нормы расширения полномочий органов местного самоуправления. Законом предусмотрено создание территориальных советов самоуправления для оказания помощи исполнительным и представительным органам власти в работе с гражданами.
Поэтапно, на уровне городов районного значения и сельских округов, идет формирование местного самоуправления с самостоятельным бюджетом и собственностью, продолжается разработка законопроекта по дальнейшему развитию местного самоуправления в РК. С 2018 года будут поэтапно осуществляться вопросы внедрения самостоятельного бюджета и собственности местного самоуправления.
Каракемерский сельский округ – по численности населения (около 7 тысяч жителей) или входящих в него населенных пунктов (кроме Каракемера малые села Талдыбулак и Сатай) не самый большой в районе. Но по развитости экономики и социальной инфраструктуры округ мало чем уступает более крупным округам. Здесь 360 крестьянских хозяйств, винодельческое ТОО «Био тау жер», ТОО «Торе жайлау», множество субъектов малого бизнеса. Действуют две школы, профтехлицей, врачебная амбулатория и ФАП, дом культуры, детсад на 120 мест. Коллектив самой большой школы имени К.Орымбетова составляет свыше тысячи учеников и 90 преподавателей, в профтехколледже числится около 400 студентов и 64 преподавателя, в СВА и ФАПе трудится 20 врачей, фельдшеров и медсестер. Соответственно местной власти приходится решать проблемы воспитания молодежи, развития малых сел, водоснабжения и благоустройства.
И, надо сказать, на сегодня Каракемерский округ по развитости социальной инфраструктуры, общественной жизни, реализации молодежной политики в числе наиболее благополучных. В немалой степени – благодаря эффективному местному самоуправлению при сельском акимате. Слово акиму округа Алтынбеку ИСАКОВУ:
– Орган местного самоуправления (МСУ) мы создали еще в 2012 году, одними из первых в районе. На сегодня в него под руководством Бауыржана Дюсупова входит 11 представителей жителей сел – главы крестьянских хозяйств, учителя, предприниматели. Его основная задача – оказание помощи исполнительным органам власти в работе с гражданами, решение вопросов ЖКХ, профилактика правонарушений.
Кроме того, существует еще ряд общественных структур – советы аксакалов, женщин, молодежи, уличные комитеты, с которыми местное самоуправление тесно сотрудничает. На заседания (МСУ) также приглашаются депутаты районного маслихата, которым самоуправление делает запросы от лица жителей округа.
Таким образом, все ключевые вопросы рассматриваются и оперативно, и всесторонне. Во время саночистки делаются подворные обходы. При участии самоуправления создано и успешно работает коммунальное хозяйство ИП «Жолдасбаев». Питьевая вода в округе подается 24 часа в сутки. В текущем году, кроме обслуживания водопровода, комхоз создал бригаду по уборке и вывозу мусора, ведутся работы по капремонту канализации, прокладке лотков арычной сети. Школы и колледж горячим питанием обеспечивает ИП Елены Исаковой. Работу комхоза, школьного общепита также контролирует местное самоуправление. При его участии в новом микрорайоне с.Сатай идет проводка электросетей.
В последние годы социальная инфраструктура округа значительно модернизирована. Вступил в строй профтехколледж, капитально отремонтирована школа имени К.Орымбетова, дом культуры, построена новая амбулатория, проведено уличное освещение во всех селах, установлено 675 фонарей. В текущем году по программе «Нұрлы жол» новый асфальт будет проложен на 25 улицах, сейчас идет асфальтирование 15 улиц подрядчиком АО «ДСУ-13».
За каждым членом самоуправления закреплен свой сектор – благоустройство, образование, работа с молодежью. Уличные комитеты также подотчетны самоуправлению. Совместно с советами аксакалов, женщин и молодежи, участковыми инспекторами полиции проводятся совещания по общественному порядку. Как результат – преступность в округе снизилась на 25 процентов. Акиматом округа большое место уделяется поддержке совета молодежи во главе с Маратом Русланом.
Сотрудник нашего акимата по молодежной политике Диана Жакаева лидирует в районном рейтинге лучших специалистов по делам молодежи. Она совместно с советом молодежи организует ежегодно по 40-45 молодежных мероприятий по культуре и спорту. При ДК действуют всевозможные кружки и спортивные секции, наш дом культуры первенствует в области. Местное самоуправление привлекает спонсоров, участвует в организации всех общественных мероприятий, государственных праздников, благотворительных акций. Шефство над одинокими пожилыми людьми, инвалидами, ветеранами тыла также курирует местное самоуправление. Сельхозпродукция из Каракемера занимает достойное место на всех сельскохозяйственных ярмарках в Астане и Талдыкоргане, в которых участвует Енбекшиказахский район. Деятельность местного самоуправления разгружает аппарат акима округа от повседневной текучки, позволяет составить оптимальную программу социального развития села.
Самоуправление необходимо развивать и далее, передавая ему ряд полномочий, таких как управление коммунальной собственностью, формирование бюджета сельского округа. У нас уже наработан успешный опыт такой деятельности, который послужит для внедрения самоуправления с самостоятельным бюджетом и собственностью.
К новому году планируем провести перевыборы в МСУ, пополнить его энергичной молодежью.
Записал И.ТУРАНИН
Тұрғындар сұрақтарына тұщымды жауап
Аудан әкімі, «НұрОтан» партиясы аудандық филиалының төрағасы Бинәлі Ысқақ партияның қоғамдық қабылдау бөлмесінде тұрғындардың бірқатар сұрақтарына жауап берді. Қабылдауға жазылғандардың да түйткілдері ауқымды: топтық су жүйесінің жағдайы, ауданды көгілдір отынмен қамту жәнеЕсік қаласындағы үш ауысымды мектептер мәселесі.
Сонымен алғашқы сұрақты еңбек ардагері Серік Спатаев қойды. Топтық су жүйесі төңірегінде кеңінен әңгімелеген аудан басшысы: – Есік өңіріндегі 8 елді-мекенді орталықтандырылған су жүйесімен қамтамасыз ету жобасында бірқатар кешеуілдеулер орын алған. Қазіргі уақытта сол сегіз ауылға тағы да 15 елді мекенді қосып, кеңейтілген жоба әзірлену үстінде. Оған қазіргі есебімізше 14 млрд теңгеге жуық қаржы керек. Бұл да алдағы 4-5 жылда шешіледі деп күтілуде, – деді.
Екінші мәселе бойынша сұрақ қойған аудандық «Еңбекшіқазақ» газетінің бас редакторы Хайролла Ахметжановқа көгілдір отынмен аудан қашан толық қамтылатынын айтып берді. – Ұмытпасам, былтыр жаңа жылда «Еңбекшіқазаққа» берген сұхбатымда 5 жыл ішінде аудан толық газбен қамтылады деген едім. Міне, бір жылы өтті, бұйыртса 3-4 жылда іргелі өңіріміздің тұрғындары көгілдір отын қызығын көретін болады, – дей келе бұл инвесторлардың көмегімен жасалып жатқан жұмыстар екенін баса айтты: – Ауданға газ құбырларын тартуға мемлекет тарапынан қаржы бөлінген жоқ. Инвесторлар тарту арқылы осы мәселені шешудеміз. Есік пен Шелекте бұл жұмыс қызу жүріп жатыр. Байқасаңыздар, Шелек, Азат, Қайназар ауылдары, аудан орталығына газ құбырлары тартылып келеді. Болжамымыз бойынша жуық арада аудан бойынша 2000-ға жуық үйде көгілдір отын жанады, – деді.
Үш ауысымдық мектептердің мәселесін В.Терешкова атындағы орта мектептің ұлағатты ұстазы Күләй Зұқарқызы қойды. Бүгінде қолда бар мәлімет бойынша ауданда 10 мектеп үш ауысымда. Ішкі миграцияның үздіксіз өсуінен биылдың өзінде 7000 бала 1 сыныпты аттаған. Бұны қуанышты жаңалық деп бағалаған Бинәлі Әбдіқапасұлы: – Қазіргі уақытта Абылайхан, В.Терешкова, Р.Тоқатаев және Қ.Сәтпаев атындағы орта мектептер үш ауысымда білім беруде. Бұл мәселені шешудің екі жолын қарастырып отырмыз. Біріншісі, Абылайхан атындағы орта мектептің жанындағы жеке гимназияда небәрі 214 оқушы білім алуда. Ал ондағы ғимарат 1200 балаға арналған. Осы мәселені жеделдетіп шешу жолдарын қарастырудамыз. Екінші, В.Терешкова атындағы орта мектеп жанынан 600 орындық білім ошағын салу мақсатында сұраныс жібердік. Осы екі жоспарымыз жүзеге асса, аудан орталығындағы үш ауысымдық проблемасы түбегейлі шешіледі, – деді.
Бәрін айт та бірін айт, «Түйткіл көп, түйін біреу – еңбек» деуші еді мұндайда дана халқымыз. Үздік-сіз ізденіс пен тынымсыз еңбекті тоғыстырып, тұрғындар игілігі ынты-мақтаса жұмыс істеуіміз керектігін де назардан шығармады Бинәлі Әбдіқапасұлы. Себебі, ұйымдаса білген ғана ұтады.
Қайнар ЖҰМАҒОЖА.
Қазақстан Республикасы Президентінің жарлығы Қазақ тілі әліпбиін кириллицадан латын графикасына көшіру туралы
Қазақстан Республикасы Президентінің жарлығы
Қазақ тілі әліпбиін кириллицадан
латын графикасына көшіру туралы
Қазақ тілі әліпбиінің кириллицадан латын графикасына көшірілуін қамтамасыз ету мақсатында ҚАУЛЫ ЕТЕМІН:
- Қоса беріліп отырған латын графикасына негізделген қазақ тілі әліпбиі бекітілсін.
- Қазақстан Республикасының Үкіметі: Қазақ тілі әліпбиін латын графикасына көшіру жөніндегі ұлттық комиссия құрсын; қазақ тілі әліпбиінің 2025 жылға дейін латын графикасына кезең-кезеңімен көшуін қамтамасыз етсін; осы Жарлықты іске асыру жөнінде өзге де, соның ішінде ұйымдастырушылық және заңнамалық сипаттағы шаралар қабылдасын.
- Осы Жарлықтың орындалуын бақылау Қазақстан Респуб-ликасы Президентінің Әкімшілігіне жүктелсін.
- Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Н.Назарбаев
Астана, Ақорда, 2017 жылғы 26 қазан № 569
УКАЗ Президента
Республики Казахстан
О переводе алфавита казахского языка с кириллицы на латинскую графику
В целях обеспечения перевода алфавита казахского языка с кириллицы на латинскую графику ПОСТАНОВЛЯЮ:
- Утвердить прилагаемый алфавит казахского языка, основанный на латинской графике.
- Правительству Республики Казахстан:
образовать Национальную комиссию по переводу алфавита казахского языка на латинскую графику; обеспечить поэтапный перевод алфавита казахского языка на латинскую графику до 2025 года; принять иные меры по реализации настоящего Указа, в том числе организационного и законодательного характера.
- Контроль за исполнением настоящего Указа возложить на Администрацию Президента Республики Казахстан.
- Настоящий Указ вводится в действие со дня его опубликования. Президент Республики
Казахстан Н.НАЗАРБАЕВ
Астана, Акорда, 26 октября 2017 года № 569
Қатысушылар қатары қат болды
Аталастың аты озғанша ауылдастың тайы озсын, – деп қазағым бәсекеге – күрес, бәйге, басқа да жарыстарға келгенде жерлестерінің мүддесін биікке қоятыны мәлім. Қайназар ауылының гүлге көмкерілген мәдениет үйіне Рахат округінің аумағына кіретін ауылдар тұрғындарының көптеп келуінің басты себебі жерлестері Жиғанбаевтардың жас отбасы «Жас Отау» байқауына қатысуы болар. Әдемі қазақи оюлармен көмкерілген біркелкі үлгіде пішіліп, тігілген ұлттық киіммен сахна төріне шығып жарасымды жас отбасы екенін көрсете білген Жиғанбаевтар жерлестерінің үмітін ақтап бас жүлдені жеңіп алды.
Төрт кезеңнен – өзін-өзі таныстыру, білімділік, қолөнері, өнер сайыстарынан тұратын бұл байқауда бар-жоғы үш-ақ отбасы қатысса да осы үштік өздерін әр қырынан таныстыра білді. Ең бастысы – жас отау иелерінің болашаққа сенімділікпен қарап жас мемлекетіміздің болашағы – сәбилерін де ұлтжандылыққа, отансүйгіштікке тәрбиелей алатындығын айқын айғақтай алды.
Түргендік Асубай отбасы шынайы махаббатын, мөлдір сезімдерін әнмен, бимен әрлеп, көрерменнің, әділ-қазылардың назарын өзіне аудара алды.
Елбасы Н.Назарбаевтың «Болашаққа бағдар: рухани жаңғыру» мақаласында айтылған ұлттық құндылықтары-мызды тозығын қалдырып, озы-ғын дәріптейтін дәстүрлерімізді жаңғырта отырып, ұлттық кодты сақтау жолының негізгі бір саласы – отбасылық тәрбие, отбасылық жарасым, сыйлас-тық емес пе еді? Ендеше, ауда-нымыздың 26 округінен үлкенді-кішілі сексен ауылымыздан «жас отбасы» байқауына үш-ақ отбасы қатысқандығы өкінерлік жайт.
Осы кемшілікке қарамай тартысты өткен байқауда ақшилік Иманқұловтар да өте тату да, өнерлі, үй шаруасына мығым ерлі-зайыпты екенін дәлелдеді. «Нұр Отан» партиясының «Бақытты отбасы» жобасы аясында «Еңбекшіқазақ» ауданы жастар ресурстық орталығының «Нұр Отан» партиясы аудандық филиалымен бірлесіп Қайназар ауылындағы Мәдениет үйінде өткізілген «Жас Отау» байқауын жол басы деп есептеп, осы тақылеттес келесі кон-курстарға үш емес он үш, жиырма үш, отыз үш жас отбасылардың қатысуын тілейік. Бұл істе партияның «Жас Отан» жастар қанатының атқарар міндеті ауқымды.
Сөз соңында «Нұр Отан» партиясы аудандық филиалы, байқауға қатысушылар, әділ-қазылар, мәдениет үйі қызмет-керлеріне алғыстарын білдірді.
Х.Ахметжанов,
әділ-қазылар алқасының мүшесі.
Рухани мәдениет құбылысы
«Кез келген шынайы мәдениеттің негізінде Құдайға табыну жатыр. Мыңдаған жылдар бойы сенімге негізделген мәдениеттер өзінің тарихтағы сөзін сақтап отырған. Өзінің діни рухын сақтау тұтас халықтардың тарихта қалуының кепілі болады».
Н.Ә. НАЗАРБАЕВ.
Ислам – он төрт ғасырдан бері бүкіл азаматты сенімі мен нанымына, тегі мен нәсіліне қарамай бейбітшілік пен ынтымаққа, сабыр-лылық пен тазалыққа шақырып келе жатқан Алла тағаланың бірегей діні. Тарих сахнасында көтерілгеннен бері, өмірдің өзі көрсеткендей, ислам дінінің ғылым-білім мен өркениеттің сарқылмас кәусар бұлағы екендігін әлем мойындауда.
Дін – қоғамның ішінде интеграциялық үдерістердің күшеюіне, адамдардың арасында бауырмалдық пен бір-біріне деген сүйіспеншіліктің артуына, қоғамның ішіндегі бірлік пен ынтымақтың жалғасуына ықпал етеді.
28 қыркүйекте Шелек ауылының мәдениет үйінде Қазақстан Республикасы діни экстремизм мен терроризмге қарсы іс-қимыл жөніндегі 2013 – 2017 жылдарға арналған мемлекеттік бағдарламасы аясында Алматы облысы дін істері басқармасының «Дін саласындағы мәселелерді зерттеу орталығы» КММ-нің ұйымдастыруымен «Қазақ халқының рухани дамуындағы ислам Ханафи мәзһабы және орыс Православ шіркеуінің рөлі» тақырыбында облыстық конференция өтті. Оған ауыл әкімдері, бюджеттік мекеме қызметкерлері, діни бірлестіктер өкілдері, құқық қорғау, ІІБ мен әскери қызметкерлері, дінтану пәнінің мұғалімдері, жастар, БАҚ өкілдері қатысты.
Семинарды аудан әкімінің орынбасары Айбек Бидаев ашып, жүргізіп отырды. Алматы облысы дін істері бас-қармасы мемлекеттік меке-месінің бөлім басшысы Қазбек Омаров кіріспе сөзден бас-тады. Халқымыз ғасырлар бойы дінді руханилықтың негізі санап келгені, ұлттың рухани құндылықтары дін қағидаларымен үндесіп жататыны, діндегі адамгершілік, сыйластық, өзара құрмет, келісім, имандылық, білімге құштарлық, еңбекқорлық отансүйгіштік, тағы басқа көптеген құндылықтар болмысында бұрыннан бар мінездермен астасып, рухани дәстүрлі құндылықтарға негіз болып қаланғаны туралы айта келе, бүгінгі таңда мемлекетімізде, облыста, дін бірлестіктері тіркелгені, облыста дін саласындағы мәселелерді зерттеу орталығының құрылып, атқарған жұмыстары туралы мәлімет берді.
Әл-Фараби атындағы Қа-зақ Ұлттық университетінің аға оқытушысы, Phd докторы Құдайберді Бағашаров «Рухани жаңғыру – рухани дамудың бастауы» тақырыбында ислам дінінде сүннет және шейіт деп аталатын екі тармақ барын айта келе, Ханафи мәзхабы – біздің жолымыз екеніне, Ислам діні қазақ даласына келгеннен бері ХІІ ғасырдан аса уақыт халқымыз атақты ислам ғұламасы Әбу Ханифа Нұғман ибн Сәбит /р.а./ 699-767 жылдары негізін қалаған Ханафи мәзһабын ұстанып келе жатқан әуелгі тарихынан сөз бастады. Елбасымыз Н.Ә.Назарбаев. «Біз мұсылманбыз, оның ішінде Әбу Ханафи мәзһабы ұстанатын сунниттерміз. Бабаларымыз ұстанған бұл жол ұлттық салт-дәстүрді, ата-ананы сыйлауға негізделген. Ендеше, бүгінгі ұрпақ та әлемдегі ең ізгі дін – ислам дінін қадірлей отырып, ата дәстүрін ардақтағаны абзал» деп атап айтқанына, бұл жолдың ерекшелігіне тоқталды.
Он екі ғасырдан аса уақыт ішінде халқымыздың атақты ислам ғұламасы, Фиқхһтың /мұсылман заңы/ білгірі Нұғман ибн Сәбит /р.а./ негізін қалаған Ханафи мәзһабын /діни құқықтық мектеп/ ұстанып келе жатқанын, мәзһаб – жол, бағыт, көзқарас деген мағынаны білдіретінін, шариғатта арнайы тәсілдер, ережелер арқылы Құран мен сүннеттен шығарылған үкімдер мен көзқарастар жиынтығын «мәзһаб», ал «фиқһ» сөзі терең, жан-жақты түсіну деген мағынаны білдіретініне кеңінен тоқталды. Фиқһ пәні ғибадат, қоғамдағы өзара қарым-қатынас, әдет-ғұрыптардың шариғатқа сәйкес тәртіп-қағидалары мен оның қайнар көзін үйрететінін, бұл саланың маманын фақиһ /мұсылман заңгері/ деп атайтынын, Құран аяттарын дұрыс талдау және хадистерді зерттеу арқылы шариғатты жүйелеп жинақтаушы, жалған діни көзқарастарға қарсы күресуші, олардың қателерін паш етуші имам Ағзам Әбу Ханифа, имам Малик, имам Шафиғи, имам Ахмад ибн Ханбал секілді ислам ғұламаларының мәзһабтары дүниеге келгенін тілге тиек етті. Бабалар ұстанған жол Ханафи мәзхабының салт – дәстүрді құрметтейтін, Ханифа мәзхабының ерекшелігіне көңіл аударды.
«Әбу Ханифа» деген сөздің мағынасы «хақ жолдың бастаушысы, тура жолдың жетек-шісі» дегенге саяды. Әу бастан адамзатқа түсірілген, адам табиғатына ең лайық, нағыз тәухид дін – ол ханиф дін. Құранда Алла Тағала: «Ендеше, /Ей, Мұхаммед/ бетіңді ханиф /тура, шынайы/ дінге бұр. Адамдарды Алла әу баста сол дін үшін жаратқан. Құдай жаратқанды өзгерту мүмкін емес. Сенің дінің хақ дін, тек көп адам соны білмейді», дейді. /«Рум» сүресі, 30-аят/. Келесі сөз алған философия ғылымдарының докторы, профессор Гүлмира Биялова «Қазақ халқының рухани дамуындағы жетістіктер» тақырыбында діннің рухани мәдениеттің феномені, ол қоғамдағы кез келген феноменнен анағұрлым бай, маңызды және ықпалды екенін, қазіргі Қазақстан еліндегі бірлік пен татулық, түсіністік баянды өмір сүрудің басты құндылығы екенін, бұл жағынан Елбасының салиқалы саясатының өзгеге үлгі, осындай ауызбіршіліктің арқасында жоғары жетістіктерге қол жеткізіп келе жатқандығын нақты мысалдармен әңгімелеп берді. Өзі төрт жыл болған Тәжікстандағы жағайды айтты.Ғалымдардың ұсынысын ескерген Қазақстан Республикасының Президенті Ата Заңымыз – Конституцияға өзгерістер өнгізіп, заман ағымына қарай бет бұруы, зайырлы ел болып, озық отыз ел қатарынан көрінуге, жаңғыру жаһандық әлемнен қалыспайтын жаңалыққа ұмтылудағы, кері-тартпа, ескі әдеттерден арылуда батыл қадам басқанын, жасампаз тарихымыздың бүгіні мен жарқын болашақтың көкжиектерін үйлесімді сабақ-тастыратын ұлт жадының тұғырламасын тәптіштеп талдап берген еңбегінің нәтижесі екеніне көз жеткізді.
Есік қалалық мешітінің бас имамы Хазірет Ратбек қажы Нысанбайұлы Ел тәуелсіздігін алған кездегі жағдаймен одан кейінгі кезеңді салыстыра отырып, нақты мысалдармен әңгімелеп, бүгінгі жеткен жетістіктерге кеңінен тоқталды. Әлемде ислам діні атына кір келтіріліп жатқан оқиғаларға өз көзқарасын білдіріп, түрлі ағымдарға ерген жастардың отбасында дұрыс тәрбие алмағанының салдары екеніне тоқталды. Дін дегеніміз тек сенім жүйесі емес, ол – өмір сүру мәнері, моральдық нормалар, қарым-қатынас әдебі, жақсы мен жаманды, адал мен арамды ажыратушы рухани қағидалар жүйесі, рухани мәдениет феномені екенін, дін барлық қоғамдарда мәдениет түзуші қызметінін атқаратынын өз сөзіне арқау етті. Ал, Қазақстан Республикасы орыс православ шіркеуінің округтік митропологиялық жастар ісі комиссиясының төрағасы, Есік округтік священигі Игнатий Елбасы Н.Ә.Назарбаевтың «Болашаққа бағдар: рухани жаңғыру» деген мақаласында айтқан «ұлттық код, ұлттық мәдениет сақталмаса, ешқашан жаңғыру болмайды» деген сөзіне толық қосылатынын, жоғарыда Хазірет Ратбек қажы айтқан жат қылықтар – арақ ішу, есірткі қолдану тағы басқа да жағымсыз әдеттерден арылмайынша, жастардың бойына ұлттық құндылықтарды «егіп» тәрбиелемесе, олардың өзгедін ағымдарына еріп кететінін, сондықтан оның алдын алуда рухани мәдениетіміздің барлық салалары – ойлау жүйеміз, әдет-ғұрып, салт-дәстүріміз, өнеріміз дәстүрлі діни танымдармен тікелей байланыста даму, содан нәр алып тамырлану керектігін өз сөзіне арқау етті.
А.Бидаев конференцияны қорытындылап, Тәуелсіз Қазақстанның қысқа тарихында еліміздің дін саласы көптеген өзгеріске ұшырағанын, дін атын жамылған ағымдар мен жат топтар діни сауаты аз азаматтардың санасын улап, өзгеге қарсы қойып үлгерге-нін, жалған ағымдармен күресу жеке адамның емес, бар-шаның міндеті екенін айта келе мемлекеттің өркендеу жолындағы еңбектеріне сәттілік тіледі.
Анарбек БЕРДІБАЕВ.
Туған жерге туын тіккен азамат
«Туған жерге туыңды тік» деп бекер айтпаған.
Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жерге деген сүйіспеншіліктен басталады.
Н.НАЗАРБАЕВ.
15 қазан. Жексенбі күні күн шуағын молынан шашып, Нұра ауылы ерекше нұрға бөленіп тұрды. Ауылға кіре-беріс қақпасының бір жағына «Туыңды туған жерге тік», екінші жағына «Сағыныш Есбергенов алғаш қазығын қаққан ауыл» деген жазу ілініп, одан әрі жол бойына түрлі-түсті жалаушалар ілініп, ерекше безендіріліпті. Ауылдық әкімдік, зәулім мәдениет үйі, мектеп, балабақша орналасқан орталық көшесіне қаз-қатар Шелек өңірінің округтерінен 11 ақшаңқан үйлер тігіліпті. Бұл – осы ауылдың алғаш қазығын қағып, Сөгеті кеңшарын құрып, 30 жыл өзі басқарып, жапан далада жаңа қонысты өркендеткен азамат, марқұм Сағыныш Есбергеновке орнатылған ескерткішті ашу қуанышы еді.
Сағыныш аға өзі айтқандай: «Әр адамның, әр ауылдың өзінше тарихы бар. Сөгетімнің тарихын тартып айтар болсам, осыдан 1-2 ғасыр бұрын «Бақай Бұғыты, Қызыл Сөгеті» деген атпен ел бірігіп, үлкен болыстық құрған жерге» 1870 – 1882 жылдары осы Сөгеті болысында Сабаншы би болып, бабалардың табаны тиген құтты қонысты қайта өркендеткен ауылдағы қуанышты басқосуға берісі аудан, облыс, әрісі Елордамыз – Астанадан келген қонақтар, жұртшылық өте көп жиналды. Құлазыған қу далада әуелі киіз үй тігіп, ел болуға бас болып, бүгінгідей айтса адам сенгісіз ауылға айналдырған, іргелі кеңшар болып, аты Қазақстанға әйгіленген, 60 мың қойы маңыраған, 1500 жылқысы кісінеген малды ауылда бүгін үлкен той. Бұл – осынау ерен еңбектің ұйытқысы болып, күш-жігерін жұмсап, білікті басшы бола білген Сағыныш ағаның құрметіне арналған қуаныш. Енді «С.Есбергенов кім?» деген сұраққа жауап.
Атақты қыстық Малай батырдың ұрпағы, республикаға еңбегі сіңген қайраткер, ел ағасы, ауданның және облыстың құрметті азаматы Сағыныш Есбергенұлы бұрынғы Шелек ауылындағы Сарытау елді мекенінде 1926 жылдың 14 сәуірінде дүниеге келді. Сұрапыл Отан қорғау соғысы басталғанға дейін Малыбай ауылындағы мектепте білім алды. 16 жасында «Дехан» колхозында еңбекке араласты. 18 жасынан Шелек ауданы шаруашылықтарында есепші, кейін бас бухгалтер қызметтерін атқарды. 33 жасынан бас-тап колхоздың партком хатшысы, аудандық ауыл шаруашылығы басқармасы басшысының орынбасары болып, соғыстан кейінгі ел еңсесін көтеруде ерен еңбек етті.
1963 жылы асыл тұқымды кеңшарын құру қолға алынып, бұл жауапты істі Сағыныш Есбергенұлына сенім артып, тапсырды. Жаңа құрылған сол шаруашылықтың алғашқы қазығын қағып, республикаға танылған «Сөгеті» кеңшарын 30 жыл өзі басқарып, іргелі мал шаруашылығына айналдырды. Елсіз жерге ел қоныстандырып, сәулетті де сәнді елді мекенге айналдыруға көп еңбек сіңірді. Халқы да іскер басшыны құрметтеп, 1973 жылы Қазақ КСР-інің Жоғарғы Кеңесіне депутаттыққа сайлады. Бірнеше рет партияның съездеріне делегат болып, шебер ұйымдастырушы ретінде «Ленин», «Еңбек Қызыл ту», екі рет «Құрмет» ордендерімен, жеті медальмен және көптеген құрмет грамоталарымен марапатталды. 30 жыл бойы аудандық, ауылдық, 4 рет облыстық, бір рет Жоғарғы Кеңеске депутат болып сайлануының өзі іскер басшыға деген құрмет болса керек-ті. 1987 жылы Республика Жоғарғы Кеңесі президиумының жарлығы бойынша ауыл шаруашылығына еңбегі сіңген қайраткер атағы берілді.Бабасы Малай батыр Туған елін жаудан қорғап, ерлігі еліне мұра, ұрпаққа ұран болып қалса, марқұм Сәкең еңбегімен елін өркендетуде еленіп, есімі ұмытылмастай мәңгі сақталып қалды.
Бүгінгі өзі құрып, 30 жыл өзі басқарып, өркендеткен ауылына ескерткіші орнатылуы соның айғағы болса керек». Жақсының аты өлмейді, ғалымның хаты өлмейді» демекші, артында өшпес ізі – еңбегі, өлмес мұрасы – «Жаңа қоныс», «Ата қоныс» атты және Қыстық руының шежіресін жинастырып, жарыққа шығарған кітабы қалды. Ерен еңбегі, ұйымдастырушылық қабілетімен нұрландырған Нұра ауылы ел тәуелсіздік алғаннан кейін де көркейіп келеді.
Мәдениет үйінің алдында жиналған жұрт алдында аудан әкімі Бинәлі Ысқақ ауылдың, оны құрып, ұзақ жыл басқарған Сағыныш Есбергеновтың ерен еңбегі жайлы толыққанды әңгімелеп берді. Елбасының рухани жаңғыруы өткен тарихымыздан бастау алып, оны одан әрі жаңғырту бүгінгі ел болудың басты міндеті екеніне тоқталды. Ал мемлекет, қоғам қайраткері Кеңес Аухадиев осындай туған жерге туын тігіп, қажырлы еңбек еткен азаматқа, өзі құрып, өзі 30 жыл басқарып, өркендеткен ауылға атын беру керектігін де атап айтты. Одан кейін сөз алған облыстық мәдениет мұрағаттар және құжаттама басқармасының басшысы Ақан Әбдуәлі, ауданның ардақты азаматтары Өмірғали Кенжебек, Аянбек Дауытқұлов С.Есбергенов туралы естеліктерін, елге сіңірген еңбегі жайлы айтса, сөгетілік белгілі журналист Мәмет Сүлеймен ағасына арнау өлеңін оқыды. Сағыныш ағаның жары Айкен апа, ұлы Ұлан өздері ұйытқы болып осынау игі істің іске асуына үлкен күш салғаны жайлы атап өтілді. Ұлан Сағынышұлы көпшілікке алғысын айтып, әкесімен кезінде бірге еңбек еткен, ескерткіш орнату ісіне белсене атсалысқан азаматтарға шапан жауып, кәдесыйлар табыс етті.
Кезек ескерткішті ашуға келді. Мүсінші Шоқан Төлешовтың қолынан шыққан Сағыныш Есбергеновтың ескерткіш бейнесін қонақтар ашып, жұрт естелікке суретке түсіп, шашу шашылып, көптен күткен қуаныш, әуезді ән мен мың бұралған биге ұласты. Елімізге танымал жұлдыздар – композитор осы өңірдің тумасы Ермек Елгезеков «Сөгетім» деген арнайы әнін тарту етсе, әншілер Айбек Мұхаметжанов, Мұрат Тоқашбаев, Ермек Стамғазиев, Рустем Сулайманов ауыл аспанын асқақтаған әнге бөледі. Аудандық мәдениет үйінің, әр ауыл өнерпаздары да өз өнерлерімен елді тәнті етті. Күрестен жарыс ұйымдастырылып, жеңімпаздар мен жүлдегерлер арнайы кубоктар, қомақты бағалы сыйлықтармен марапатталды. Той тойға ұласып, Сағыныш ағаның музейін аралап көріп, соңынан дастархан басында Туған жерге туын тіккен азаматты еске алысып, тарасты.
Анарбек Бердібаев.
Тұрақтылық – табан тірер тұғырымыз
«Бірлік бар жерде тірлік бар». Иә, бабалар сөзінен асып айту әсте артық болар. Осы ойдың астарын саралау мақсатында Бәйтерек орта мектебінде «Толеранттылық пен татулық – қоғамдық келісімнің кепілі» тақырыбында форум өтті. Аудандық ішкі саясат бөлімінің қолдауымен, «Елім-ай» қоғамдық қорының ұйымдастыруымен жалауы желбіреген шараға қор төрағасы Ж.Мухамедов қатысып құттықтау сөз айтты.
Ауданымыздағы ұлтаралық татулықты нығайтудағы аталмыш қордың атқарып жатқан ауқымды ісіне ризашылығын білдірді мектеп директоры Шымберген Пірімбаев. Кейіннен Жаңаберген Мухамедов:
– Мемлекет басшысы Астана қаласында Бейбітшілік және Келісім сарайында өткен Ассамблеяның 25-сессиясында осындай бас-ты байлығымызды сақтап қалу тұрғысында кеңінен ойын білдірді. Санамыздың ісімізден озық тұруын ашық айтты. Бұл дегеніміз, Жаңғырудың негізі – тұрақтылық пен келісімде екенінің айғағы. Бүгінгі іс-шарамыздың мән-маңызы да осында: ынтымақ – ырысымыз, тұрақтылық – табан тірер тұғырымыз екенін жас буынның санасына сіндіру, – деп шараның мақсатын айқындап берді.
Әрі татулық – тұғырымыз, бірлік – білегіміз деп түсініп, оны жас ұрпақтың бойына сіңірудегі қажырлы еңбегі үшін мектеп директоры Ш.Пірімбаевқа, директор орынбасары А.Далмурадоваға аудан әкімінің орынбасары атынан Алғыс хатты салтанатты табыс етті. Сонымен қатар, бірқатар ұлағат иелері де қоғамдық қордың алғысын арқалады.
Шара әуезді ән, әсерлі бимен жалғасын тапты.
Қ.ЖҰМАҒОЖА.
Патриоттық байқау басталды
«Нұр Отан» партиясы Еңбекшіқазақ аудандық филиалы-ның ұйымдастыруымен «Бақыт-ты отбасы – Бақытты балалық шақ» партиялық жобасы аясында мектеп оқушылары арасында «Туған жерім» атты шығармалар байқауы басталды.
Осы аптада аталған байқау жайында партия филиалының өкілдері мектептерде түсіндіру жұмыстарын жүргізді. Айтуларынша, үстіміздегі жылдың 5 қыркүйегінен 1 желтоқсан аралығында өтетін байқауға 5-11 сынып оқушылары қатыса алады. Аудан бойынша шығармаларды қабылдау қазан айының 25-не дейін жүргізілетін болады. Үздік шығармаларды қабылдап, іріктеу аудандық партия филиалы төрағасының бірінші орынбасары Қуат Байғоджаевтың бекіткен комиссия мүшелеріне тапсырылады.
Өз тілшіміз.
Қуаныш даусы қыр асты, тойымыз тойға ұласты
«Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады... Мәселен, «Ауылым – әнім» атты әнді айтқанда, «Туған жерін сүйе алмаған, сүйе алар ма туған елін» деп шырқайтын едік қой. Бажайлап қарасақ, бұл – мағынасы өте терең сөздер». Бұл Елбасы Н.Ә.Назарбаевтың «Болашаққа бағдар: Рухани жаңғыру» атты мақаласындағы «Туған жер» бағдарламасы турасында айтқан ойлары. «Ер – ел үшін туады» деген нақыл бекер айтылмаса керек. Облысымызда алғашқы болып Елбасының «Туған жер» бағдарламасын іске асырған Сабировтар отбасы Ащыбұлақ ауылындағы саябақтың құрылысын аяқтады. Игі шараға арнайы келген облыс әкімі Амандық Баталов Қазақстан ауылындағы әкімдік ғимаратының құрылысымен танысып, Есік қаласындағы 600 орындық жаңа мектептің ашылу салтанатына қатысты.
Өңір басшысы Амандық Баталов, орынбасары Жақсылық Омар, аудан әкімі Бинәлі Ысқақ, «Amal-Bio» компаниясының директоры Динара Рүстембаева бастаған құрметті қонақтар алдымен саябаққа ағаш көшетін отырғызып, ауыл балаларына сый-сияпаттарын үлестірді. Кейіннен, көпшілік алдында сөз сөйлеген Амандық Ғаббасұлы Ащыбұлақ ауылының тұрғындарын қуанышымен құттықтады:
– Елбасы бастамасының арқасында бүгінде елімізде қаншама жақсылықтар жүзеге асып жатыр. Соның бірі – өзіміз бас қосып отырған осы саябақ. Осы демалыс орны жаны жомарт азаматтарымыз Асқар Сабиров пен Динара Рүстембаеваның арқасында бой көтерді. Алғашында Асқар Сабиров маған ауылдың жолдарын жөндеп, электр желілерін жаңартуға үлесімді қоссам деген ұсынысымен келген болатын. Алайда, аталған жұмыстар бюджеттің есебінен іске асырылатындығын айтып, оның орнына ауылға жастар алаңын, саябақ салуды ұсындым. Аз ғана уақыттың ішінде, міне, нағыз патриоттың жасаған еңбегінің жемісін көріп отырмыз.
Сондай-ақ, Сабировтар отбасы кәсіпкерлік пен бау-бақшаның дамуына зор үлесін қосуда. Осыдан үш жыл бұрын мұнда 48 гектар жерде бақ болса, қазіргі таңда 150 гектардан асып-жығылады. Алдағы уақытта алманы өңдейтін зауыттарды іске қосуды жоспарлап отыр. Яғни, сіздер үшін жаңа жұмыс орындары ашылады. Облысымыздың экономикасы артады – деп, облыс халқының атынан Сабировтар отбасына алғысын жеткізіп, жұртшылықты қасиетті Құрбан айт мерекесімен құттықтады. Сонымен қатар, Елбасының «Болашаққа бағдар: Рухани жаңғыру» атты мақаласындағы мақсат-міндеттерді жүзеге асыру негізінде «Туған жер» бағдарламасы аясында Ащыбұлақ ауылындағы саябақты қалпына келтіргені үшін Сабировтар отбасына Алғыс хат табыстады.
– Естеріңізде болса, осыдан екі ай бұрын дәл осы жерде саябақты қалпына келтіру жұмыстарын бастаған болатынбыз. Енді, міне, демалыс орны баршаңызға есігін айқара ашты. Біз жастарға жағдай жасадық. Ендігі кезекте, осы жерде ойнап, спортпен шұғылданып, концерттік шараларды өткізу – сіздердің міндеттеріңіз. Алдағы уақытта Қазақстан, Ж.Қайыпов ауылдарында да осындай демалыс орындарын жасақтауды жоспарлап отырмыз – деп сүйінші хабарын жеткізген Динара Рүстембаева ауылдың спортшы жастарына арнайы сыйлықтарын тапсырды. Ауыл ақсақалы Едіге Сапаев ақ батасын беріп, ақ тілегін жеткізді. Шара соңында аудан өнерпаздары концерттік бағдарлама ұйымдастырды.
Айта кетейік, аумағы 1 гектар болатын саябақты қалпына келтіруге 30 млн теңге қаржы жұмсалған. Мұнда шағын футбол алаңы және дене шынықтыру алаңдары орналасқан. Оған қоса, ауыл бүлдіршіндеріне де жағдай жасалған. Балаларға арналған екі бірдей алаң бар. Сахна мен көрермендерге арналған орындар да назардан тыс қалмаған. Гүлзар мен сәнді ағаштар отырғызылған бақ ішінде 16 орындық қойылған. Осындай жақсылықты жүзеге асырған Сабировтарға ризашылығын білдірген облыс әкімі Қазақстан ауылында салынып жатқан әкімдік ғимаратына ат басын бұрды. Жалпы құны 88 млн 200 мың теңге болатын нысанның құрылысын «Аль-таир» ӨК жүргізуде. Аумағы 360 шаршы метрді құрайтын ғимараттың құрылысы 90 пайызға аяқталған. Енді тек, ақтап-сырлау жұмыстары ғана қалған. Құрылыс барысымен таныстырған өндірістік кооператив басшысы Сейітхан Қырқынбаевтың айтуынша, барлығы кесте бойынша жүзеге асырылуда. Нысан құрылысы уақытында аяқталады.
Қазақстан ауылдық округіндегі жақсылықтарға куә болған Амандық Баталов аудан орталығының төменгі жағында орналасқан саяжай маңындағы мектептің ашылу салтанатына қатысты. Көптен күткен оқу ордасына қол жеткізген тұрғындарды, ұстаздар мен оқушыларды құттықтаған Амандық Ғаббасұлыі:
– Президентіміз Н.Ә.Назарбаевтың «Нұрлы жол» бағдарламасы аясында бой көтеріп отырған мына мектеп – бүлдіршіндеріміз үшін. Солардың сапалы, заман талабына сай білім алып, еліміздің өркендеуі жолында тер төгуі үшін – деп облыстағы білім саласына тоқталып өтті:
– Бүгінде «Нұрлы жол» бағдарламасы аясында 82 жоба іске асырылып, оған 71 млрд теңгеден астам қаржы бөлінді. Мұндай қаржы республика бойынша Алматы облысына ғана бөлінген. Соның арқасында өңірімізде 45 мектеп салынып жатыр. Оның ішінде, бүгін 24 мектеп оқушыларға есігін айқара ашты. 12 нысан жыл соңына дейін іске қосылады. Облысымызда биыл 49 мың бүлдіршін алғаш мектеп табалдырығын аттайды. Бұл дегеніміз бір қаланың тұрғындары бірінші сыныпқа барады деген сөз. Ал осы балаларға жағдай жасау – біздің міндетіміз – деді. Сонымен қатар, еліміздің даму қарқынын шетелдермен салыстырған Амандық Ғаббасұлы Ресейдегі білім саласын сөз етті. Айтуынша, 1 жылда Ресей Федера-циясында 70-тен астам мектеп салынады. Ал тек Алматы облысының өзінде осы жылы 45 мектептің құрылысы басталды. Яғни, осы қарқынмен таяу арада апатты және үш ауысымды мектептердің мәселесін жоятын боламыз. Келесі болып сөз алған Ұлы Отан соғысының ардагері, ауданымыздың құрметті азаматы Солтанбай Жарықбасов ақ батасын берді. Ғимарат ішін аралаған құрметті қонақтар құрылыс сапасына оң бағасын берді. Құны 1,4 млрд теңге болатын мектепті «Жөндеу-Құрылыс» ЖШС салған. Екі қабатты ғимаратта мультимедиялық-лингафондық, биология, физика, химия, информатика кабинеттері заман талабына сай жасақталған. Мектеп директоры Бибігүл Букаеваның айтуынша, қазіргі уақытта 80-нен астам ұстаз өз жұмыстарын бастап та кеткен.
Жүздері бал-бұл жанған балалар өнерлерін көрсетіп, мектеп табалдырығын жаңа аттаған бүлдіршіндер өздерінің жаңа мектебінің алғашқы қоңырауын соқты. Аудан өнерпаздары концерттік бағдарлама ұйымдастырып, көпшілікке мерекелік көңіл-күй сыйлады.
Осыған дейін Есік қаласындағы және Бөлек ауылындағы мектептерге қатынап оқыған саяжайлық оқушылар мен олардың ата-аналарының қуанышында шек жоқ. Мемлекет бізге жағдай жасады, енді біз елімізді өркендету үшін сабағымызды жақсы оқып, білікті маман атанамыз дейді оқушылар.
Сардарбек НҰРАДИН.
Толығырақ ...
Незнание опасно!
Наше государство является светским, правовым и демократическим. Конституция Республики Казахстан провозглашает право каждого гражданина на свободу совести, без ограничения его общечеловеческих и гражданских прав. Никто из граждан РК не может быть подвергнут дискриминации по каким-либо мотивам, в том числе и религиозным. Эти конституционные положения лежат в основе Закона «О религиозной деятельности и религиозных объединениях в РК», принятом 11 октября 2011 года. Закон признает историческую роль ислама ханафитского направления и православного христианства в развитии культуры и духовной жизни страны, вместе с тем гарантируя право на религиозные убеждения, уважение к другим религиям, сочетающимся с духовным наследием народа Казахстана.
Однако религиозные убеждения не должны служить разжиганию социальной, межнациональной, межличностной розни, попыткам насильственного изменения конституционного строя, подрыву национальной безопасности. Под маской исламской и христианской конфессий в сферу казахстанской ментальности проникают объединения с деструктивной идеологией, направленной на раскол казахстанского общества по конфессиональным, а затем и этническим, социально-политическим признакам.
Незнание устоев традиционных для Казахстана конфессий может легко толкнуть доверчивых людей в руки аферистов, циничных дельцов и «пророков», заманивающих «паству» в целях наживы. Более худший вариант – попадание в экстремистские группировки, для которых характерно использование своих адептов для давления на власть, разрушения целостности государства, отчуждение своих членов от семей, местных сообществ, отрицание общепринятых этических норм, навязывание враждебного отношения к любому человеку за пределами общины.
3 августа состоялся районный семинар в СШ имени К.Сатпаева организованный районным отделом внутренней политики в рамках государственной программы борьбы с экстремизмом и терроризмом на 2013-2017 годы. На него были приглашены госслужащие, работники здравоохранения и образования, члены этнокультурных центров, неправительственных организаций, самоуправлений округов, советов старейшин, советов молодежи, женсоветов. Ведущий семинара, главный специалист районного отдела внутренней политики Кайсар Аскарулы представил слово авторитетным исследователям религиозных течений: доктору философских наук, профессору КазНАУ имени Аль Фараби Карлыгаш Борбасовой и главному эксперту Центра изучения и анализа управления по делам религий г.Алматы Алинуру Шпекбаеву. Выступление профессора Карлыгаш Борбасовой было посвящено сущности деструктивной идеологии нетрадиционных религиозных объединений «христианского» толка. Такие факторы, как принуждение к отказу своих членов от выполнения гражданских обязанностей, нелегальная деятельность без регистрации, отрицание патриотизма, конституционного строя, ставят эти общины в ряд экстремистских, противопоставляющих себя государству и обществу. Она рассказала об их признаках, приемах вербовки неофитов. Последствие пребывания в таких общинах – измененное сознание человека, который годами не в состоянии адаптироваться в социуме, теряет здоровье, работу, имущество, родных и близких. Алинур Шпекбаев прочел лекцию о возникновении и истории радикальных сект, вышедших из ислама, христианства, индуизма, пояснил, в чем проявляется их тоталитарный характер. Деструктивные идеологии, несмотря на внешнее различие, преследуют одну цель – завладение душой и мыслями человека, чтобы превратить его в послушное орудие замыслов лидеров экстремистских общин. И знание особенностей подобный учений поможет уберечь себя и других от большой беды.
И.ТУРАНИН
ҚАЙЫРЫМДЫЛЫҚ акциясына үлес қосайық!
ҚАЙЫРЫМДЫЛЫҚ акциясына үлес қосайық! 2017 жылдың 1 тамыздан 31қыркүйек аралығында ауданымыздың барлық мектептерінде «Менің таңдауым балаларға көмек көрсету» ұранымен «Мектепке жол» қайырымдылық акциясы жарияланды. Мақсаты – аз қамтылған және көп балалы отбасылардан шыққан жетім балалар мен ата-аналарының қамқорлығынсыз қалған оқушыларға жаңа оқу жылында әлеуметтік себептерге байланысты мектепке бара алмай қалуының алдын алу. Мейірімді жандандардан бала қуанышын бөлісіп, қамқорлық танытуын сұраймыз. Ауданымыздағы кәсіпкерлерді, белді азаматтарды осы акцияға қатысып көпбалалы отбасының балаларына, әлеуметтік аз қамтылған отбасына демеушілік көрсетуге шақырамыз.
Батес АМАНОВА, аудандық білім бөлімінің басшысы.
Саясаттанушы Саясат Нұрбек: Жалпыдан гөрі жалқы құндылықтар басым
Бір күні «Хабарды» қосып отырсам, әйелім келіп «Телекафе» деген арнаға ауыстырып тастады. Оған мен де шамданып: «Хабарда жаңалықтарды көріп отырмын ғой» дедім. Сонда маған: – Саясатта сен үшін құнды ешнәрсе жоқ, – деп бір-ақ қайырды. Содан бері біз үшін, жалпы қоғам үшін не құнды? – деген сұрақтың төркінін ақтара бастадым. Осы құндылықтарды зерттеуге кіріскенімде біз үшін тың әрі қызық тақырыптар ашылды. Қазіргі дамыған елдер өздерінің өркендеуін, жалпы алғанда жаңғыруын екі-ақ фактормен өлшейді екен: бірінші – құндылықтар жүйесі. Екіншісі – институционалдық жүйе. Осындағы бірінші факторға тереңірек үңілсек, құндылықтар қатып қалған құбылыс деген қате пікір екенін ашып айта аламын. Құндылықтар да заманға қарап өзгеріп отырады. Оған да түрлі сыртқы факторлар әсер етеді. Бұл турасында АҚШ, Еуропа елдері зерттеп, жіліктеп тастаған екен. Алғаш 1940 жылдары Абылхан Манцзло деген америкалық ғалым бұл бағытта ізденген. Ол турасында қазір тарихта «Пирамида Манцзло» деген қолтаңбасы қалған. Бірақ бізді қазақстандық құндылықты зерттеу үшін қандай әдістемені қолдансақ болады деген сұрақ мазалады. Содан Роберт Инглхарт деген америкалық профессордың әдістемесін өзімізге алдық. Неге? Бұл кісі 1960-70 жылдары Еуропадағы зерттеуге қатысып, 1981 жылы «Әлемдік құндылықтар» деген жұмысын жүргізген әлемнің 104 мемлекетінде, 105-ші боп біз ендік. Осы тәжірибені біз 2014 жылы өткіздік. Сондағы қызықты айтайын, қазақстандықтар үшін ең бірінші орында денсаулық тұр. Екінші – балалар. Үшінші – қауіпсіздік яғни, жеке қауіпсіздік. Төртінші – ырыздық, бесінші – отбасылық қарым-қатынас құндылықтары. Ал рухани жаңғыру деп жатқан Отанға қызмет ету – жиырмасыншы орын, патриотизм – он тоғызыншы, қоғамдағы бірлік пен татулық – он бесінші орындарда тұрақтаған. Яғни, ұжымдық қатынас төмендеп, адамның жеке басы бірінші орынға шыққан. Бұл ащы ақиқат. Құндылықтарды қалыптастыратын ең негізгі инс-титут – сапалы уақыт. Яғни, бұл тұрғыда, оңтүстік өңіріміз озып тұр. 4,6 сағатын отбасына арнайды екен. Ал ең төменгі демек, отбасына, балаларына уақыт бөле алмайтын өңір Алматы мен Астана қалалары. Себебі, күйбең тірлікпен таңертең кетеді, түнде оралады. Бұл өзара ұжымдық тәрбиеге кері әсер етіп, әр азамат өзін тәрбиелеуге итермелейді. Екінші институционал – орта мектеп. Осыны зерттеуші ғалымның өзі – құндылықты қалпына келтіру үшін орта мектепті түзеу керек деді.
Жалпы, рухани жаңғыру дегеніміздің өзі осы: құндылықтар жүйесін түзету. Ал екінші дүниежүзілік соғыстан кейін әлемнің 32 елі жаңғыруға жол бастаған. Алайда соның небәрі оннан астамы ғана жаңғыру негізінде өскен. Ондағы сиқыр біреу: институционалдық жүйені қалыптастыру. Яғни, бұл – дамыған елдердің тәжірибесін өз еліне енгізу. Екінші жетістік кілті – қоғамның әлеуметтік-саяси институттарын жетілдіру. Қазір Қазақстан бұл бағытқа соңғы жылдары ғана қадам басып отыр. Себебі, институционалдық реформа дегенді қолға алдық. Яғни, елдің дамуы тек экономикалық құрал-саймандармен емес, рухани құндылықтар жүйесіне де тәуелді екенін байқап отырмыз бұдан.
Жазып алған және баспаға әзірлеген Қайнар ЖҰМАҒОЖА.
Талдықорған.
Әкімдер сайланды
8 тамызда ауданымыздағы 15 округ және Есік қаласының әкімдерін сайлау өтті. Әкімдікке тіркелген 47 кандидат сайлау-дан төрт күн алды аудандық мәслихат депутаттары алдында өздерінің сайлауалды бағдарламаларымен таныстырған болатын. Сонымен халық қалаулылары сейсенбі күні өздерінің таңдауларын жасады.
Аудандық сайлау комиссиясының қорытынды хабарламасын газетіміздің 2-бетінде жариялап отырмыз.
Соңғы жаңалықтар
АЭС – объективті қажеттілік
о проведении республиканского…
Республикалық конкурс өткізу туралы …
Сарапшы: Қоғамдық мәселелерге…
АЭС салуды қолдау штабының өкілдері…
Члены Народного штаба за…
АЭС-тен көмірқышқыл газы да, күл де…
Халықтық штаб: Атом электр…
АЭС салуды қолдау жөніндегі халықтық…
