Жақында кезекті 6-шақырылған аудандық мәслихаттың жанындағы тұрақты комиссиялардың біріккен отырысы өтті. Онда спорт саласының 2016-2017 жылдардағы салыстырмалы даму қарқыны, үдемелі индустриялдық-инновациялық дамыту жөніндегі мемлекеттік бағдарламаны жүзеге асыру барысында аудан аумағында атқарылған жұмыстар мен болашаққа қойылған міндеттер және өңірімізде салынып жатқан ғимараттардың, басқа да нысандардың құрылыс сапасын қамтамасыз ету туралы тиісті бөлім басшыларының есебі тыңдалды. Жиынды аудандық мәслихат хатшысы Бекет Ахметов жүргізіп отырды.
Алғашқы мәселе бойынша аудандық дене шынықтыру және спорт бөлімінің басшысы Ерболат Сарабеков баяндама оқыды. Осы күнге дейінгі атқарылған жұмыстарымен таныстырды. Кезек халық қалаулылары тарапынан сұрақтарға ойысты. Алғаш боп Гүлсара Егінбаева: «Спорт саласын қолдау және дамыту барысындағы мемлекеттік-жеке меншік әріптестіктің құрылу деңгейі қандай? Осы бойынша қандайда насихат жұмыстары жүргізілді ме?» – деді. Кейіннен Қайнар Жұмағожаұлы: «Бірлік ауылындағы спорт алаңын жасау мәселесі бүгінде қордаланып тұрғанын білесіз. Қазіргі уақытта осы бойынша қандай да болсын нақты шаралар атқарылды ма?» – деді. Алғашқы сұраққа сәл сүрінгенімен, бөлім басшысы екіншісіне: «Бүгінде Бірлік ауылындағы спорт алаңын жандандыру үшін округ әкімімен барып барлап қайттық. Қазір құжаттарын заңдастыру жұмыс-тары қарқынды жүргізілуде. Бұйыртса, жақын арада шешімін табады деген үміттеміз» – деді. Ал Бекет Төлегенұлы бөлім басшысынан аудандағы білім беру мекемелеріндегі спорт алаңдарының жағдайы жайында, білім, спорт мектептеріндегі мұғалімдердің кәсіби дайындығы төңірегінде, ауылдардағы спорт нұсқаушыларының жұмысы аясында бірнеше сұрақтар қойды. Алайда, бірқатарына оңды жауап болмады.
Екінші мәселе бойынша аудандық кәсіпкерлік бөлімінің басшысы Нұрболат Серғали есебін берді. Оның айтуынша, жылына 16 млн дана медициналық инфузиялық система шығаратын «Алтомед» ЖШС жақында өз жұмысын тоқтатқан. Оған басты себеп: кәсіпорын шығаратын өнімі медициналық жүйелерінің өзіндік ерекшелігі бар, яғни да-йын өнімді залалсыздандыру үшін арнайы этилен оксиді бар газ қажет болған. Аталған газ Қытай халық республикасынан алынатындықтан кәсіпорынның қаржы жетіспеушілігінен кәсібіне нүкте қойылған. Бұдан да өзге мәселелер бойынша Бекет Ахметов: «Былтырғы жылы іске қосылады деген Нұрлыдағы құс фабрикасы әлі де жұмысын бастай алмай жатыр. Ондағы басты себеп – қосалқы салынған ғимаратқа электр жүйесін қосу керек. бұл бойынша аудан әкімінің атына ұсыныс хат жолдау керек» – деді.
Үшінші мәселе бойынша ау-дандық құрылыс бөлімінің басшысы Әділжан Смағұлов таныстырды. Биылғы жылғы аудандағы салынып жатқан нысандар мен оларды бақылау бойынша жан-жақты саралап өтті. Ал депутаттар Қырбалтабай ауылындағы жер беру мақсатында салынған инфрақұрылымдар қараусыз жатқанына қынжылды. Бұл тұрғыда бөлім басшысы: «Қазір Қырбалтабай ауылының 43 гектарына инфрақұрылым жұмыс-тары толық аяқталды. Енді оны заң шеңберінде кезекте тұрған азаматтарға жер беру – округ әкімінің құзырында» – деді.
Шелек ауылындағы «Келешек» балабақшасының канализациясы да сөз болды. Әділжан Смағұловтың айтуынша, канализацияны қанша мәрте тазартса да, айға жетпей толып кетеді. Яғни, онда бұлақ көзі де болуы мүмкін деген болжам бар. Ендігі кезекте басқа жерден ойық қазып, мәселені осылай шешуді жоспарлап отыр мамандар.
Қайнар ЖҰМАҒОЖА.
Әлбетте, ғарыш пен жерді, құрлық пен көлді жалғап жатқан осынау қазақ жерінің қай қиыры болсын рухқа суарылған, қасіретке малынған. Біз, қазақ елі, өткен тарихымыз бен тағдырымызды тасқа қашап қалдырған елміз. Қара қазан, сары бала қамы үшін, үкі таққан үкілінің ары үшін дауды шешіп, жаудан семсер алдырған елміз. Қайсарлығы қара тас-ты үгіткен, бауырмалдығы қатпар тоңды жібіткен, қаһарынан дұшпан аты үріккен намысты елміз. Оған дәлел, білегінің күші алтын, найзасының ұшы алтын Абылай хан, Үйсін Райымбек, Қаракерей Қабанбай, Қанжығалы Бөгенбай, Шапырашты Наурызбай, Ер Қарасай бабаларымыз. Одан кейін де Ұлы дала елінің басынан небір күнгейлі күндер мен теріскейлі кезеңдер өтті. Бірде бағымыз үстем болса, енді бірде басымыз бұғауда, бармағымыз шайнауда қалды. Алайда, ХХ ғасырдың алғашқы ширегіндегі Ресей империясының орталық билік жүйесіне қарсы бағытталған алашорда қозғалысының орны бөлек. Дәстүрлі қазақ шаруашылығын дағдарысқа ұшыратып, ұлттық мүддемізді тұншықтырып, ата-қонысымыздан кіндігімізді ажырату тұрғысын-дағы кеңес империясының құйтырқы саясаты жолында ұлт болашағы үшін тізесін бүкпей тік құлаған баһадүрлеріміздің есімі бүгінде жүрегімізге намыс, кеудемізге айбат отын сыйлары анық. 21 шілдеде Еңбекшіқазақ ауданы әкімдігі, аудан депутаттары, аудандық «Еңбекшіқазақ» газетінің қолдауымен, аудандық ішкі саясат бөлімінің және «Елім-ай» қоғамдық қорының ұйымдастыруымен Бәйдібек би ауылында «Күн сөнгенше сөнбейміз» атты тақырыпта өткен облыстық ақындар айтысының да көксегені осы: 100 жыл бұрын сүйем жер үшін сүйегін берген арыстарымызды жас ұрпаққа насихаттау. Келелі шараға ҚР Парламенті Мәжілісінің депутаты Зағипа Балиева, аудан әкімі Бинәлі Ысқақ, аудандық мәслихат хатшысы Бекет Ахметов, «Нұр Отан» партиясы аудандық филиалы төрағасының бірінші орынбасары Қуат Байғоджаев, айтыс өнерінің ақтаңгері Жүрсін Ерман арнайы қатысып отырды. Дүбірлі сөз додасына Райымбек, Талғар, Іле, Қарасай, Жамбыл аудандарынан және Алматы қаласынан бас-аяғы 10 ақын іріктелген-тін. Еңбекшіқазақ ауданынан Даубай Әбдісаев, Ринат Нарханов және Нұргелді Қожа, Қарасай ауданынан Қанат Мырзахан және Аяулым Жұмабек, Жамбылдан Айдана Қайсарбекқызы, Талғар өңірінен Айтбек Тұрсынбай, Іледен Ақниет Жұбанышов, Райымбек ауданынан Ермек Рақымбай, Алматы қаласынан Айтуған Жетебаев сөз барымтасында өздерін сынап көрді. Төле бидің туралығын, Әйтеке бидің әділдігін айтып, Қазыбектің қазылығын көрсеткен әділ-қазылар алқасына елімізге белгілі журналист-жазушы, профессор, академик республиалық «Президент және Халық» газетінің бас редакторы, ауданымыздың тумасы Марат Тоқашбаев төрағалық етті. Сондай-ақ, құрамында халықаралық «Алаш» әдеби сыйлығының иегері, Алматы облыстық «Жетісу» газетінің бас редакторы Әміре Әрін, Қазақстан Журналистері одағы сыйлығының лауреаты, екі шақырылымда Алматы облыстық мәслихатының депутаты болған азамат, Қазақстанның құрметті журналисі, «Еңбекшіқазақ» газетінің бас редакторы Хайролла Ахметжанов, белгілі ақын-сазгер, Дәркембайтанушы, Кәмнұр Тәлімұлы, Қазақ радиосының дикторы, Алматы студиясының жетекшісі, республикалық айтыстардың жүлдегері Бақыт Жағыпар секілді ел азаматтары кіл жүйріктен кім жүйрік екенін анықтады. Айтысты ауданның мәдениет саласын ұзақ жылдар басқарған Мұрат Ақаев жүргізді.
Қайнар ЖҰМАҒОЖА.
Қазақстан Республикасы Парламенті Мәжілісінің депутаты, «Нұр Отан» партиясының фракция мүшесі Зағипа Балие-ва халықпен кездесу сапарын ауданымыздың Есік өңіріндегі бірнеше елдімекендерді аралаудан бастап, кейін 34 мың тұрғыны бар ең үлкен әрі дамуға жағдай қарастырылған тірек ауылына ат басын тіреді.
Жаңа салынып жатқан «Батыс Еуропа – Батыс Қытай» автожолы Шелек ауылының батыс, кіре-беріс жағынан жаңа құрылыстар бой көтерген «жаңа тұрмыстың» сәніне сән, көркіне көрік қосқандай. Ауылға бастайтын жаңа жол айналмасынан өткен көлікпен кетіп бара жатқан адамға бой түзеген құрылыс нысандары алыстан менмұндалап, көркімен арбап тұрғандай. Аудан әкімі Бинәлі Ысқақ, «Нұр Отан» партиясының аудандық филиалы төрағасының бірінші орынбасары Қуат Байғожаев және облыстық мәслихаттың депутаты Жангелді Осан бастап келген халқының қалаулы қызы Зағипа Яхьянқызы Шелектегі жаңа тұрмыстың шырайы болған «Келешек» балабақшасын аралаудан бастады. Бұл балабақша сырт көрінісімен ғана емес, ішкі көркімен де, заманауи құрылымымен де келешектің балабақшасы екеніне көз жеткізіп, таңдай қақтырады.
Қонақтарды қарсы алған балабақша меңгерушісі Қарлыға Жүнісова мекеменің тыныс-тіршілігімен таныстырды. Қазіргі таңда 1,5 – 6 жас аралығындағы 267 бала 12 топқа бөлініп тәрбиеленуде. Оларға 62 қызметкер, оның ішінде 32-сі жоғары білімді мектепке дейінгі оқыту мен тәрбиелеу маманы жұмысқа тартылған.
– Балабақшамыз қосымша заманауи кабинеттермен жабдықталған. Міне мынау «Эбру» су бетіне сурет салу әдісі, мынау кинетикалық құм, құм терапиясы, – деп үлкен жұмыстар атқарылып жатқанын айтып, көрсетті.
Мұнда қосымша би және ұлттық аспаптар ансамблі де жұмыс істейді екен. Балалар қонақтарға өз өнерлерін көрсетті.
Оған қоса биылғы жаңа оқу жылынан бастап ментальды арифметикамен қосымша сабақтар жүргізілетінін айтып, екі тәрбиеші қурсқа оқуға жіберіліпті. «Г.Доманның тәсілдерін қолдану арқылы балаларды тез оқытуға үйрету әдісін пайдаланамыз» – деп Қарлыға Асанқұлқызы келесі кабинетке бастады. Заман талабына сай спорт құралдарымен жабдықталған қосымша дене шынықтыру залы да таңдай қақтырды. Әлемдік ағылшын тілін үйрету кабинетінде депутат оқытушымен ағылшын тілінде сұрақ қойып, жауап алды. Бинәлі Әбдіқапасұлы да «Қарлығаны ағылшынша сөйлей білетіндіктен осы балабақшаға тағайындадым» деп мән-жайды түсіндірді. «Мынау ертегідегідей ғой, мынандай мекемеде тәрбиеленіп жатқан қазіргі балаларда арман жоқ» – деп Зағипа Яхьянқызы да өз ризашылығын білдірді.
Келесі бағыт – осы аумақтан жаңадан салынып жатқан 600 орындық мектеп құрылысы. Мұндағы құрылыс басшыларымен кездескен депутат: «Ауылға кіре-беріс жақтан керемет көрінеді екен, нысанның сыртын мынандай бояумен әрлесең тіпті әдемі» – деп өзара пікір алмасып, іске сәттілік тілеп аттанды.
Келесі бағыт – қызметкерлерінің көңіліне кірбің ұялатқан облыстық мамандандырылған балалар үйі. Алайда, ақ халат киген ұжым күлімдеп қарсы алды. З.Балиева оларға көңіл жұбататын сөздер айтып, ешкім жұмыссыз қалмайтынын, мына ғимарат адам құқығын қорғау орталығы болуы мүмкін деп мән-жайды түсіндірді. Елбасының салиқалы саясатының арқасында еліміз-де қолға алынған жақсылықтарды баяндап, қарапайым мысалдармен түсіндіріп берді. Кездесушілердің ризашылығына бөленген депутат олармен естелікке суретке түсіп, амандықта кездескенше саламат тілеп, «Нұр Отан» партия-сы аудандық филиалында халықты қабылдауға асыға аттанды.
Анарбек БЕРДІБАЕВ.
***
«Нұр Отан» партиясы Еңбекшіқазақ аудандық партия филиалының қоғамдық қабылдау бөлмесінде Қазақстан Рес-публикасы Парламенті Мәжілісінің депутаты, «Нұр Отан» партиясы фракция мүшесі З.Я.Балиева қабылдау өткізді. Қабылдау барысында Елбасымыз Н.Ә.Назарбаевтың 2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілет-тілік» атты халыққа Жолдауын, Елбасы мақаласы «Болашаққа бағдар: рухани жаңғыру», бес институционалдық реформа аясында Парламент қабырғасында Қазақстан Республикасының Заңдарына өзгерістер мен толықтырулар енгізу туралы, сондай-ақ «Міндетті әлеуметтік сақтандыру» жүйесі жайлы түсіндіріліп, қабылдауға келген азаматтар өтініштеріне нақты кеңестер берілді. Қабылдауға аудандық мәслихат хатшысы Б.Т.Ахметов, «Нұр Отан» аудандық филиалы төрағасының бірінші орынбасары Қ.С.Байғоджаев, Алматы облыстық мәслихат депутаты Ж.Қ.Осан, Есік БПҰ төрағасы және аудандық филиалының қызметкерлері қатысты.
Қамажай Еркебаева.
Жақында Қазақстан халқы ассамблеясынан сайланған Қазақстан Республикасы Парламент Мәжілісінің депутаты Шаймардан Нурумов Шелек ауылдық округінің мәжіліс залында жергілікті тұрғындармен кездесті.
Қонақтарды бастап келген аудан әкімінің орынбасары Алтай Досымбаев оларды жиналған жұртпен таныстырып, халық қалаулысына сөз берді. 3 шілдеден бастап депутат Талғар, Ұйғыр, Панфилов аудандарын аралап, халықпен кездесіп, олардың көкейінде жүрген мәселелерді тыңдап, ой-пікір бөлісу үшін жүргенін айта келе, елімізде болып жатқан жаңалықтар мен жетістіктерді, Елбасымыздың Қазақстанды әлемге мәшһүр етудегі ерен еңбегін, дүние жүзі үлгі аларлық халық ассамблеясын құрып, бірлік пен бейбітшілікті ту етіп, Мәңгілік ел болудың негізін қалап, озық елдер қатарынан көрінудегі жетістіктері жайлы әңгімеледі. Шелек ауылының ақсақалдары Әлден Әбдірешов қымбатшылықтың күн өткен сайын қарқын алып бара жатқанын, ауыл шаруашылығына баса назар аудару керектігі жайлы айтып, жастарды қалаға қаңғытпай, жұмыспен қамту жағын қарастырса деген ойын айтса, Сыпатай Асанбаев жемқорлықты ауыздықтауды қатаң қолға алу керектігін тілге тиек етті. Кәріс, славян этно-мәдени орталықтарының мүшелері Татьяна Шарафуддинова мен Римма Волокитина халықтар арасындағы достық пен татулық, ынтымақтың арқасында еліміз тың қарқынмен дамып, әлемге әйгіленіп жатқан жетістіктерді Елбасының салиқалы саясатының арқасы екенін сөздеріне арқау етті. Аталмыш мәселер мен сұрақтарға Шаймардан Үсенұлы жауап берді. Жиынға ҚР Мемлекеттік қызмет істері және сыбайлас жемқорлыққа қарсы күрес іс-қимыл агенттігінің Алматы облысы бойынша басшысының орынбасары Данияр Сабырбаев, Достық – үй қоғамдық келісім орталығы директорының орынбасары Жанат Садеков қатысты.
Анарбек МӨКІШҰЛЫ.
План нации «100 конкретных шагов» включает в себя выстраивание эффективной системы гуманизации института исполнения наказаний, внедрения комплексной стратегии социальной реабилитации условно осужденных, освободившихся из мест лишения свободы граждан. В соответствии с Планом действий «Ресоциализация: ты нужен обществу», органы прокуратуры инициировали проект по созданию «Дома пробации». Его предназначение – оказание социально-правовой помощи гражданам, состоящим на учете службы пробации. Координация реализации проекта на местах возложена на прокуроров городов и районов.
Первое совещание районного «Дома пробации» 15 июня состоялось в актовом зале педколледжа. Его вели заместитель прокурора района Е.Бекманов, заместитель акима района Д.Нургисанов, заместитель начальника местной полицейской службы района М.Карибаев, руководитель районного отдела занятости и социальных программ К.Айсина, руководитель районного центра занятости С.Боянбаев, юрист центральной районной больницы Р.Шарипова. Они разъяснили приглашенным на него жителям района, состоящим на пробационном учете, содержание комплексной социально-правовой помощи по принципу «одного окна». Центр занятости будет решать вопросы обеспечения рабочими местами и профобучения по социальным программам, районный отдел образования вести оформление на обучение в профлицеях и колледжах, ЦРБ – обеспечивать лечение в объеме гарантированной медпомощи по социально значимым заболеваниям.
Сформирована рабочая группа «Дома пробации» в составе представителей прокуратуры, уголовно-исполнительной системы, ОВД, миграционной полиции, местной исполнительной власти, учреждений здравоохранения, образования и социальной защиты. На заседаниях, проводимых дважды в месяц, она будут решать вопросы трудоустройства, получения образования, медобеспечения обратившихся в «Дом пробации» подучетных граждан, а также оказания им юридической и психологической поддержки.
И.ВИКТОРОВ
Закон «О языках в Республике Казахстан» был издан еще 11 июля 1997 года. Он призван реализовать положения статьи 7 Основного закона страны, первый пункт которой гласит: «В Республике Казахстан государственным является казахский язык». Но вот парадокс – вот уже 20 лет минуло, а главный язык государства так и остается в ущемленном состоянии, несмотря на его конституционные права и требования Закона. Такое утверждение не голословно. Мы говорим об правилах использования казахского языка в надписях, визуальной рекламе, билбордах и т.п. Тут в игнорировании Закона может убедиться любой прохожий. Как говорится, что написано – не вырубишь... Если в госучреждениях порядок давно навели, то коммерческие структуры, рекламируя свои товары и услуги, по сей день игнорируют Закон «О языках в РК», используя почти исключительно один русский. В лучшем случае, рядом с названием магазина или кафе пишут «дүкені» и «кафесі», и на том считают свой долг исполненным. Неоднократные публикации в СМИ для них как об стену горох.
Цель добиться соблюдения законных прав государственного языка поставили перед собой районный отдел культуры и развития языков совместно с районным филиалом партии «Нұр Отан». В 2017 году они проводят по району систематические рейды с обследованием правил оформления наружной рекламы, стендов, билбордов и т.п. субъектами предпринимательства, организациями и учреждениями. Нарушителям выдается предписание со статьями Закона «О языках в РК», которые регламентируют порядок расположения текстовых надписей на казахском и русском языках на плакатах, стендах, билбордах, а также статьями Кодекса об административных правонарушениях, в соответствии с которыми на нарушителей Закона, как физических, так и юридических лиц, компетентными органами налагаются солидные штрафы. На днях такой рейд провели ведущий специалист районного отдела культуры и развития языков Акмарал Канапина и общественник районного филиала «Нұр Отан» Айнур Курмашкызы. Они обследовали предприятия и учреждения нового делового центра г.Есика по Алтан Адам аллеясы. Не ограничиваясь предписаниями, они устно разъясняли хозяевам хозсубъектов, руководителям учреждений или их представителям требования Закона и Конституции. Надо сказать, все отнеслись с пониманием и пообещали исправить положение в ближайшее время. Списки предприятий и организаций, руководители которых при повторном обследовании визуальной рекламы не выполнят предписаний, будут переданы в органы прокуратуры, с последующим привлечением к административной ответственности. Речь не идет о каких-то незапланированных проверках деятельности хозсубъектов. Закон говорит о соблюдении ими культурных и языковых норм в местах общественного пользования, каковые являются местом расположения рекламных щитов, надписей, билбордов. А законы мы обязаны уважать, и даже их незнание не освобождает от ответственности.
ОТ РЕДАКЦИИ. Обращение Президента РК Н.Назарбаева «Болашаққа бағдар: рухани жаңғыру» ставит задачей полное овладение граждан страны казахским государственным языком для получения качественного образования, полноценного участия в экономической и социальной деятельности государства. Мы хотим обратиться к неправительственным организациям и учреждениям образования, центру молодежных инициатив – почему бы под эгидой партии «Нұр Отан» не провести массовую общественную кампанию за соблюдение требований Закона, тем самым способствуя укреплению и повышению авторитета государственного языка?
И.ВИКТОРОВ
Өткен аптада Елбасы Н.Ә.Назарбаевтың «Болашаққа бағдар: рухани жаңғыру» мақаласы жарық көрген болатын. Елдің болашағын бағдарлаудағы маңызды мәселелерді көтерген мақаладағы басым бағыттар мен негізгі міндеттер бойынша пікір бөлісу және алдағы атқарылар жұмыстарды айқындау мақсатында дүйсенбі күні аудан әкімдігінде аудан активінің отырысы өтті. Шараға аудандық мәслихаттың хатшысы Бекет Ахметов, әкім орынбасарлары, «Нұр Отан» партиясының, қоғамдық кеңестің, ардагерлер ұйымының мүшелері, облыстық, аудандық мәслихат депутаттары, басқарма, бөлім басшылары, округ әкімдері мен мемлекеттік қызметкерлер, этно-мәдени бірлестіктердің жетекшілері қатысты. Жиынды аудан әкімі Бинәлі Ысқақ кіріспе сөзбен ашып, жүргізіп отырды.
Аудандық мәслихат сессиясының алдында тұрақты комиссияларының біріккен отырысы өтті. Экономикалық даму, туризм және спорт мәселелері жөніндегі комиссия аудандағы жолаушыларды тасымалдау және автокөлік инфрақұрылымдарын дамытудың жағдайы туралы осыған жауапты бөлімнің басшысы Бейбіт Искаковтың және Есік қаласындағы автокөлік жолдарын жақсарту бойынша атқарылып жатқан және жоспардағы жұмыстар жөнінде қала әкімі Бауыржан Бименовтың есебін тыңдады. Заңдылықты сақтау және бюджет жөніндегі тұрақты комиссия алдында аудандық ветеринария бөлімінің басшысы Бейсенғали Бименов қаңғыбас иттер мен мысықтарды аулау және жою, сондай-ақ, түрлі мал ауруларының алдын алу бойынша атқарылған жұмыстар жайында сөз тізгінін алды. Ал әлеуметтік сала, білім, мәдениет және ұлтаралық қатынастар жөніндегі тұрақты комиссия аудан аумағындағы жастар саясатының жүзеге асуын саралады. Онда аудандық жастар ресурстық орталығының жетекшісі Айбек Ілебай есеп берді. Отырысты аудандық мәслихат хатшысы Бекет Ахметов жүргізді.
Қайырымдылық – адамзат атаулыға ортақ аса қасиетті ұғым. Қоғамда қайырымды жандардың қатары артқан сайын, өмір ізгіліктің шуағына шомады. Бағы мен соры тең тайталасқан тірлікте мейірімді жүректердің жылуына мұқтаж жандар қаншама. Әсіресе, тастанды болған тағдырлар аялы алақандардың әлпештеуін аңсайды. Қамқорсыз қалған сәбилерге қорған болуға, отбасы жылуын сыйлап, бала асырап алуға бағыт-бағдар беруді көздеп, жетімдер үйін азайту мақсатында облыстық білім басқармасы 2016 жылы «Балалар үйінсіз Жетісу» атты жобаны қолға алған болатын. Көптеген жетім балалардың көз жасын сүрткен игі бағдарлама бүгінде өз жалғасын табуда.
Аталған бағдарлама аясында жақында Есік қаласында отбасы үлгісіндегі тағы бір балалар үйі шаңырақ көтерді. Аталмыш отбасылық балалар үйінің ашылуына Есік қаласы әкімі міндетін атқарушы Айдар Бошкулов, аудандық білім бөлімі басшысының орынбасары Әсел Молдасбаева, Абылай хан атындағы № 4 мектебінің директоры Ләйлә Тункаева, «Есік сәулет» ЖШС-ның директоры Ерік Абитов және Есік қаласындағы алғашқы отбасылық балалар үйінің иесі Роза Есенова қатысты.
Отбасылық үлгідегі балалар үйінің ашылуын құттықтай келген қала басшысы Айдар Бошкулов, балаларды қанатына алған Ирина Ершованың игі ісіне сәт-сапар тіледі. Сонымен қоса Ломоносов көшесіндегі №66 үйде орналасқан осы балалар үйіне жуық арада ақысыз газ тарту жұмысын өз міндетіне алатындығын айтты. Ал Абылай хан атындағы № 4 мектеп ұжымы отбасылық балалар үйіне теледидар тарту етті.
Аудандық білім бөлімінің маманы Алмагүл Дүйсебекованың сөзіне қарағанда, жаңадан бой көтерген отбасылық үлгідегі балалар үйінде қазір 7 жеткіншек бар. Олардың ойдағыдай өмір сүруіне мемлекет тарапынан арнайы қаржы бөлінген. Бұл – Есік қаласында ашылған отбасылық үлгідегі екінші балалар үйі. Бұдан бұрын Есеновтар отбасы 10 баланы өз қамқорлығына алған.
Отбасылық жылу мен ана құшағын аңсаған жәутең көздерге өз мейірімін төккен жандардың да көкірек көгін көктеменің күніндей шуақ жайнап жатса керек. Осы ретте жеті жетім баланы өз қамқорлығына алған Ирина Ершова: «Бұлар жаны пәк періште ғой. Олар менен мейірім күтеді. Мен оларға барымды иіп беруге бармын. Балалар әлі-ақ өмірімнің бөлшегіне айналып кетеді», – дейді.
Біз от басқан сезімдерден тағдыры талқандалған, өмір өзегінен тепкен өрімдей балалардың жүзінен қуаныш лебін байқадық. Енді олардың оттай ыстық отбасы, шаттыққа толы шаңырағы бар. Шерлі жүректердің күлімдеген көздерінен күллі әлем нұрланғандай әсерде қалдық. Ол үшін көкірегі зарлы көкөрімдердің көз жасын сүрткендерге мың алғыс.
Ерзат АСЫЛ
Абай мұрасы – қазақтың қасиетті, алтын қазынасы. Заман алмасып, уақыт озған сайын халқымыз ұлы ғұламаның рухани дүниесіне терең бойлап, оның ұлылығының тың қырларын ашып, жаңа сырларына қаныға түседі. Өзі өлсе де, артына өлмейтіндей сөз қалдырған, өзінің туған халқымен бірге жасайтын, ғасырлар бойы қалың елін асқар асуларға талпындыратын ұлы ақынның туғанына биыл 175 жыл толды. Абай тойын тойлауға мемлекеттік комиссия құрылып, ел көлемінде және халықаралық деңгейде түрлі шаралар ұйымдастырылды. Ұлы ақын мұрасын ұлықтаған игі дәстүр оқу орындарында да жалғасын тапты. Есік гуманитарлық-экономикалық колледжінде Абай Құнанбайұлының 175 жылдық мерейтойына орай «Ұлы даланың – ұлы ақыны» атты онлайн дөңгелек үстел ұйымдастырылды. Дөңгелгек үстелге сарапшылар мен колледж студенттері қатысты. Шараға қатысқандар Абай ойларына үңілу арқылы болашақта біз қандай мемлекет құруымыз қажет және келешекте қазақтың келбеті қандай болуы керек деген сұрақтарға жауап іздеді.
Абай мұрасы – қазақ сөзінің қасиеті мен құдіреті, ондағы ұлттық-қоғамдық, тарихи-философиялық, мәдени-рухани, танымдық-тәрбиелік мәні мол сыр-сипаттар қазіргі кезеңде де өз маңызы мен құндылықтарын жоғалтқан жоқ. Ұйымдастырушылар дөңгелек үстелдің басты мақсаты: «Ұлтымыздың ұлы ақыны хакім Абай мұрасының тағылым өрісін дұрыс тани білу және қоғамды ізгілендіру бағытында заманауи бетбұрысқа сай айналымға енгізу, насихаттау, сонымен қатар ел президенті Қ.Тоқаевтың «Абай және ХХІ ғасырдағы Қазақстан» атты мақаласы мен Абай шығармашылығының сабақтастығын түсіндіру», – дейді.
Абай жасампаздығы – кемел келешегіне талпыныс жасаған әрбір жастың өмір оқулығы. Оның тағылымын тұмар тұтқандар керекті орынға кірпіш болып қаланатыны сөзсіз. Осы ретте, колледж директорының тәрбие ісі жөніндегі орынбасары Дариға Тоққожаева: «Біздің қасиетті шаңырағымызда Абай мұрасы жиі насихатталады. Өйткені біз Абайды тану арқылы өз болмысымызды танып, болашағымызды бағдарлаймыз. Ал мұндағы жас шәкірттердің бәрі – болашағына жол іздегендер. Абай мұрасы олардың арман сапарына шуақ төгеді», – дейді.
Ұлы ақынның биылғы 175 жылдық мерейтойының мән-маңызы мемлекет басшысы Қ.Тоқаевтың «Абай және ХХІ ғасырдағы Қазақстан» атты мақаласында баса көрсетілді. Дөңгелек үстелге қатысқан аудан әкімдігінің «Рухани жаңғыру» жұмысы бойынша маманы Жандос Ержанұлы ел Президентінің «Абай және ХХІ ғасырдағы Қазақстан» атты мақаласына тоқталды. Ол аталған мақала еліміздің, ұлтымыздың тағдыры, келешегі туралы мемлекет басшысының терең толғанысы екендігін айтты. Оның сөзінше, Қасым-Жомарт Кемелұлы Абай шығармашылығымен терең танысып, зерттеп, талдап, ойшыл ғұламаның айтқан өсиеттерін өте түсінікті тілде оқырмандарға жеткізіп, қоғамымыздың алға дамуына, рухани жаңғыруына тиімді пайдалана білу жолдарын көрсеткен.
Абай жасампаздығына бойлаған адам әр жолы оның терең иіріміне көз салған сайын жаңа әлемге бойлайды. Сол үшін де Абай шығармаларын қайта парақтаудың жөні бөлек. Дөңгелек үстелде аудандық кітапхананың әдіскері Гүлия Сағатбекқызы оқырмандардың Абай шығармаларын оқуға деген құлшынысы зор екендігін, аудандық кітапханада дала кемеңгерінің барлық шығармалары дерліктей сақталғандығын айтты.
Ілім мен білімге шөлірген жастың бас қоятын қайнар бұлағы, жансерігі – Абай жасампаздығы екендігі даусыз. Шараға қатысқан студенттер ғұламаның ғұмырға азық болатын мол мұрасының құдіретіне бас имек. Осы ретте колледж студенті Нұржауар Құдайбергенқызы: «Тақырып аясында талқыланған мәселе бойынша қонақтар өз пікірлерімен бөлісіп, қатысушыларға тың ақпараттар берді. Хакім Абайдың жаңа қолжазбалары табылып, жинаққа енгізіледі деген ақпарат баршамызды қуантты. Президент Қасым-Жомарт Кемелұлының «Абай және ХХІ ғасырдағы Қазақстан» мақаласының түпкі мақсаты Абайды тану деп түсінемін. Абай шығармалары арқылы ұлттық кодымызды, санамызды жаңғыртатынымыз сөзсіз», – дейді.
Тағылымы таусылмас қазына, өсиеті өшпейтін өмір шырағы болған Абай мұрасы рухани жетістігіміздің алау отындай шуақ шаша бермек.
Ерзат АСЫЛ
Көктем айларының бірінде газетімізде «Жетісу» телеканалының бағдарламасы басылмай қалды. Газетіміздің байырғы оқырманының (атын айтуға болады, бірақ телефон шалатын көп оқырманның атынан жалпылама атпен «Оқырман» деп-ақ айтсам болар) сұрағы:
– Неге «Жетісу» телеканалының бағдарламасы жоқ «Еңбекшіқазақ» газетінде?!
– Апталық телебағдарламаны дайындап, газеттерге тарататын «Жетісу» каналының қызметкері басқа жұмысқа ауысып, орнына келген жас маман бағдарламаны уақытылы дайындап үлгермеген екен, – деп түсіндіріп жатырмын оқырманға.
– Ешқандай ақталудың қажеті жоқ. Маған уақытылы газетімізді, қажетті ақпараттарды алып отыруым керек. Сол үшін жазылдым аудандық газетке, сол үшін «Жетісу» телеканалын қараймын! – деген оқырман өкпесіне не жауап?!
Ақпараттың маңызы ата-бабаларымыздың өмірінде де, кейінгі ұрпақтың өмірінде де бір мысқал кеміген жоқ. Керісінше, бүгінгі әлемдік деңгейде жүріп жатқан ақпарат майданында дер кезінде алынған хабардың маңызы зор. Бұрынғы көшпелі қазақ қоғамында шабарман, жаушы арқылы, оған қоса бір жолаушыдан екінші жолаушыға ауызекі айтылатын жаңалықтар жолымен – ұзынқұлақ деген атпен ақпарат алмасу жүріп жататын болған.
Қазіргі кезеңде аяғыңды аттап бассаң ақпарат көзіне кезігесің. Теледидар, газет-журнал, радио, әлеуметтік желілер дегендей. Сол ақпарат құралдары дамыған сайын ақпарат таратушылар да еселеп көбеюде екені де ақиқат. Үйінде, жұмысында компьютері, ноутбугі, яки планшеті бар адам, ең аяғы қалтасында смартфоны, телефоны бар адам ақпарат таратушы рөліне ұмтылатын заманда ғұмыр кешудеміз. Бірақ сол ақпараттарды таратумен нан пісіретін наубайшы, етік тігетін етікші мамандар секілді жаңалықты жинап, «пісіріп» беретін ақпарат құралдары айналысса дейміз.
Бүгінгі күндері әлеуметік желілерде интернет тілімен айтылатын көптеген жаңа сөздер, жаңа ұғымдар пайда болып жатыр. Мысалы, «фейк» деген ағылшынша сөздің (fake) тура мағынасы «жалған» болса, оны неге желіге қояды?! «Атың шықсын десең, жер өрте» дегенге саяды бұл әрекеті желі пайдаланушының. «Хайп» ұғымы да осы төңіректе. Қазекем оны ғайыптан хайп пайда болды деп мысқылдап та үлгерді. Өйткені өзін білгіш те ірі қылып көрсету үшін, елден ерен екенін дәлелдеу үшін «хайптауға» баратындар да бар бұл өмірде. Ал бұл ақпараттандырудың теріс жағы. Оң жағы қайсы? Оңдысы қане? Ұлт ұстазы Ахмет Байтұрсын-ұлы «Әркім өз білгенін, өзінің қолынан келетінін істеу керек» деп үйретті ғой. Олай болса бүгінгі бас редактордың бағамындағы басты тақырып ақпараттандыру, жаңалық алмасу болғандықтан, жағымды жаңалықтар жайында да атап кеткен жөн.
Жақсыны жаның тез қабылдайды, жақсыға жедел үйренеді дейміз. Газет редакциясына бас сұққан тәжірибелі автокөлік жүргізушісі: «Есік қаласындағы тазалыққа, автокөлік пен жаяу жүргіншілерге жасалып жатқан жағдайларға назар аударып, бұл жайында неге жазбайсыңдар?» – деген өкпе-назын жайып салды. Расында да «автошкола» деп атап кеткен көшелер қиылысы ұтымды пайдаланылатын етіп жолдары жөнделіп, жол белгілері жарқырап сызылған. Саяжай аумағындағы автожол да, тротуарлар да тұрғындарға, әсіресе, мектеп оқушыларына жайлы етіп жасалуда. Тек карантин аяқталып, оқушылар мектептеріне барып оқитын болса екен! Оқырман өкпе-назы көрініп тұрған жаңалықтар жайында болса, көзге бірден көрінбейтін, бірақ елдің қамы үшін жасалып жатқан жағдайлар тұрғысында жедел ақпараттар бұқаралық ақпарат құралдары – газет, радио, әлеуметтік желілер арқылы таратылады. Осы ақпарат құралдарының әзірге негізгісі саналатын газет шығаруды ұйымдастырушы ретінде айтарым ақпарат алу көздерін пайдалана білмейтіндеріміз көбейгенге ұқсайды. Газет беттерінде аудан, қала, ауылдық әкімдіктер мемлекеттік қызмет көрсету жолдарын үздіксіз жариялау үстінде. Бірақ соны оқып, ұтымды пайдаланушылар қатары көбейе түсті деп айта алмаймын. Өйткені сол аудан, қала, ауыл әкімдіктеріне келушілер қарасы көбеймесе, азаймай тұрғаны да рас. Ең аяғы отбасы жағдайы туралы анықтама, пәтерге кезекке тұру, т.б. анықтамалар алу үшін билік органдарына жүгінбей-ақ халыққа қызмет көрсету орталықтары (ЦОН) арқылы тіпті компьютер, гаджеттермен әлеуметтік желілер көмегімен үйде отырып-ақ ақпарат алу ісі жолға қойылуда.
Мемлекет басшысы Қ.Тоқаевтың талабымен тұрғындардың сұранысын еститін үкімет құру бағытында «Ашық әкімдік» (сервисный акимат) қызмет көрсете бастағанын жариялады «Еңбекшіқазақ» газеті, mezet.kz желілік басылымы. Сол жаңалықтарды қаперіне алған адамдар қане? Олай болатын себебі баспасөз, желілер құралдарынан ақпарат алу мәдениетіміз төмендеу. Оның есесіне «фейк» пен «хайпты» көбірек қабылдап неше түрлі пирамида, қаржылық аферистер қармағына ілініп зардап шегушілер де азаймай тұрғаны да бүгінгі күннің өмір шындығы.
Жедел ақпараттардан басқа Тәуелсіздіктің бастапқы жылдары қабылданған заңдарымызды, Ата Заңымыз Конституциямызды білмеуіміз ақпараттан мүлде жұрдай екендігіміздің дәлелі. Әлемді жайлаған індетті тоқтату үшін мемлекет те, қоғам да күш-жігерді, қаржыны аямай жұмсауда. Осы бағытқа жұмсалатын шығынның ең арзаны да ең қолжетімді қарапайымы – бетперде тағып жүру. Мекемелер мен сауда-саттық орындарына кіре берісінде «Без маски не входить!» деген жазуды көріп кілт тоқтап, сол бетпердені сөмкеден, қалтадан алып таға бастаймыз орысша білетіндеріміз. Алматы қаласындағы бір сауда орнына бетпердесіз кіріп келген қазақ азаматын сатушының жерден алып, жерге салып ұрсып жатқанының куәсі болдым. Ол қазақ Қытайдан қонаққа келген қандасымыз екен, маған қарап: «Мынау қызым неге маған сонша ренжіп тұр» – деп сұрады. Мен: «Бетперде ки деп тұр», – деймін орысшасы жоқ қазақ бауырымызға. «Е, неге есікке қазақша жазып қоймайды ол ақпаратты?»
Өзіміздің Есік қаласындағы Бәйтерек ықшам ауданындағы дүкенде де бетперде пайдалану талабы тек ресми тілде, яғни орысша жазулы екен. Оның қазақшасы мемлекеттік тілдегі нұсқасы неге жоқ деген сұрағыма сөзіне қарағанда сауатты сатушы: «Орыс тілі де мемлекеттік тіл ғой», – деп жауап қатты беті бүлк етпестен.
Өткен ғасырдағы еліміздің өтпелі кезеңінде қаржы үнемдеу үшін жергілікті ақпарат құралдарын қысқарту керек деген ұран тастаймын деп жоғары деңгейдегі басшының басы дауға қалған. Әсіресе, соғыс және еңбек ардагерлері қатты наразылық көрсеткен болатын: Ұлы Отан соғысы кезінде де шығарылып тұрған баспасөз құралдарын жабу – қылмыс дегенге дейін барды ол белсенділер.
Енді бір депутат – облыстық деңгейдің «қалаулысы» болса керек, кітапханаларды жауып, қаржы үнемдеу керек деген «жаңалық» ашыпты. Міне, бұл нағыз ғайыптан шыққан «хайп» деп бағамдап отырмын өз басым. Кітапханаларды – кешегінің, бүгінгінің, болашақтың ақпарат көздерін құрту деген жұмсартып айтқанда мәдениетіміздің, ұлттық құндылықтарымыздың тамырына балта шабу деген сөз.
Енді тікелей жергілікті ақпарат құралдарымызға оралсақ, басқа БАҚ-тар мен қатар "Еңбекшіқазақ" газеті мен газетке жедел қосымша іспеттес mezet.kz желілік басылымы бірін-бірі толықтырып ақпарат таратумен айналысуда. Газет аптасына бір мәрте шығатын басылым болғандықтан жедел ақпаратты «mezet.kz»-ке шығару қолайлы болып отыр. Бұл үрдісті пайдалануға да оқырман бейімделіп келеді.
Тоқсан ауыз сөздің тобықтай түйінін ойшылдың айтқан «Ақпаратпен қаруланған» адам жағдайды да уысында ұстай алады, өз ісін алға бастыра алады» деген сөздерімен аяқтайық.
Хайролла Ахметжанов
Адамзат өркениетінің тарихы сан мәрте дәлелдегендей, ұлы тұлғалар көбіне көненің күйреп, жаңаның бой көтеріп, қоғамның бір сападан екінші сапаға ауысар дәуірінде дүниеге келеді. Жаратушы өз мейірі түскен ерекше жанның бойына нұрлы сипат дарытып, замананың сан алуан факторлары оның қайталанбас дара болмысын сомдайды.
Абай Құнанбайұлы тұлғасы да – сондай аралық кезеңнің жемісі. Ескінің соңы мен жаңаның басын жалғаған алтын көпір. Ол өмір сүрген тұста қазақ қоғамы бұрынғы хандық басқару жүйесінен біржолата қол үзіп, «өз қолынан өз ырқы кеткен» алды бұлыңғыр уақытқа тап болды; көшпенділік салттары дағдарысқа ұшырап, отырықшылық өркениет белгілері ентелеп ене бастады; баһадүр аламандықтың беті қайтып, заманауи білімге бет бұратын кез туып келе жатты.
Ұлы ақын, дана ойшыл Абай ХІХ және ХХ ғасырлар тоғысындағы Ағартушылық немесе Ояну дәуірінің көшбасшысына, елдің болашақ бағдарын айқындап берген рухани темірқазығына айналды. Үлкен білімпаз Құдайберген Жұбанов Еуропа руханиятымен салыстыра айтқандай, Абай – «өз ортасының Данте сияқты адамы», яғни халықтың дәстүрлі сөз өнерін, таным жүйесін, мінез бітімін түбірімен жаңаша түлеткен санаткер. Орыстар үшін – Александр Пушкин, ағылшындар үшін – Уильям Шекспир, немістер үшін – Иоганн Гете, америкалықтар үшін – Уолт Уитмен қандай болса, қазақстандықтар үшін Абай да – сондай рухани ұлы тұлға.
Мызғымастай көрінген Кеңес империясы құлап, тәуелсіз жас мемлекеттің негізін қалау миссиясы маған бұйырғанда, тарихтың «соқтықпалы, соқпақсыз» күрт айнымалы сәтінде хәкім Абайдың өсиетіне жүгініп, елімнің болашағына жаңаша көзқараспен қарағаным хақ.
Байқауымша, ұлылықты ұғыну – бір бөлек те, онымен табысу және тоғысу, яғни түпсіз тереңіне бойлап, жеке болмысыңа жарату – өз алдына қырық қатпар құбылыс.
Осыған орай «Менің Абайды тануым әуелде неден басталды?» деген сауалға ден қойғанда, әлбетте, ұлы ақынның сөздері бесік тербеген әлдимен бірге құлаққа сіңді десем, асыра айтқандық бола қоймас. Рас, өлең сөзге жүйрік, ел әдебиетіне қанық әжем Мырзабала мен анам Әлжан кішкентай күнімде тіні үзілмеген дәстүрлі тәрбие аясында халқымыздың ертегі, аңыз, қиссаларын жадыма барынша сіңірді. Бұл Абай әлеміне апаратын жолдың бастауы болатын.
Ал келешегіме бәйек боп жүрген қайран шешем мені тоғызыншы сынып бітірген соң Қаскелеңге өз қолымен жетектеп апарып, Абай атындағы қазақ орта мектебінің табалдырығынан аттатқанда, алдымнан мүлде басқа әлемнің есігі ашылды. Ұлы ақынның есімін иеленген оқу ордасының шәкірті болудың өзі – бір жағынан мақтаныш, екінші жағынан жауапкершілік екенін ұқтым. Әрине, біз Абайдың мектеп жасына лайықталған оқу, ғылым, адамгершілік, табиғат тақырыбындағы хрестоматиялық өлеңдерін жұрт қатарлы жатқа айтатынбыз. Әсіресе, өзім ақынның философиялық астарға толы «Ескендір» поэмасын қайта-қайта құмарта оқығаным есімде. Қазақ тілі мен әдебиеті пәнінің мұғалімі Ғаббас Бейсенбетовке түсінбеген жерлеріме қатысты тосын сұрақтар қойып, соңынан қалмайтынмын. Бұл ынтызарлық менің көне грек әлеміне, оның билік пен даналық жүйесіне балалық қиялмен сапар шегіп, ойымның өрісі кеңеюіне едәуір септігін тигізді.
Дана Абайдың «талапты ерге нұр жауар» деген қағидасын басшылыққа алып, 1958 жылы мектепті бітірген бойда тәуекелге бел байлап, Арқа төсіне аттандым. Ар жағы – Украинаның Днепродзержинск қаласы... Бұл менің тағдырымдағы бетбұрысты сәттердің бірі болғаны анық. «Жалға жүр, жат жерге кет, мал тауып кел» демеп пе еді жарықтық Абай даладағы қой соңында жүрген қазақ баласына. Ондағысы «алыс-жақын демей, баратын жеріңе барып, маңдай тер, табан ақың арқылы кәсіп үйрен, нәпақаңды жи» дегені ғой. Біз қаршадайымыздан еңбекқор болып өстік. Қатарластар бәріміз әке-шешелерімізге қолғабыс етіп, бірге еңбекке араласып, шөп шауып, мал жайлап, отын жарып, жеміс өсіріп, бақша салып, жылдың төрт мезгілінде үзілмей кезектесе келіп отыратын шаруаны атқарысып, қара жұмысқа әбден төселдік. Кейін туған жерден шалғайдағы Теміртауда, «Карметкомбинаттағы» от-жалында балқыған болаттың ортасында құрыштай шыңдалдық.
Кейде біздің буын өмір бойына ұлы Абай мектебінен, яғни ғұламаның мұхиттай шалқар ой қазынасынан толассыз білім алып келе жатқандай көрінеді.
...Тарих талқысы қызық. Абайға дейінгі заманға зер салсақ, ат жалын тартып мінген қилы замандарда өмір сүрген жыраулардың арқа сүйеген, сөз арнаған елтұтқасы болыпты. Әріде Тоныкөктің – кемеңгер Білге қағаны, беріде құтты қоныс іздеген Асан Қайғының – Жәнібек ханы, мұнан соң көмекей әулие Бұқардың – Абылай ханы, тіпті одан да кейініректе Нысанбай жыраудың Кенесарысы үлгісінде ел басшысы мен данагөй сөз иесі арасындағы қарым-қатынас ұлт тарихында Ұлы даланың әсем жарастығының айғағындай із қалдырыпты.
Ал Абайдың маңдай тіреп, ой бөлісетін, назын айтатын алдияр ханы болған жоқ. Өйткені өктемдігін орнатқан империя реформаларының нәтижесінде Шыңғыс тұқымы екі тізгін, бір шылбырдан толығымен айырылды. Ал тіпті ақыр соңында қазақ үшін биліктің ең зоры, әрі кетсе, болыстық, ауылнайлық немесе ресми кеңседегі тілмаштық қана болып қалды. Cондықтан жаны күйзелген дана Абай салмақты сөзінің бір бөлігін «қалың ел, қайран жұрты – қазағына» бағыштаса, қалған уақытта «моласындай бақсының, жалғыз қалдым – тап шыным» деген сарында өзімен өзі мұңдасты. Ата-тегінде ел басқару үрдісі бар, әкесі Құнанбайдың аға сұлтандығын былай қойғанда, өзі де бірнеше рет болыстық қызмет атқарған Абай билік жүйесінің мән-мазмұнын «Көп шуылдақ не табар, Билемесе бір кемел», «Единица болмаса, Не болады өңкей нөл» деген концептуалдық пайымға сыйғызды.
Дауылпаз жыраулардың соңғы тұяғы, «Халық – менің шын атым» деп тұтас ғасырдың жүгін арқалаған Жамбыл Жабаев «Абайдың суретіне» атты өлеңінде өзінен бір жас үлкен рухтас ағасының ішкі дүниесіне бойлай отырып:
Терең ойдың түбінде теңізі бар,
Тесіле көп қарасаң, көңіл ұғар.
Сол тереңге сүйсініп жан үңілмей,
Есіл сабаз ызамен өткен шығар!.. –
деп Абай трагедиясының шет-пұшпағынан хабардар етеді.
Мәселе сол әр қазақтың Абайдың «тереңіне сүйсініп үңіле білуінде» жатқан жоқ па?!
Абай заманында толық бодандыққа душар болған қазақ жері бұтарланған, бөлшектелген. Қармайтын тал қалмай, ел тұңғиыққа сүңгіген. Кезінде төрткүл дүние тарабын тоғыстырып, алаш жұртының айбынын асырған, мәңгілік ұйтқысына айналған кіндік шаһар – Түркістан өз мәртебесін жоғалтқанына біраз уақыт өткен. Шын мәнінде, Абайдың иек артып, тәу етіп баратын астанасы да жоқ еді. Елдікті аңсаған, бірлікті көксеген данышпан үшін мұнан артық қасірет табылмас. Бүгінгі күні әлемді аузына қаратқан салтанатты елордасы бар егемен мемлекетте өмір сүріп жатқан оның жасампаз ұрпағы мұндай ұлттық шексіз құндылықтың қадірін біліп, маңызын түсінуге тиіс. Абайдың осы арманының орындалғанына, Есілдің жағасында еңселі байтақ қаланың ірге теуіп, бой көтеруіне мұрындық болғаныма мың да бір шүкіршілік етемін.
Тәуелсіздікті жарияламас бұрын елімізде жаһандық деңгейдегі аса маңызды шешім қабылданды. Ол – Семей ядролық сынақ полигонын жабу туралы жарлық.
Қараңғы түнде тау қалғып,
Ұйқыға кетер балбырап.
Даланы жым-жырт дел-сал ғып,
Түн басады салбырап.
Шаң шығармас жол дағы,
Сілкіне алмас жапырақ.
Тыншығарсың сен дағы,
Сабыр қылсаң азырақ, – деген жолдар арқылы Абайдың Гетемен және Лермонтовпен сөз жарыстыра отырып бейнелеген туған топырағын 40 жыл бойы сұрапыл жарылыстар арқылы астан-кестең етіп, жаппай зобалаңға ұшыратқан тажалдың үні солай өшті. Сонда халқының бейбіт тұрмысын, жеке елдік қалпын ұлықтаған дананың рухы қайта байыздаған шығар деймін.
Жаңа мемлекеттіліктің негізін қалау барысында көкейімде «Өз елімді ұшпаққа қалай шығарамын? Әлемнің ең алдыңғы қатарлы жұрттарының қатарына қалай қосамын?» деген сауалдар менің ойымды онға бөліп, санамды сан саққа жүгіртіп келеді.
«Адамзаттың бәрін сүй бауырым деп...». Бұл – Абайдың мәңгі жасайтын қағидасы. Мұның ғажайып үлгісін мен қаршадайымнан көзбен көріп өстім. Шамалған ауылында зұлмат заманның тауқыметін тартып, сонау жер түбінен еріксіз қоныс аударып келген түрлі ұлт өкілдері жапсарласа күн кешіп, қоян-қолтық араласа өмір сүрді. Олардың арасында месхет түріктері, шешендер, ингуштар, украиндар, немістер, қарашайлар бар еді. Біз өзіміз құралпы басқа жұрт балаларын еш жатсынбай, бір үйдің баласындай, бір қолдың саласындай сезініп, құлын-тайдай тебісе жүріп жетілдік. Ал әкем Әбіш болса, түріне қарасаң – таулық, тіліне қарасаң – қазақшадан айырмасы шамалы бір малқар (ол кезде балқар деуші еді) отбасын үйімізге әкеп паналатып, жұмысқа орналастырды. Ішкен асымыз, жасаған тірлігіміз, көрген қызығымыз, шеккен қиындығымыз ортақ болғандықтан, тез арада туысып кеттік. Осындай ортада өскендіктен, адамзат баласын алаламайтын мінез бойыма ерте дарыды-ау деймін.
Әлем тарихына үңілсең, ру мен ру, тайпа мен тайпа, одан әрі ұлт пен ұлт, содан соң мемлекет пен мемлекет арасындағы ірілі-ұсақты кикілжіңнің көбінің ар жағында Адам Ата мен Хауа Анадан тараған жұмыр басты, екі аяқты пенделердің бірін-бірі тегіне, түріне, тіліне, яғни нәсіліне қарап жатырқауы жасырынып жататын кездер жиі ұшырасады. Дініне қарай бөліну індеті де сұмдық зардаптарға ұрындырған. Абай айтқан осындай «алты бақан алауыздықтың» салдарынан талай жұрт өзара қырқыса жүріп, жер бетінен біржола жойылып кеткені мәлім. Кеңес Одағы ыдырауының барысында және тәуелсіздігіміздің елең-алаңында өз ішімізде неше түрлі іріткі салғыш, ірге бөлгіш пиғылдар оянып, сын сағаты туған кезде ел тізгінін ұстай отырып, тарихи тұрғыдан қалыптасқан көпэтностылық пен көпконфессиялық жағдайын бірінші кезекте ескеру қажеттігін аңғардым. Бір жағынан сепаратистік әрекеттер бой көтергені байқалса, екінші жағынан ұлтшылдық дабыл қаққан аласапыран кезеңдерді бастан өткеруге тура келді. Сондай күрделі ахуалда түсіністіктен татулыққа, ымырадан ынтымаққа қол жеткізу арқылы ғана тұтастығымызды сақтадық. «Алтау ала болса – ауыздағы кетеді, төртеу түгел болса – төбедегі келеді» дейді екен дана бабаларымыз. Қазір айтуға оңай, сол уақытта біз «қайтсек, бір жағадан бас, бір жеңнен қол шығарамыз» деп арпалыса жүріп, елдігіміздің шаңырағын шайқалтпай ұстап қалдық. Тұрмыс тапшылығын да бір тайқазаннан ас ішкендей бірге еңсердік. Ол қазақтың кең қолтық, ақ жүрек мейірбандығының және Алтай мен Атырау арасын сол қазақпен араласа жайлаған өзге ұлттардың Абай өнеге етіп қалдырған бауырластығының арқасында жүзеге асты.
Кезінде жер жүзінде теңдесі жоқ институт атанған Қазақстан халқы ассамблеясының менің бастамаммен дүниеге келіп, елдегі татулық пен тұрақтылықтың ұйтқысына айналуының өзі ел бірлігінсіз еш ұлы мақсаттың орындалмайтынын жете түсінгендіктен жүзеге асты деп пайымдаймын.
Ел бірлігі ұранын бағзы замандардан бері талай сұңғыла бабаларымыз қайта-қайта көтеріп отырған. Сонау ХVІІІ ғасырдың өзінде Бұқар жырау:
...Егер Абылай алдында бітпесең,
Атасын білмес алыспын.
Көшің кетер бір жаққа,
Малың кетер бір жаққа.
Көш соңынан жете алмай,
Есің шығар сол шақта, – деп бірлікке шақырса, Абай «Біріңді, қазақ, бірің дос, көрмесең істің бәрі бос» деп, ХІХ ғасырда-ақ бірлік арқылы күллі адамзаттың көшіне ілесе білуге шақырды. Бұл – кемеңгер тұлғаның көрегендігінің белгісі еді.
Тәуелсіздігіміздің тұғырлы болуы жолында мен әрбір сөйлеген сөзімде ел бірлігі, ұлт татулығы мәселесін ұдайы еске салып отыратыным сондықтан. Абайдың 150 жылдық мерейтойына арналған салтанатты жиында: «Біз де бүгін ұлтішілік татуластыққа да, ұлтаралық татуластыққа да, әлемдегі барлық ел, барлық халықтармен ынтымаққа да, мәдениеттер арасындағы сабақтастыққа да Абайша қарап, Абайша қастерлеуге ерекше мән береміз», – деген едім. Осы қағида – менің ешқашан айнымайтын өмірлік ұстанымымның бірі.
Қазақстан Республикасының Президенті ретіндегі өкілеттігімді өз еркіммен тоқтату туралы шешім қабылдамас бұрын болашақ ел басқарар азаматқа қажет қайраткерлік тәжірибе мен тағылым жайын ой тезіне, көңіл безбеніне тартып, асықпай, зер сала қарадым. Абайдың:
Бас басына би болған өңкей қиқым
Мінеки, бұзған жоқ па елдің сиқын?
... Бірлік жоқ, береке жок, шын пейіл жоқ,
Сапырылды байлығың, баққан жылқың.
Баста ми, қолда малға талас қылған,
Күш сынасқан күндестік бұзды-ау шырқың, – деген өкінішін қайталамау қажеттігі тағы алдымнан шықты.
Қазақстан тәуелсіздігінің алғашқы күндерінен бастап менімен бірге жұмыс істеген Қасым-Жомарт Тоқаевтың адал әрі жауапкершілігі жоғары азамат екенін есепке алмағанда, оның елдегі ішкі жағдайды саралап қана қоймай, шығыстың да, батыстың да тілдерін меңгергендігін, Біріккен Ұлттар Ұйымы Бас хатшысының орынбасары қызметін атқарғанын, әлемдік саясаттағы Қазақстанның орнын байыптай алатын дипломаттық қырын да ескердім. Сондай-ақ, өзім айрықша мән беріп келе жатқан ел бірлігі мәселесі мен адамзаттық құндылықтарды үйлестіру қабілетіне сенім арттым.
Өткен жылы Мемлекет басшысы Қ.К.Тоқаев ұлы ақынның 175 жылдық мерейтойын ХХІ ғасырға қарышты қадам басқан тәуелсіз Қазақстанның бүгінгі саяси, экономикалық және мәдени жетістіктері аясында атап өту туралы шешім қабылдады. Бұл – менің «Болашаққа бағдар: рухани жаңғыру», «Ұлы даланың жеті қыры» атты бағдарламалық мақалаларымда қойылған мақсаттарды жүзеге асырудың заңды жалғасы және Абай мұрасын заман сұраныстарына сай қайта зерделеудің маңыздылығын білдіреді.
Уақыт бір орында тұрмайды. Ұрпақ жаңарады, қоғам жетіледі, талап өзгереді. Есіме осыдан ширек ғасыр бұрынғы, тіпті одан сәл әріректегі кезең түсіп отыр. Себебі Абайдың ойы мен сөзін күллі әлемдік ауқымда мойындату мәселесін Кеңестер Одағы әлі тарамай тұрып, 1990 жылы халықаралық деңгейде көтерген едік. Бірақ ол кезде бізге құлақ аспады. Әрине, алдымыздан шыққан басты кедергі – Қазақстанның дербес мемлекет еместігі еді. Сондықтан асқақ тілегіміз егемендік алғаннан соң ғана қабыл болды. Абайды дүниенің даңқты тұлғаларының тізіміне енгізіп, 150 жылдық мерейтойын халықаралық дәрежеде атап өту жөніндегі ұсынысымды қолдаған ЮНЕСКО ұйымының сол уақыттағы бас директоры Федерико Майор мырза кейіннен мерекелік салтанатты шараларға да өзі арнайы келіп қатысты. Және бір айта кететін нәрсе, осы арада биік мәртебелі халықаралық ұйым тарапынан тұрақты тәртіпке айналған бір шарттылық бұзылды. Өйткені бұрын тек 200, 300, 500 секілді соңы бірнеше нөлмен аяқталатын сандарға сәйкес келетін мерейтойлар ғана тізімге ілінетін. Жас мемлекет үшін халықаралық ұйым тарапынан мұндай қолдау көрсетілуі ұмытылмасы анық.
Абай мерейтойына әзірлік өте қиын-қыстау кезеңде қолға алынды. Экономикалық-әлеуметтік проблемалар шаш-етектен болып тұрғанына қарамастан, нар тәуекелге бардық. Арнаулы қаулы қабылдап, атқарылатын іс-шараларды тиесілі мемлекеттік құрылымдар мойнына жүйе-жүйесімен жүктедік. Мерейтойға әзірлік жөніндегі республикалық комиссия және штаб құрылып, оны қаржылық, материалдық-техникалық, инфрақұрылымдық, идеологиялық, дипломатиялық, ғылыми, мәдени тұрғыдан қамтамасыз етудің нақты шаралары бекітілді. Барлық жұмыстың барысын өз бақылауымда ұстадым. Жауапты тұлғалардың қатысуымен арнаулы мәжілістер ұйымдастырып, жағдайды жан-жақты пысықтап отырдым. Шабандық, салғырттық, немқұрайдылық, атүстілік белең алған тұстарда талапты күшейтіп, тіпті мерейтойдың маңызын тереңірек түсіндіру үшін дайындық барысындағы басқосудың бірін Семей қаласына барып өткіздім. Сондағы жиын үстінде: «Абай тойы – тек Алматы мен Семейге, Жазушылар одағына, басқа да шығармашылық ұйымдарға ғана керек шаруа емес. Бұл – бүкіл республиканың, күллі Қазақстан халқының мерекесі. Бұл, шын мәнінде, біздің тарихи және рухани жадымызға, керек десеңіз, осындай іс-шараны мемлекеттік деңгейде өткізе алатынымызға, ұйымшылдығымызға сын. Оның үстіне, Абай мерекесі даңғойлықты көтермейді, ұлы адамды еске алу құрметіне, турасын айтқанда, атаулы күндерді атап өтуде бізде үйреншікті әдетке айналып кеткен шектен тыс ас та төк той жасаудың қажеті жоқ. Парасаттылық, ақылға қонымдылық, ең бастысы, зиялылық пен ұстамдылық қажет. Мерейтой даңғазалықтан аулақ, жоғары мәдениеттілік аясында өтуге тиіс. Абайдың өзі бізді осыған үндеп кеткен және оның өсиетіне кереғарлық етуімізге болмайды», – деген екенмін.
Бұл сөздерді жайдан-жай айтпаған едім. Жасыратыны жоқ, тәуелсіздіктің бастапқы кезеңінде ұлт тарихындағы көп ақтаңдақтардың беті ашылып, «Өлі разы болмай, тірі байымайды» деген ұранмен көпшілік жұрт өзінің қағаберісте қалған бабаларын түгендеп жатты. Олардың ішінде ұлттық деңгейдегі батыр, билермен қоса, дәреже-дәрпі жергілікті жерлерге ғана танымал тұлғаларға да ас беріліп, құрмет көрсетілді. Тоталитарлық жүйе құрсауында құндылықтарына тыйым салынып, іштей булығып келген халықтың ақ түйенің қарны жарылғандай сезімі мен сеніміне тосқауыл қою әбестік саналар еді. Бірақ той тойлаудың да, ой ойлаудың да жөні бар. Алты алаштың абызы болып қана қоймай, адамзаттың асқарынан көрінген халқымыздың ең аяулы перзенті, дана ұстазы – Абай мерекесін бүкілхалықтық деңгейде лайықты өткізу мемлекет мерейі екенін ұғындыру керек болды.
Сөйтіп, Абай тойының алдында оның аруағын одан әрі ұлықтау, өмірбаяндық деректерінің көмескі парақтарын қайта жаңғырту, әдеби, философиялық және музыкалық мұрасын тәуелсіздік тұрғысынан тыңнан пайымдау, әлемдік деңгейде кеңінен таныту бағытында іргелі жұмыстар атқарылды. Ұлы ақын шығармаларының алғаш рет жан-жақты текстологиялық сараптамадан өткен екі томдық академиялық жинағы, «Абай» энциклопедиясы жарық көрді. Абайдың өмірі мен шығармашылығын тұтас қамтитын «Жидебай-Бөрілі» мемлекеттік тарихи-мәдени және әдеби-мемориалдық қорық-музейі құрылды.
Жидебайда үш жүз алпыс әулиелі мекен Маңғыстаудан әкелінген ұлутастардан ақшаңқан күмбезді Абай-Шәкәрім кесенесі тұрғызылып, оның ашылу рәсімінде бұл орынның енді әр қазақ үшін рухани Меккеге айналғанын атап өттім.
Алатаудың жан-жағы тіп-тік құлама құздармен қаусырылып, заңғар басына бұлт қонақтаған Абай шыңына көтеріліп, ақын рухына тағзым еттім. Ұлы ақынның өз халқымен бірге адамзаттың биігінен көрінгенін тіледім.
Сол жылы Абайға арналған салтанатты іс-шаралар Түркияда, Ресейде, Қытайда, Францияда, Венгрияда, Үндістанда, Мысырда, Украинада, Қырғызстанда болып өтті. Лондонда Абай үйі ашылды. Ұлы ақынның әлем елдері руханиятының табалдырығынан аттап, бұрын көз көрмеген көкжиектерге енді ешкім тосқауыл қоя алмайтын мәңгілік сапары басталып кетті.
Абайдың 150 жылдығы аталып өткеннен бергі уақыт ішінде дүние жүзінің бірқатар елінде оның құрметіне көше аттары беріліп, Ренн (Франция), Будапешт (Венгрия), Каир (Мысыр), Мәскеу (Ресей), Ыстамбұл (Түркия), Бейжің (Қытай), Ташкент (Өзбекстан), Тегеран (Иран), Баку (Әзербайжан), Витебск (Беларусь) қалаларының көрнекті орындарында ескерткіштер мен мүсіндер қойылды. Ретінше 2006, 2013 жылдары Мәскеу мен Ташкентте орнатылған Абай ескерткіштерінің лентасын Ресей Федерациясының президенті В.Путинмен және Өзбекстан Республикасының тұңғыш президенті И.Кәрімовпен бірге қидым.
ХХ ғасырдың екінші онжылдығында, дәлірек айтқанда, 1913 жылы ұлт зиялысы Ахмет Байтұрсынұлы өзінің «Қазақтың бас ақыны» атты мақаласында «онан асқан бұрынғы-соңғы заманда қазақ баласында біз білетін ақын болған жоқ» дей келе, соған қарамастан Абайдың есімін тек Семей мен Ақмола облыстарының қазақтары ғана білетінін, ал дүниеден қайтқан соң жарық көрген жалғыз кітабы ел ішіне кеңінен таралмай жатқаны туралы қынжыла жазған еді. Қарап отырсақ, содан бергі бір ғасырдың көлемінде бірте-бірте ұлы ақынның даңқы жер жүзіне әйгілі болатындай деңгейге жетіппіз. Ол – алдымен, әлбетте, Абайдың теңдессіз кемеңгерлігінің, содан соң тәуелсіз мемлекеттігіміздің арқасы.
Абай қаншама тас қапас заманда өмір сүрсе де, болашаққа үмітпен көз тікті. Ол өлеңдерінде «жаңа өспірім, көк өрім», «тілеуі, өмірі алдындағы», «көкірегі сезімді, тілі орамды» жастарға үлгі бермек үшін ғибрат айтты. «Білімдіден шыққан сөз, талаптыға болсын кез» дей отырып, «дүние де өзі, мал да өзі, ғылымға көңіл бөлсеңіз» деген тағылымын үйретті. Батыс пен Шығыстың ілімін толық игерген Абайдың өнегесін ескере отырып, тәуелсіз мемлекетіміздің жастары арасынан халықаралық стандарттарға сай, білімі мен білігі жоғары мамандар даярлау мақсатымен «Болашақ» президенттік стипендиясын тағайындадық. Соның арқасында ұлы ақын өмір сүрген заманда «интернатта оқып жүрген» қазақ баласының ұрпақтары ХХ және ХХІ ғасырлар тоғысында әлемнің ең таңдаулы университтерінде білім алу мүмкіндігіне ие болды.
Ұлы Абайдың 175 жылдығы биыл адамзатқа қатер төндіріп, коронавирус індеті жайлаған уақытпен тұспа-тұс келіп қалды. Аталған дерттің зардабы жер жүзіндегі мемлекеттердің ешбірін айналып өткен жоқ. Бірақ жарқын келешекке деген сенім мен сындарлы әрекеттің арқасында бұл уақытша қиындықты да еңсеретін боламыз. Абайдың сөзіне жүгінсек: «Жамандықты кім көрмейді? Үмітін үзбек – қайратсыздық. Дүниеде еш нәрседе баян жоқ екені рас, жамандық та қайдан баяндап қалады дейсің? Қары қалың қатты қыстың артынан көгі қалың, көлі мол жақсы жаз келмеуші ме еді?».
Лайым солай болсын!
Абайдың сөзі мен ойы біздің күнбе-күнгі тірлігімізге, өркенді өмірімізге кірпіш болып қаланып, бүгінгі өркениет пен алдағы болашақ талабына лайық ұмтылыстарымыздан және игі істерімізден нақты көрініс табатынына кәміл сенемін.
НұрсұлтанНАЗАРБАЕВ,
ҚазақстанРеспубликасыныңТұңғышПрезиденті – Елбасы
Әлеуметте қордаланған түйткілдердің түйінін тарқату – аталмыш бағдарламаның басты бағдары. Нәтижесінде, білім ордалары, спорт кешендері салынып, инфрақұрылым жүйелері жаңаруда. Маңыздысы сол, ондағы жұмыскерлердің 50 пайызға жуығы жергілікті тұрғындар. Бұл мемлекет талабы. Осынау бағдарлама Бартоғай округіне де шуақ шашты. Бижанов ауылындағы кезінде спорт мектебі болған ескі ғимарат күрделі жөндеуге кірді. 369 млн теңге мемлекеттен бөлініп, заманауи спорт кешеніне айналмақ. Сөйтіп, ауыл жастарының бас қосар киелі ордасы болмақ.
Жайдарман жаңалықты көзімізбен көру мақсатында аудандық дене шынықтыру және спорт бөлімінің басшысы Ерболат Сарабековпен бірге Бижанов атындағы ауылға арнайы бардық. Мемлекеттік сатып алу аясында жеңімпаз болған «Энергохолдинг» ЖШС бүгінде жұмыстың 50 пайызға жуығын тәмамдаған. Онда 32 адам, оның ішінде 12-сі аталмыш бағдарлама аясында аудандық жұмыспен қамту орталығы арқылы тұрақты еңбектеніп, нәпақасын табуда.
Спорт кешені жұмысын бастаса тек бір ауылды ғана емес, іргелес жатқан Малыбай, Нұра, Бәйсейіттің жастарын қамтуға қауқарлы. Бұл турасында Ерболат Сарабекұлы: – Өзіңіз барласаңыз, аталмыш округ пен қоса іргелес жатқан ауылдарда да спорт нысандарына тапшылық қатты сезілуде. Бұл кешен ашылса, тәулігіне 180 адам емін-еркін спортпен айналысуына жағдай туғызылады. Әрі волейбол, баскетбол, гандбол және футболдан секциялар ашылып, 15 адам тұрақты жұмыспен қамтылады, – дейді.
Айта кетейік, бұл ғимарат негізі жекешелікте болған. 2017 жылы «Рухани жаңғыру» бағдарламасы аясында кәсіпкер Руслан Камердинов жеке қаржысына сатып алып, мемлекетке тегін қайтарып берген. Енді міне, бюджет қаржысына күрделі жөнделуде.
Жоба бойынша кешен құрылысы желтоқсанда тәмамдалмақ.
Қайнар ЖҰМАҒОЖА
Второе воскресенье октября в Казахстане ежегодно отмечается как День инвалидов. В соответствии с Национальным планом до 2025 года государством проводится работа по обеспечению прав и улучшению качества жизни граждан с ограниченными возможностями, увеличились размеры государственных базовых соцпенсий, специальных госпособий. Инвалиды 1 и 2 гр. имеют право на пенсионные выплаты от ЕНПФ при условии наличия накоплений в ЕНПФ и бессрочного установления группы инвалидности. Государством предусмотрены ежемесячные пособия семьям, которые воспитывают детей с ограниченными возможностями. В целях формирования безбарьерной среды обеспечивается доступность посещения социально-значимых объектов, ведется создание условий для экономической активности людей с инвалидностью. В Минтруда и социальной защиты РК разрабатывается Атлас профессий с рекомендациями по трудоустройству лиц с инвалидностью в зависимости от видов нарушений функций организма. В рамках госпрограммы продуктивной занятости «Еңбек» на бизнес-инициативы инвалидов направлены инструменты кредитования и предоставления грантов.
На региональном уровне обеспечением льгот инвалидам занимаются отделы занятости и социальных программ. О предоставлении видов госпомощи в 2020 году рассказывает руководитель районного отдела занятости и социальных программ Калдыгуль АЙСИНА.
– Калдыгуль Оспаналиевна, какими льготами могут воспользоваться наши граждане с ограниченными возможностями?
– В 2020 году они могут оформить путевку в санаторий, в том числе для сопровождающего; получить необходимые средства личной гигиены; воспользоваться оздоровительными мероприятиями при амбулаторном или стационарном лечении; претендовать на бесплатные кресла-коляски, протезы, ортопедическую обувь, слуховые аппараты, специальные часы и телефоны. Люди с инвалидностью вправе требовать предоставления им возможностей пользования общественным транспортом, объектами социальной инфраструктуры. При приеме на работу трудовое соглашение заключается с фиксацией пунктов об особенных условиях труда. За инвалидом остается преимущественное право на сохранение рабочего места.
В центр занятости населения района обратился 101 инвалид, на постоянные рабочие места трудоустроены 70 инвалидов, по квоте – 4, направлены на общественные работы – 47, на социальные рабочие места – 3, на молодежную практику – 3. Направлены на краткосрочные курсы 4 человека, обучен по программе «Бастау бизнес» – 1 человек, получил грант – 1 человек.
– Сколько инвалидов проживает в Енбекшиказахском районе и какие льготы они получают?
– На сентябрь 2020 года в районе проживает 6983 человек с ограниченными возможностями, из них 1139 человек – дети. Для них предусмотрено гособеспечение по индивидуальным программам реабилитации. Гигиенические средства предоставлены 630 инвалидам на сумму 77,5 млн тенге; технические компенсаторные средства – 180 инвалидам на сумму 6 млн. тенге. Выдано 310 протезно-ортопедических средств и направлений на протезно-ортопедический завод, 120 сурдотехнических аппаратов и направлений; 226 тифлотехнических средств, 229 кресел-колясок.
Для прохождения санаторно-курортного лечения выдано 566 путевок в санатории «Акжанель», «Спутник», «Жаркент Арасан», «Текели», «Каратал», «Акбулак», «Береке».
– Какие виды услуг еще оказывает РОЗСП?
– В текущем году услуги индивидуальных помощников получили 345 инвалидов на 100,1 млн. тенге; услуги жестового языка – 38 инвалидов на сумму 5.9 млн. тенге. Также 197 одиноко проживающих, престарелых и инвалидов, 99 детей с ограниченными возможностями обслуживаются отделением социальной помощи на дому.
На возмещение затрат по обучению на дому 248 детей с ограниченными возможностями выплачено 8,3 млн тенге.
Для обеспечения транспортного передвижения инвалидов работает «Инватакси», выполнено 816 заявок.
– Может ли инвалид самостоятельно выбирать средства и услуги реабилитации?
– В данное время Министерством труда и соцзащиты РК внедряется Портал социальных услуг. Через него можно будет приобретать технические средства реабилитации, не требующие индивидуального подбора, выбирать услуги индивидуальных помощников и санаторно-курортного лечения.
Поготовил И.ТУРАНИН