Жетісуда 675 оқушыдан коронавирус анықталған

Алматы облысында мектеп қабырғасындағы оқушылардың 675-і коронавирсқа шалдыққан. Олардың 215 жағдайы жазғы демалыс кезінде, 444-і офлайн оқыту кезінде және 16-сы онлайн оқытуда тіркелген. Облыстың 190 мектебінің 422-сыныптарына карантин енгізу туралы 366 қаулы шығарылды және 6281 оқушы қашықтықтан оқыту нысанына ауыстырылды.
Ал мұғалімдер арасында 2021 жылғы 1-20 қыркүйек аралығында облыс бойынша КВИ-мен ауырғандардың 103 жағдайы тіркелді, оның ішінде 32 педагог жазғы демалыс кезінде ауырып қалған.
Айта кетейік, өңірлердегі санитарлық-эпидемиологиялық бақылау басқармалары педагогтар, оқушылар, студенттер және техникалық персонал арасында сырқаттанушылықтың күнделікті мониторингін жүргізеді.

«JETISÝ MEDIA» КММ