«Таза Қазақстан» – тазалық пен жауапкершілік бастауы

Президентіміздің «Таза Қазақстан» акциясы экология саласындағы ауқымды жалпыұлттық қоғамдық қозғалысқа айналды. Мемлекет басшысы тазалықты қоғамдағы мінез-құлық нормасына айналдырып, экологиялық білімге ерекше назар аудару қажеттігін атап өтті.
Халқымыздың «Тазалық – саулық негізі» деген даналық сөзі қоршаған ортаны қорғаудың маңызын айқындайды. Тазалық тек жеке бас гигиенасымен шектелмей, күнделікті тұрмысымыз бен табиғатқа деген жауапкершілігімізді де қамтиды.
«Таза Қазақстан» – тек ағаш отырғызу мен аумақтарды тазарту емес, азаматтардың экологиялық мәдениетін қалыптастыруға бағытталған маңызды бастама. Ол қала мен ауыл тұрғындарын, еріктілерді, жастарды және түрлі ұйымдарды ортақ мақсатқа біріктірді.
Акция аясында еріктілер де белсенділік танытып, Құрманғазы ауданындағы тазалық жұмыстарына өз үлестерін қосып келеді. Әрбір азаматтың қоршаған ортаға жанашырлықпен қарауы – таза әрі көрікті ел қалыптастырудың негізі.
Табиғатты қорғау, су мен электр қуатын үнемдеу, қоқысты сұрыптау және қоғамдық орындарды таза ұстау күнделікті әдетке айналуы тиіс. Өйткені экологиялық мәдениет әр адамның жеке жауапкершілігінен басталады.