+77277540900  +77002724204   enkaz.kz@gmail.com   040400, Алматы облысы, Еңбекшіқазақ ауданы, Есік қаласы, Алматы көшесі, № 112.

Без рубрики

Үй жағдайында әзірленген консервілердің қаупі

Үй жағдайында дайындалған консервілер — қыс мезгілінде көкөністермен жемістерді сақтаудың кең таралған тәсілі. Тұздалған қияр, қызанақ, салаттар мен тосаптар көптеген отбасының дастарқанынан орын алады. Алайда оларды дайындау, сақтау және пайдалану кезінде санитариялықталаптар сақталмаса, тағамнан улану қаупі туындауы мүмкін.

Консервілер неліктен қауіпті болуы мүмкін?

Консервілердің қауіпсіздігі өнімнің сапасына, ыдыстың тазалығына, өңдеутемпературасына және сақтау жағдайына байланысты. Көкөністер мен жемістер дұрыс жуылмаса, ал банкалар жеткілікті өңделмесе, тағамға зияндымикроорганизмдер түсуі мүмкін.

Сонымен қатар консервілеу кезінде тұздың, қанттың немесе сіркесуының мөлшерін рецептте көрсетілген деңгейден өз бетінше азайту өнімніңсақталу мерзімі мен қауіпсіздігіне әсер етуі ықтимал. Әсіресе қышқылдығытөмен көкөністерді үй жағдайында консервілегенде қауіпсіз өңдеутехнологиясын сақтау өте маңызды.

Бұзылған консервілердің белгілері

Консервінің сапасын бағалау үшін оның сыртқы жағдайына назар аударуқажет. Мынадай белгілер байқалса, өнімді пайдаланбаған жөн:

-банканың қақпағының ісінуі немесе герметикалығының бұзылуы;
-сұйықтықтың ағуы;
-өнімнің түсі мен құрылымының өзгеруі;
-көгерудің немесе көбіктің пайда болуы;
-жағымсыз иістің шығуы.

Дегенмен консервінің сыртқы түрі қалыпты болуы оның толық қауіпсізекенін білдірмейді. Сондықтан өнімді дәмін татып тексеруге болмайды.

Үй консервілерін қалай қауіпсіз дайындауға болады?

• Біріншіден, көкөністер мен жемістерді ағынды сумен мұқият жуып, шіріген және бүлінген бөліктерін алып тастау керек.

• Екіншіден, банкалар мен қақпақтарды дұрыс дайындап, тексерілгенконсервілеу рецептерін пайдалану қажет.

• Үшіншіден, өнімнің түріне сәйкес қауіпсіз өңдеу әдісін таңдау маңызды. Қышқылдығы төмен көкөністер мен ет өнімдерін сақтау үшін арнайықысыммен консервілеу әдісі қажет болуы мүмкін. Қарапайым қайнатубарлық қауіпті микроорганизмдер мен олардың төзімді спораларынжоюға кепілдік бермейді.

• Төртіншіден, дайын консервілерді белгіленген температурада және тиістіжағдайда сақтау қажет. Қақпағы бүлінген немесе сақталу шарттарыбелгісіз өнімдерді пайдаланбаған дұрыс.

• Бесіншіден, ашылған консервілерді тоңазытқышта сақтап, мүмкіндігінше қысқа мерзімде тұтыну керек. Өнімнің жарамдылықмерзімі мен сақтау жөніндегі нұсқауларын ескерген жөн.

Үй жағдайында дайындалған консервілерді қауіпсіз пайдалану үшінтазалықты сақтау, дұрыс рецепт таңдау және консервілеу технологиясынорындау қажет. Өнімнің сыртқы түріне ғана сенбей, оның қалайдайындалғанына және қандай жағдайда сақталғанына да мән берген жөн. Қарапайым сақтық шаралары тағамнан уланудың алдын алуға және отбасыденсаулығын қорғауға көмектеседі.

                                                                              М.Азербаев

                                                                              Еңбекшіқазақ аудандық 

                                                                              СЭББ басшысы