Есік қаласында қоғамдық қауіпсіздік мәселелері талқыланды

Алматы облысы Есік қаласында орналасқан АҚ «Қазпочта» ұжымымен кездесу өтті. Басқосуда қоғамдық қауіпсіздік, құқық бұзушылықтың алдын алу және азаматтардың құқықтарын қорғау мәселелері сөз болды.

Кездесу барысында қоғамдық кеңістіктерді жарықтандыру, аулалар мен көшелерді абаттандыру, сондай-ақ учаскелік полиция қызметінің қолжетімділігін арттырудың маңыздылығы айтылды. Сонымен қатар цифрлық технологияларды қолдану арқылы құқық бұзушылықтың алдын алу тетіктері талқыланды.

Жиында құқық қорғау органдары жұмысының тиімділігін арттыруға бағытталған заманауи тәсілдер, оның ішінде болжам жасау мен талдау жүйелерін пайдалану мәселелеріне назар аударылды.

Кездесу соңында қатысушылар қоғамдық қауіпсіздікті қамтамасыз етуге қатысты өз пікірлері мен ұсыныстарын ортаға салды.