Құрылтай – ел бірлігін нығайтатын маңызды қоғамдық алаң

Құрылтай – еліміздің қоғамдық-саяси өміріндегі маңызды бастамалардың бірі. Бұл алаңда мемлекет пен қоғам арасындағы өзара байланыс нығайып, ел дамуына қатысты өзекті мәселелер кеңінен талқыланады. Құрылтайдың басты маңызы – халықтың ұсыныс-пікірлерін тыңдап, қоғамның көкейіндегі мәселелерді ортақ ой елегінен өткізуінде деп ойлаймын.

Қазіргі таңда елдің болашағы үшін бірлік, тұрақтылық, ұлттық құндылықтарды сақтау және жас ұрпаққа дұрыс бағыт-бағдар беру аса маңызды. Осы тұрғыдан алғанда, құрылтайда көтерілетін мәселелердің маңызы зор. Мұнда руханият, білім, мәдениет, әлеуметтік даму, тәрбие және ел мүддесіне қатысты көптеген бағыттар қамтылады.

Қоғамның дамуы тек мемлекеттік шешімдермен ғана емес, әр азаматтың белсенділігімен, жауапкершілігімен және ортақ іске үлес қосуымен жүзеге асады. Құрылтай осы азаматтық белсенділікті арттырып, халықтың пікірін ескеруге мүмкіндік беретін тиімді алаң ретінде көрінеді.

Ел болашағын ойлау, құндылықтарды дәріптеу, татулық пен келісімді сақтау – баршамызға ортақ міндет. Сондықтан құрылтайдың жұмысы қоғам үшін маңызды әрі уақыт талабына сай бастама деп есептеймін. Осындай игі шаралар еліміздің дамуына жаңа серпін беріп, халықтың бірлігі мен ынтымағын нығайта береді деп сенемін.

Аналар кеңесінің мүшесі С.Мамбеткаримова