Жаз мезгілінде қандай сусындарды ішкен дұрыс?
Жаз мезгілінде ауа температурасыныңжоғарылауына байланысты адам ағзасысұйықтықты көп жоғалтады. Терлеудің күшеюінәтижесінде ағзадағы су мен минералдар азайып, әлсіздік, бас айналу, тез шаршау және сусызданубелгілері пайда болуы мүмкін. Сондықтан ыстықкүндері сұйықтықты жеткілікті мөлшерде тұтынуденсаулықты сақтаудың маңызды шарттарыныңбірі болып табылады.
Мамандар жаз айларында ең алдымен таза ауыз суды тұтынуға кеңес береді. Су ағзадағы су тепе-теңдігін сақтап, дене температурасынқалыпты деңгейде ұстап тұруға көмектеседі. Шөлдібасудың ең тиімді жолы — таза су ішу. Әсіресекүннің ыстық уақытында суды аз-аздан жиі ішкендұрыс.
Сонымен қатар табиғи және пайдалы сусындарғаназар аудару қажет. Қант мөлшері аз компоттар, морс, айран, қымыз, шұбат, табиғи шырындар мен көк шай ағзаны дәрумендермен және пайдалымикроэлементтермен қамтамасыз етеді. Айран, қымыз және шұбат ас қорыту жүйесінің жұмысынжақсартып, ішек микрофлорасын қалыпты сақтауғакөмектеседі. Ал көк шай сергітетін әсер беріп, ағзадағы зат алмасу процесін қолдайды.
Жаз мезгілінде газдалған тәтті сусындарды, энергетикалық сусындарды және құрамында қантмөлшері жоғары өнімдерді шектеген жөн. Мұндайсусындар шөлді уақытша ғана басады және ағзағаартық қанттың түсуіне себеп болады. Қантмөлшерінің көп болуы артық салмаққа, зат алмасубұзылыстарына және тіс денсаулығына кері әсеретуі мүмкін. Сонымен қатар кофеин мөлшеріжоғары сусындарды шамадан тыс тұтыну жүрексоғуының жиілеуіне және ағзаның сусыздануынаалып келуі ықтимал.
Өте салқын сусындарды бірден көп мөлшерде ішуде денсаулыққа зиян тигізуі мүмкін. Мұндайжағдайда тамақ аурулары, тамақтың қабынуынемесе асқазанға салмақ түсу қаупі артады. Сондықтан сусындарды қалыпты температурадатұтынған дұрыс.
Сусындарды сатып алу кезінде олардыңжарамдылық мерзімі мен сақтау шарттарынаміндетті түрде назар аудару қажет. Әсіресе сүтөнімдері, табиғи шырындар және тез бұзылатынсусындар тоңазытқышта сақталуы тиіс. Қаптамасыбүлінген, иісі немесе түсі өзгерген өнімдердітұтынуға болмайды. Сондай-ақ сусындарды тек сенімді сауда орындарынан сатып алған дұрыс.
Балаларға арналған сусындарды таңдауда да мұқият болу қажет. Құрамында бояғыштар мен қант мөлшері жоғары сусындардың орнына табиғисусындарды берген дұрыс. Баланың ағзасысусыздануға сезімтал болғандықтан, ыстық күндеріолардың су ішу режимін бақылау маңызды.
Дұрыс таңдалған сусындар жаз мезгіліндеағзаның қалыпты қызметін сақтауға, сергектіктіарттыруға және денсаулықты нығайтуғакөмектеседі. Сапалы әрі қауіпсіз сусындардытұтыну — жазғы маусымдағы денсаулық кепілі.
Еңбекшіқазақ санитариялық-эпидемиологиялық
бақылау басқармасының
санитариялық-гигиеналық
бақылау, техникалық регламенттер
талаптарының сақталуын
бақылау бөлімінің