Қасым-Жомарт Тоқаевтың білім беру саласын жан-жақты дамыту жөніндегі ұстанымы жас ұрпақтың болашағына тікелей қатысты.

Балабақшадан бастап жоғары оқу орнына дейінгі білім беру жүйесінің дамуы – қоғамның интеллектуалдық әлеуетін арттырудың негізі. Сондықтан жаңа білім беру нысандарын салу мен жастарға грант бөлу қатар жүргізілуі маңызды.

1483 балабақша мен 1342 заманауи мектептің ашылуы білім беру инфрақұрылымын кеңейтуге бағытталған нақты жұмыстарды көрсетеді. Ал жоғары білімге бөлінген 655 мыңнан астам грант жастардың өз қабілетін ашып, таңдаған саласы бойынша білім алуына жол ашады. Мұндай қолдау жас буынның болашаққа сеніммен қарауына ықпал етеді.

Білім беру саласындағы жетістіктерді бағалағанда, инфрақұрылыммен қатар оқыту сапасына, педагогтердің кәсіби деңгейіне және білім алушылардың нақты нәтижелеріне де назар аудару қажет. Өйткені басты мақсат – мектеп пен жоғары оқу орнын бітірген жасқа сапалы білім мен өмірде қажет болатын дағдылар беру. Бұл еліміздің тұрақты дамуына негіз болады.

Муханбек Санат Канатович Мәдениет саласының қызметкері