
Кітапхана – ақыл мен білім ордасы
Кітапхана – адамзаттың асыл қазынасы, білім мен тәрбиенің, рухани байлықтың ордасы. Кітапханаға келген әрбір адам өзіне қажетті мәлімет алып, білімін жетілдіріп, дүниетанымын кеңейтеді. Сондықтан кітапхананы білімнің қайнар көзі деп атаймыз.
Кітап – адамға ақыл қосатын, өмірді танытатын, жақсылыққа жетелейтін асыл дос. Кітап оқу арқылы біз өткен тарихымызды танып, бүгінгі өмірді түсініп, болашағымызға бағыт аламыз. Әрбір кітаптың өз айтары, өз тағылымы бар.
Кітапхана тек кітап сақтайтын орын ғана емес, ол – ізденіс пен шығармашылықтың, мәдениет пен парасаттылықтың мекені. Мұнда оқырмандар түрлі әдебиеттермен танысып, қызықты іс-шараларға қатысып, өз білімдерін толықтырады.
Халқымыз «Кітап – білім бұлағы, білім – өмір шырағы» деп бекер айтпаған. Кітапты көп оқыған адамның ой-өрісі кең, сөзі бай, танымы терең болады.
Қорыта айтқанда, кітапхана – ақыл мен білімнің сарқылмас қазынасы. Кітапхананы құрметтеп, кітап оқуды күнделікті әдетке айналдырайық! Өйткені білімді ұрпақ – ел болашағы.
