Бейсенбі, 26 Қараша 2015 16:12

Жаңа федерация жұмысы қарқынды

Жайдарман жаңалық! Ауданымызда баскетбол мен волейболды дамыту қолға алынды. Бұл турасында аудандық дене шынықтыру және спорт бөлімінің басшысы Ерболат Сарабеков мәлімдеді. Оның айтуынша, былтырдан бері ауданымызда Спорт ойындары федерациясы құрылған. Оның мақсаты да осы: кенжелеп қалған спорт түрі баскетбол мен волейболдың «тамырына қан жүгірту».

 

Федерацияның төрағасы Артем Троянның айтуынша, баскетбол ойындарын өткізу былтырдан басталған. Алғашында төрт команда қатысты. Оның үшеуі ауданымыздан Қаракемер, Есік және «Жастар» (Есік) құрамалары. Төртіншісі Алматы қаласының командасы. «Алматы құрамасын шақырудағы мақсатымыз – шебер ойын үлгісін үйрену. Тәжірибе алмасу»  – дейді федерация төрағасы. Биылғы жылы баскетболдан бағын сынауға 9 команда тіркелген. Уақыт өткен сайын тәжірибе жинап келеді дейді Ерболат Сарабекұлы.

– Аудан әкімі Бинәлі Әбдіқапасұлының қолдауымен бүгінде спорт саласы ерекше қарқында дамып келеді. Оған жоғарыда көрсетілген спорт түрлерінің жандануы, жасаруы дәлел. Шыны керек, бір жылдың өзінде оң нәтижеге қол жеткізіп келеміз. Мәселен, былтыр Қаракемер құрамасы дұрыс ойын үлгісін көрсете алмаған еді. Ал биыл оң өзгеріс байқадық. Сол секілді Бәйтерек, «Ирбис», «Сұңқар» (Есік) құрамалары жақсы ойын үлгілерін көрсетуде.

Сәйкесінше, баскетболдан мектеп оқушылары арасында турнирдің түндігі биыл ғана түріліпті. Федерация төрағасының айтуынша, қазір аудан аумағынан 14 команда өз бақтарын сынауда.

Ал волейбол ойындары биыл алғаш басталды. Қазірге оған 12 команда тіркелген. Ойын шарты да кәдуілгі футбол чемпионаттары секілді. Айналым бойынша өтеді. Ойындардың ережесі мен тәртібі sportdom.kz сайтында толық жарияланып отырады. Кез келген жанкүйерлер осы сайтқа кіру арқылы толық ақпаратты білуге болады.

Айтып өтейік, аталмыш федерация одан да өзге 40 жасөспірімге футбол ойынының қыр-сырын меңгертуде. Кәсіби ала доп майталмандарын шақыртып, шеберлік сағаттарын да өткізеді екен.

Жасөспірімдерді спортқа баулуда ерекше көзге түсіп отырған федерация-дан Ерболат Сарабеков та мол үміт күтеді. Ол турасында:

– Федерацияның басқан қадамы нық. Мұндай қарқынмен жұмыс жүргізетін болсақ, волейбол мен баскетбол ауданымызда жоғарғы қарқынмен дамиды деген үміттемін. Қазір облыста Талғар, Қарасай аудандары мен Қапшағай қаласы құрамалары бұл спорт түрлерінің майталмандары. Бір-екі жыл ішінде осы кіл мықтыларды жеңетіндей үздік құрама құру – негізгі мақсат. Бұған жетуде Спорт ойындары федерациясының бізге берері көп. Сондықтан өз тарапымыздан да федерацияға барынша қолдау көрсетуге әзірміз, – деп ағынан жарылды. Ендеше, біз де сәттілік тейік.

Қайнар ЖҰМАҒОЖА.

Оқылды 2327 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет