Іле-Алатау МҰТП-ның әр жыл сайын желтоқсан айынан бастап Жаңа жыл мейрамы басталғанша табиғат қорғау органдарының кызметкерлері орманшылармен бірлесіп, шыршаны күзетуге кіріседі. Өйткені жылдың осы мезгілінде бағасы шарықтайтын ормандағы шыршаға көздерін сүзушілер көбейеді. Сондықтан шырша өсетін аймақтарда жол бойына арнайы бақылау бекеттері қойылады.
Шыршаны қорғау мақсатында Іле-Алатау МҰТП Түрген филиалында мемлекеттік инспекторлар кезекшілік атқарып, шыршаны қорғау акцияларын жүргізуде. Шырша кескендерге қатысты қылмыстық іс қозғалатынын қатаң түрде хабарлаймыз. «Бір күн қызық үшін түп тамыры жүздеген жылдар бойы зорға өсетін шыршаны көздері қиып қалай кеседі екен?!» деп ойлайсың кейде. «Атадан мал қалғанша, тал қалсын» деген сөз бекер айтылмаған шығар.
Әрбір кесілген шыршаның құны – 15 АЕК 41670 тг. шамасында тұрады. Жыл сайын бұл бассыздық жалғаса берсе, күндердің бір күні жасыл желекті алқаптарымыздың барлығын жойып жібергенімізді байқамай да қалуымыз мүмкін.
Сондықтан халықты бәріміз бірге шырша кеспеуге шақырайық. Осы жаңа жыл мейрамында шыршаларды өзіміз жоймайық, өзгелерге де жол бермейік. Осы әрекеттерге тосқауыл қою – біздің міндетіміз. «Жаңа жыл – 2020: шыршаны қорғау» акциясын қолдаңыздар.
Қ.Молдасынов,
Іле-Алатау МҰТП Түрген филиалы
ОҚМЛЛО инженері