Спорт – денсаулық кепілі. Спортпен шұғылданып қана қоймай, оны жастар арасында насихаттауға үлес қосып жүрген азаматтарымыз ауданымызда жеткілікті. Кеше «Nur Otan» партиясы аудандық филиал төрағасының бірінші орынбасары, аудандық мәслихат депутаты Қуат Байғоджаев осы бағытта жұмыс атқарып жүрген жастармен кездесті.

Мемлекет басшысының «Жаңа жағдайдағы Қазастан: іс-қимыл кезеңі» атты Жолдауын түсіндіріп өткен Қуат Сұлтанұлы ауданымыздағы бұқаралық спорттың дамуына тоқталды. Айтуынша, спортты дамытуға барлық жағдай жасалуда. Спорт кешендері, спорт мектептері жүйелі жұмыс жүргізуде. Сонымен қатар, кешкі уақыттарда мектептердің спортзалдары жастарға есігін айқара ашады. Ал жастардың міндеті – спортпен шұғылданып, «Саламатты Қазақстанның» іргетасын берік ету. Жиын соңында спортшы жастар мәслихат депутатына өздерінің пікірлерін айтып, ұсыныстарын жеткізді.

С.НҰРАДИН