Мүмкіндігі шектеулі жандардың қоғамдық орындарда кедергісіз жүріп-тұруы мен олардың басқа да мәселелері үнемі «Nur Otan» партиясының назарында. Осы орайда, аудандық партия филиалы төрағасының бірінші орынбасары Қуат Байғоджаев мүмкіндігі шектеулі азаматтармен онлайн кездесу өткізді.

«Кедергісіз келешек» партиялық жобасы аясында ұйымдастырылған шара барысында мүмкіндігі шектеулі жандар өздерінің күнделікті өмірде қоғамдық орындарда кездесетін кедергілерді айтып, шағымданды. Негізінен жеке кәсіпкерлік субъектілері мен қызмет көрсету орындарындағы пандус пен көру қабілеті нашар азаматтарға арналған Брайль қарпімен жазылған маңдайшалар. Бұл мәселелер бойынша алдағы уақытта кәсіпкерлерге ұсыныс енгізілетіндігін жеткізген Қуат Сұлтанұлы мемлекеттік мекемелерде мүмкіндігі шектеулі азаматтарға барлық қолайлы жағдай ұлттық стандарттарға сай жасалғандығын айтты.

С.НҰРАДИН