Бүгін «Nur Otan» партиясы жанындағы саяси кеңес мүшелері Тілеулес Ұзақов, Асыл Байтулақов «Тәуелсіздік жолындағы еңбек» тақырыбында білім беру саласының қызметкерлерімен кездесу өткізді.
Кездесуде білім мен ғылым мемлекеттің негізгі тірегі екендігін айтқан Тілеулес Ұзақов Мемлекет басшысының ұлағат иелерінің еңбегін бағалап, жағдай жасап жатқандығын жеткізді. Кеңес мүшесі Асыл Байтулақов Президенттің биылғы Жолдауындағы іс-қимылдың 5-ші кезеңіне тоқталды:
– Президент Жолдауда ұстаздар жалақысының аздығын айтып, 2021 жылдың қаңтар айынан бастап мұғалімдердің еңбекақысын 25 пайызға арттыруды тапсырды. Жалақы мөлшері алдағы уақытта да арта береді. Бұл мақсатқа алдағы 3 жылда 1,2 триллион теңге бөлінеді – деді Асыл Байтулақұлы.
Жиында кеңес мүшелері қазіргідей қиын сәтте балаларға сапалы білім беріп отырған ұлағат иелеріне ризашылықтарын білдірді.
С.НҰРАДИН
