Ескі заманнан бала тәрбиесі мен ұрпақ мүддесін бәрінен жоғары қойған қазақ халқы жесірін қаңғыртпай, жетімін жылатпай өсірген. Бұл дәстүр бүгінгі күнде игі жалғасын табуда. Осы орайда «Nur Otan» партиясының аудандық филиалы мемлекет тарапынан жетімдерге қамқорлық көрсету жұмыстарына қоғамдық-партиялық мониторинг жасады.
Бүгінде ауданымызда ата-ана қамқорлығынсыз қалған балаларға толығымен жағдай жасалуда. Осы жылдың өзінде Есік қаласында отбасылық үлгідегі балалар үйі ашылып, Ершовтар жанұясы 11 баланы бауырына басқан болатын. Бұл «Балалар үйінсіз Жетісу» құрудағы жасалған қадамдардың бірі.
Соңғы екі жылда ауданымызда 20 жетім азаматтарға пәтер беріліп, баспаналы болған. Мониторинг барысында осыны саралаған партия филиалы төрағасының бірінші орынбасары Қуат Сұлтанұлы жетім балаларды оқыту мен жұмысқа орналастыру бойынша атқарылып жатқан жұмыстарды жүйелі жалғастыру керектігін айтты.
С.НҰРАДИН
