Маңызы бар мемлекеттік бағдарламалардың жүзеге асуын қадағалап, халықтың мұң-мұқтажы мен түйінді мәселелерін шешуде жетекші рөл атқаратын «Nur Otan» партиясы бүгінде тұрғындардың ризашылығына бөленуде. Сондықтан болар 1 млн-нан аса мүшесі бар жетекші партия өзінің партиялық жобалары аясында көпшіліктің жүрегіне жол табуда. Жобаларды тиянақты атқарып, партияның дамуына үлес қосқан үздіктер де назардан тыс қалған емес.

Осы орайда, жыл сайынғы дәстүр бойынша «Үздік бастауыш партия ұйымы» байқауы ұйымдастырылды Түрген округіне қарасты Түрген бастауыш партия ұйымының мәжіліс залында.

Жиынды жүргізген партия филиалы төрағасының бірінші орынбасары Қуат Байғоджаев келешектегі жаңалықтармен бөлісті:

– Партиямыз да заман ағымына қарай дамып, атқа-ратын жұмысымыз күрделеніп келеді. Осы жылдың қазан айын-да концепсия бекітілгеннен кейін, партияда үлкен өзгерістер болады. Партия қатарына кіру-ге ниеттенген азаматтарды партиялық талаптар бойынша қабылдайтын болады. Сол секілді, партия мүшелерінің атқарған жұмыстары, жеткен жетістіктері мен кемшіліктері жеке кабинетінде жазылып тұрады – дей келе әділ-қазы алқасымен таныстырды.

Байқауға ауданымыздағы 26 бастауыш партия ұйымдарының барлығы қатысып, партиялық жобалар аясында іске асырыл-ған жұмыстарына есеп берді.

Барлығы тыңғылықты дайындықпен келген бастауыш ұйымдардың арасынан үздікті анықтау әділ-қазыларға оңайға соқпады. Нәтижесінде, ІІ санат бойынша (100-500 мүшесі бар БПҰ) Қаракемер БПҰ үздік деп танылып, І орынды иеленді. ІІ орын Ташкенсаз БПҰ-на, ІІІ орын Түрген БПҰ-на бұйырды.

І санатта (500-ден жоғары мүшесі бар БПҰ) 9 айдың нәтижесі бойынша ауқымды жұмыс атқарған Шелек БПҰ І орынға жайғасты. Рахат БПҰ ІІ орынды еншілеп, Қаратұрық БПҰ үздік үштікті қорытындылады. Жеңімпаздарға Алғыс хаттар мен сыйлықтар табысталды

Екі санат бойынша жүзден жүйрік шығып, тыңғылықты еңбе-гін көрсете білген Шелек және Қаракемер БПҰ-дары облыстық байқауда ауданымыздың намысын қорғайтын болады.

Б.Рахимов,

аудандық партия филиалы-ның консультанты.