Жақында аудан әкімі, «НұрОтан» партиясы аудандық филиалының төрағасы Бинәлі Ысқақ пен аудандық мәслихат хатшысы Бекет Ахметов бастаған топ Есіктегі құрылыс жүргізіліп жатқан бірқатар нысандарды аралады. Ондағы атқарылған жатқан ауқымды істерді көзімен көрді, лайықты бағасын да берді. Сонымен...

Бүгінде аудан ғана емес, дүние жүзінде қоқыс полигондарының мәселесі өзекті тақырып болып тұр. Қоқыстарды төгеміз, алайда оны залалсыздандыратын немесе қайта өңдеуден өткізетін зауыт жоқ. Осылайша, тау-тауболып үйілген қоқыс полигондары ашық аспан астында қала береді.

Жол – қарым-қатынас құралы. Сондыққтан болар Елмен елді, жермен жерді жалғайтын ұзын-сонар жолдардың сапасы жоғары болуына бүгінде сұраныс артып келеді. Бұрынғыдай атпен жүру жоқ енді. Жүйткіген көлікпен зымырап өте шығады. Сәйкесінше, жолдардың мінсіз тегіс болғанын қалайды жүргізушілер. Қалаулары да орынды. Себебі, жыл сайын көлігіне салық төлеп, жолдардың жөнделуіне бөлінетін қаражатқа өз қалтасынан үлес қосады. Қазақта «Жол жаман болса, атаң да сүрінеді, атан да сүрінеді» – деген тәмсіл бар емес пе? Ал бүгінде ауданымыздағы жолдардың жайы қандай? Жолаушыларға қаншалықты жағдай жасалған? Осы сұрақтарға жауап іздеген болатынбыз...

«Тарихта біз ұялатын ештеңе жоқ» деген еді Елбасымыз. Расында да солай, біз – тағдырымызды тасқа қашап қалдырған елміз. Білегінің күші алтын, найзасының ұшы алтын баһадүр бабаларым Ұлы дала елін жаудан аман сақтау жолында талай жойқын жорықтар жасады. Ымырасыз шайқастарға шықты. Оған дәлел, керегесін Керей мен Жәнібек қалаған 550 жылдағы қазақ халқының басынан өткен небір күнгейлі күндер мен теріскейлі түндер. Иә, шындығы да сол, бірде бағымыз үстем болса, енді бірде басымыз бұғауда, бармағымыз шайнауда қалды. Отаршылдық дәуіріндегі Алтай мен Атыраудың, Арқа мен Алатаудың арасындағы арпалыстар қаншама. Патшалық Ресейдің 1916 жылғы бірінші дүниежүзілік соғысты желеу етіп, әділетсіз жасаған әскери бағытқа қарсы шыққан көтеріліс Орта Азияны түгелдей қамтыды. «Берсек бала өледі, бермесек шал өледі, бала өлгенше шал өлсін» деп ұран тастаған Ұзақ батыр мен Жәмеңке би ерлігі де жадымызда. Батыс пен шығысты тоқайластырған, ұлы Жібек жолы бойындағы ең ірі сауда орталығы болған жәрмеңке бір-ақ сәтте қанның қазанына айналды. Сол Қарқара қасіретінің жалыны шарпымаған, ошағы ортасына түспеген отбасы бұл өмірде некен-саяқ. Бас көтерер тұлғаның бәрі атылды, аңыраған ана, шыңғырған бала даусынан даланың дегбірі қашты. Ол аз десеңіз, тас жас-танып, тау жамылған жетім ұл мен жесір ана ашаршылыққа ұшырады. Сонау Ереуілтөбеде босқаны бар, қашқаны бар 35 мың адам құрбан болды деген дерек те тарихта таңбаланып қалды. Нәубет жылдардың жаңғырығын Мұхтар Әуезов «Қилы заманға» сыйдырды. Ғасырды артқа тастаған сол қасіретті күндердің өткеніне де міне, 100 жыл толыпты. Қарт тарихтың қойнауына Қарқара көтерілісі деп енген осынау сұрапыл жылдардан біз тек сабақ аламыз. Бабаларымыздың ерен ерлігімен сусындаймыз. Өсер елдің өркендері жақында Қарқарада бас қосты. Алматы облысының әкімі Амандық Баталовтың қолдауымен Алатаудың төрінде, Райымбектің жерінде, Ереуілтөбенің белінде жүзеге асқан іс-шаралар топтамасы ауыз толтырып айтарлық. Бастамасы, Нарынқол-Қарқара жол айырымындағы «Тарихқа тағзым» мемориалды кешенінің ашылуы болды.