- +77277540900
- +77002724204
- enkaz.kz@gmail.com
- 040400, Алматы облысы, Еңбекшіқазақ ауданы, Есік қаласы, Алматы көшесі, № 112.
Қасым-Жомарт Тоқаев Шұғыл әрекет ету штабының кеңесін өткізді
Президенттің төрағалығымен Шұғыл әрекет ету штабының кеңесі өтті. Оған Үкіметтің және бірқатар мемлекеттік органның басшылары қатысты, деп хабарлайды Ақорданың баспасөз қызметі.
Мемлекет басшысы әлемнің жаһандық экономика мен геосаяси ахуалды қайта өзгертудің күрделі кезеңін бастан кешіріп отырғанын атап өтті. Қазақстанның алдында мүлдем жаңа талаптар кезеңінде экономиканы орнықты даму режимінде сақтау міндеті тұр.
Премьер-Министр Асқар Мамин ел экономикасына кері әсер ететін сыртқы факторларды азайтуға байланысты Үкіметтің қабылдап жатқан шаралары туралы баяндады.
Қасым-Жомарт Тоқаев коронавирустың таралуына қарсы күрес жөніндегі шешімнің ақталғанын және дер кезінде қабылданғанын, оның отандастарымыздың денсаулығын сақтауға бағытталғанын атап өтті. Президент кәсіпорындар мен мектепке дейінгі мекемелер қызметкерлерінің медициналық қауіпсіздігін қамтамасыз етуге қатысты қосымша шаралар қабылдау қажет деп санайды.
Мемлекет басшысы балаларына қарау үшін үйінде отыруға мәжбүр ата-аналардың біріне ақылы еңбек демалысын беру қажеттігін жұмыс берушілерге түсіндіруді тапсырды. Үкімет фискалды механизмдер арқылы кәсіпорындарға қолдау көрсету шараларын қабылдауы керек.
Президент медициналық мекемелер мен азаматтарды дәрі-дәрмектермен қамтамасыз ету мәселесін шұғыл шешуді, медициналық нысандардың дайындығын тексеруді талап етті.
Мемлекеттік қызметшілер мен басқа да лауазымды тұлғалардың шетелдерге іссапармен баруына тыйым салынады, тек азаматтарымыз бен еліміздің қауіпсіздігін қамтамасыз етуге бағытталған сапарларға ғана рұқсат беріледі.
Президент еліміздің әлеуметтік-экономикалық дамуына және бюджет шығындарына қатысты болжамды қысқа мерзімде қайта қарауды тапсырды.
Мемлекет басшысының пікірінше, бюджет шығындарын халықты жұмыспен қамтуға, шағын және орта бизнесті қолдауға бағыттап, қайта қарау керек.
Президент Үкіметке, ең алдымен, отандық өнім өндірушілерге басымдық бере отырып, тауарлар мен қызмет түрлерін сатып алудың тікелей және ашық жүйесіне көшуді тапсырды.
Үкімет отандық ірі кәсіпорындармен бірлесіп, өндірісті қолдау және кеңейту, жұмыс орындарын сақтау бойынша дағдарысқа қарсы мақсатты жоспар әзірлейді.
Мемлекет басшысы отандық тауарларды және жұмыс күшін пайдалана отырып, инфрақұрылымдарды жөндеуді, әлеуметтік нысандар мен жергілікті жолдар салуды көздейтін Жұмыспен қамтудың жол картасын жүзеге асыруға кемінде 300 миллиард теңге бөлу жөнінде тапсырма берді.
Қаржы нарығын реттеу және дамыту агенттігіне Ұлттық банкпен бірлесіп, қазақстандық бизнеске несие беру көлемін азайтпау жөнінде шаралар қабылдауға тапсырма берілді.
Аймақ әкімдері азық-түлік пен қызмет түрлерінің бағасын бақылау жұмыстарын белсенді жүргізуі керек.
Сонымен қатар Президент мемлекеттік органдарды жекелеген тауарлардың сұранысына дүрбелең тудырмай, бос үрей мен алып-қашпа сөздің алдын алу үшін ақпараттық-түсіндіру жұмыстарын белсенді жүргізуге, оның ішінде, әлеуметтік желілерге айрықша көңіл бөлуге шақырды.
Қасым-Жомарт Тоқаевтың айтуынша, еліміздің азық-түлік қоры Қазақстан халқының қажеттілігін толық қамтамасыз ете алады, тұтыну тауарларына қатысты ешқандай тапшылық болмайды.
Дереккөз: inform.kz
Қазақстанда короновирустың таралуына жол бермеу жөніндегі іс-шаралар
Қайрат Сүнтаев ҚР Ішкі істер министрінің орынбасары қызметіне тағайындалды
Мемлекет басшысының Өкімімен Қайрат Сүнтаев ҚР Ішкі істер министрінің орынбасары қызметіне тағайындалды.
Қайрат Сүнтаев Павлодар облысында туған. С.М.Киров атындағы Қазақ мемлекеттік университетін заңгер мамандығы бойынша бітірген.
Еңбек өтілі:
1979 жылы Павлодар облысында Комсомол жастар бригадасында тас қалаушы;
1983-1987 жылдары «Алматықұрылыс» тресі тұрғын үй-пайдалану учаскесінің дәнекерлеушісі, тас қалаушысы;
1986-1987 жылдары - «Алматықұрылыс» тресі тұрғын үй-пайдалану учаскесінің 1 санаты бойынша спорттан нұсқаушы;
1992-1993 жылдары – Павлодар облысы Краснокутск ауданы прокуратурасының тергеушісі;
1993-1994 жылдары - Павлодар облысы прокуратурасының тергеушісі;
1994-1995 жылдары – Қазақстан Республикасы Ішкі істер министрлігі органдарының тергеу мен анықтауды қадағалау жөніндегі прокуроры, Қазақстан Республикасы Бас прокуратурасы Тергеу департаментінің аға прокуроры;
1995-1997 жылдары - Қазақстан Республикасы Бас прокуратурасының жедел іздеу қызметінің заңдылығын қадағалау басқармасының аға прокуроры;
1997-1998 жылдары – Ақмола облысы Ерейментау ауданының прокуроры;
1998-2000 жылдары – Астана қаласы Алматы ауданының прокуроры;
2000-2002 жылдары – Астана қаласы прокурорының орынбасары;
2002-2004 жылдары - «KEGOC» компаниясы заң департаменті директорының орынбасары;
2004-2006 жылдары – Астана қаласы бойынша Экономикалық қылмысқа және сыбайлас жемқорлыққа қарсы күрес департаменті (қаржы полициясы) басшысының орынбасары;
2006 жылы Қазақстан Республикасы Ішкі істер министрлігі Тергеу және анықтау департаменті басшысының міндетін атқарушы болды;
2006 жылы Қазақстан Республикасы Ішкі істер министрлігі Тергеу және анықтау департаменті басшысы қызметін атқарды; 2006-2007 жылдары – Қазақстан Республикасы Ішкі істер министрлігі Тергеу комитеті төрағасының орынбасары;
2007-2008 жылдары Қазақстан Республикасы Ішкі істер министрлігі Тергеу комитеті төрағасының міндетін атқарушы;
2008-2009 жылдары – Атырау облысы ІІД бастығы;
2009-2010 жылдары Қарағанды облысы бойынша Экономикалық қылмысқа және сыбайлас жемқорлыққа қарсы күрес департаменті басшысының орынбасары;
2011-2014 жылдары – ҚР Президенті Әкімшілігі құқық қорғау жүйесі бөлімінің инспекторы;
2014-2016 жылдары – Ақтөбе облысы Мемлекеттік қызмет істері және сыбайлас жемқорлыққа қарсы іс-қимыл департаменті басшысы;
2016-2018 жылдары – Ақтөбе облысы бойынша Сыбайлас жемқорлыққа қарсы іс-қимыл ұлттық бюросы департаментінің басшысы;
2018-2019 жылдары – ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Сыбайлас жемқорлыққа қарсы іс-қимыл ұлттық бюро басшысы;
2019 жылдың шілдесінен бүгінге дейін Алматы қаласы бойынша сыбайлас жемқорлыққа қарсы іс-қимыл агенттігі департаментінің басшысы қызметін атқарды.
«Қазақстан полициясына 15 жыл», «ІІМ-дегі үздік қызметі үшін» төсбелгілерімен марапатталған.
Дереккөз: inform.kz
Бағдат Мусин ҚР - Президентінің цифрландыру және инновациялық технологиялар жөніндегі кеңесшісі
Мемлекет басшысының өкімімен Бағдат Мусин ҚР Президентінің цифрландыру және инновациялық технологиялар жөніндегі кеңесшісі қызметіне тағайындалды.
Бағдат Мусин 1983 жылы 3 наурызда Павлодар облысында дүниеге келді. Сүлеймен Демирел атындағы университетті, Қазақ құқықтану және халықаралық қатынастар институтын бітірген.
2011 және 2012 жылдар аралығында ҚР БАМ Мемлекеттік қызметтерді автоматтандыруды бақылау және ХҚО қызметін үйлестіру комитеті төрағасының орынбасары болды.
2012 жылдан бастап ҚР Көлік және коммуникация министрлігінің Мемлекеттік қызметтерді автоматтандыруды бақылау және ХҚО қызметін үйлестіру комитеті төрағасының лауазымын атқарды.
2014 жылдың сәуірінде «Ұлттық ақпараттық технологиялар» АҚ Басқарма төрағасы болып тағайындалды.
2017 жылы 25 қаңтарда Қазақстан Республикасы Бас прокуратурасының Құқықтық статистика және арнаулы есепке алу комитетінің төрағасы қызметіне тағайындалды. Оған дейін «Қазпочта» АҚ басқармасының төрағасы қызметін атқарды.
ЕСТЕ ҚАЛАР ОҚИҒАЛАР
АТАУЛЫ КҮНДЕР
Алғаш рет 2008 жылдың 14 наурызында өтіп, содан бері жыл сайын көктемгі күн мен түннің теңесу күні алдындағы жұма күні өткізіледі. Бұл күннің атап өтуге Халықаралық медицина қауымдастығындағы халықаралық күн комитеті бастамашы болды. Ол Дүниежүзілік денсаулық сақтау ұйымының ұйқы мен денсаулық мәселелері жөніндегі жобасы аясында атап өтіледі
ЕСТЕ ҚАЛАР ОҚИҒАЛАР
1981 жылы Жамбыл облысының Қордай ауданындағы Кенен ауылында халық ақыны, әнші, композитор Кенен Әзірбаевтың әдеби-мемориалдық мұражайы ашылды. Мұражай залына ақынның шығармашылығын, өмір жолын сипаттайтын 961 экспонат қойылған. Ақын 13 жаста болған кезде жасалған домбыра, Жамбыл Жабаев сыйға тартқан күміс белдік мұражайдың құнды экспонаттары болып табылады.
1992 жылы Қазақстан Республикасы мен Ливия Ұлы Социалистік Халық Араб Джамахириясы арасында дипломатиялық қарым-қатынастар орнатылды.
2001 жылы Алматыдағы Қазақ сәулет-құрылыс академиясының студенттер жатақханасында Халық қаһарманы Қайрат Рысқұлбековке ескерткіш тақта орнатылды.
Қайрат Ноғайбайұлы Рысқұлбеков (1966-1988) Жамбыл облысының Мойынқұм ауданы Бірлік ауылында дүниеге келген. 1986 жылдың күзінде жолдамамен Алматы сәулет-құрылыс институтына (АСҚИ) оқуға түседі. АСҚИ-дің бірінші жатақханасында тұрған Қайрат бірінші курс студенті болғанына қарамастан институттың қоғамдық өміріне белсене араласып кетеді. Сол кезде-ақ жас комсомолдар жасағының командирі, студенттік кәсіптік бюросының (профбюро) мүшесі болды. 1986 жылы 17-18 желтоқсанда Брежнев алаңындағы бейбіт шеруге қатысты. Сол үшін Қайрат шеруге шыққан достарымен бірге тұтқындалып, «18 желтоқсанда Мир (қазіргі Достық даңғылы) және Қаныш Сәтбаев көшелерінің қиылысында сойқандық жасап, Савицкийді өлтірді, Ведельді ауыр жарақаттады» деген айып тағылды, достарымен бірге сотты болады. Тергеу жұмыстары алты айға созылып, соңында Қайратпен бірге болғандар 4-15 жылға дейін бас бостандықтарынан айырылады. Ал Қайрат алғашында ату жазасына кесілді. Кейіннен шетелдік ұйымдар мен қоғам қайраткерлерінің қарсылықтарынан кейін КСРО Жоғарғы Кеңесі Президиумының 1988 жылғы 28 сәуірдегі жарлығымен оған кешірім жасалып, сот үкімі 20 жыл бас бостандығынан айыру жазасына ауыстырылды.
2003 жылы «Қазақстан Республикасының қорғаныс-өнеркәсіптік кешенінің кейбір мәселелері туралы» №244 ҚР Үкіметінің қаулысы жарыққа шықты. Қаулының негізінде «Қазақстан инжиниринг» ҰК» АҚ құрылды. Компанияға 19 машина жасау кәсіпорны мен салалық институттар кіреді. Олардың қатарында «Петропавл ауыр машина жасау зауыты» АҚ, «С.М.Киров атындағы Петропавл зауыты» АҚ, «Мұнаймаш» АҚ, «Тыныс» АҚ, «Семей машина жасау зауыты» АҚ, «ҚР радиоэлектроника және байланыс жөніндегі ұлттық орталығы» АҚ, «Металлист» АҚ, «Бронды танк жөндеу зауыты» кәсіпорындары бар.
2014 жылы Мемлекет басшысы «Қазақстан Республикасының Тұңғыш Президенті - Ұлт көшбасшысының кітапханасы» мемлекеттік мекемесінің кейбір мәселелері туралы» Жарлыққа қол қойды.
2015 жылы қазақ-түрік лицейінің тәрбиеленушісі Жанар Әбдірахман Оңтүстік Кореяда өткен «Жас ғалым» халықаралық ғылыми байқауында алтын медальға ие болды.
Халықаралық байқауда жүлде үшін Қазақстан мен Оңтүстік Кореяның 10-11 сыныптарындағы 200-ден астам оқушысы таласқан еді.
2017 жылы Құддыс Қожамжаров атындағы мемлекеттік республикалық ұйғыр музыкалық комедия театрына, Мемлекеттік республикалық корей музыкалық комедия театрына, Республикалық неміс драма театрына «академиялық» мәртебесі берілді.
2018 жылы Өзбекстан Президенті қазақтың ұлы ақыны және ойшылы Абай Құнанбаевтың шығармашылық мұрасын насихаттау туралы жарлыққа қол қойды.
2019 жылы Румыния астанасындағы «Галатека» галереясында қазақстандық суретші, қоғамдық қайраткер мен галереяшы Лейла Махаттың «Мен мұндамын» атты жеке көрмесі ашылды.
Көп жылдар бойы оның шығармашылығы түрлі елдердің үздік залдарына қойылып, картиналары Қазақстан, Австрия, Бельгия, Ұлыбритания, Германия, Үндістан, Қытай, Молдова, Ресей, Румыния, АҚШ, Түркия, Чехия және Жапония елдерінде коллекцияда тұр.
Дереккөз: inform.kz
ЕСТЕ ҚАЛАР ОҚИҒАЛАР
АТАУЛЫ КҮНДЕР
Бүкіләлемдік киберцензураға қарсылық күні
Алғаш рет 2008 жылы атап өтілген. «Шекарасыз тілшілер» және «Халықаралық рақымшылық» үкіметтік емес ұйымдарының бастамасымен бекітілген.
Күн-Жер күні
Күн-Жер күні деген мереке бар екенін дүйім жұрт біле бермейді. Ол 2000 жылдан бастап атап өтіледі. Бұл мерекені АҚШ-тың Ұлттық әуеде ұшу және ғарыш кеңістігін зерттеу басқармасы (NASA) мен Еуропа ғарыш агенттігі (ESA) бекітті. Ол адамдарға ғарышта болып жатқан оқиғалар жайлы көбірек ақпарат беру мақсатында күнтізбеге енгізілген.
Дүниежүзілік бүйрек күні
Жыл сайын наурыз айының екінші бейсенбісінде аталып өтеді. Халықаралық нефрологтар қоғамы мен Халықаралық бүйрек қорлары федерациясының күш салуымен осы күн мереке ретінде бекітілді.
Осы күнді атап өтудегі мақсат – бүйректің адам денсаулығындағы маңызына, бүйрек ауруларын емдеуге әлем жұртшылығының назарын аудару.
ЕСТЕ ҚАЛАР ОҚИҒАЛАР
1993 жылы тәуелсіз Қазақстанның тарихында алғаш рет Алматы-Шарджа (БАӘ) бағытында авиарейс ұшырылды. Бортта 90 адам болды, Төрт жарым сағаттан кейін ұшақ Шарджаға келіп қонды.
1999 жылы Каирде (Египет) Қазақстан елшілігі орналасқан көшеге Абай есімі берілді.
2002 жыл Қазақстан журналистерінің І конгресі өтті. Ұйымдастырушылар - Қазақстан Журналистер одағы мен Телерадиотарату қауымдастығы.
2010 жылы Будапештте өткен министрлер форумы мәжілісі барысында Қазақстан Болон процесіне қосылды. Қазақстанның қосылуы туралы шешімді Болон декларациясына қол қойған 46 елдің өкілдері бірауыздан қолдады. Болон үдерісіне қосылу қазақстандық жоғары оқу орындарына отандық білім беру бағдарламаларын еуропалық стандарттарға сәйкестендіру, қазақстандық біліктіліктер мен академиялық сатыларды тану, студенттер мен оқытушылардың академиялық икемділігін қамтамасыз ету, қазақстандық дипломдардың Еуропада танылуы және түлектердің шетелде жұмысқа тұру мүмкіндіктерін кеңейту сияқты бірқатар басымдықтар береді.
2010 жылы Дрезден қаласында Қазақстан Республикасының құрметті консулдығының ашылу рәсімі өтті. Консулдықтың қызметі Германияның Саксония және Саксония-Анхальт федеральдық жерлеріне таралатын болады.
2013 жылы Түркияның Анкара қаласында Мұқан Төлебаев жылының салтанатты ашылуы өтті. 2013 жылды Мұқан Төлебаев жылы деп жариялау туралы шешім Уфада өткен ТҮРКІСОЙ мәдениет министрлерінің тұрақты кеңесінде қабылданды.
2014 жылы Нью-Йоркте Қазақстан Республикасының және Сейшел аралдарының Біріккен Ұлттар Ұйымы жанындағы тұрақты өкілдері Қайрат Әбдірахманов пен Мари-Луиза Поттер екі мемлекет арасындағы дипломатиялық қарым-қатынастардың орнатылғаны туралы Бірлескен коммюникеге қол қойды.
Қол қою рәсімі кезінде екіжақты деңгейде ынтымақтастықтың болашағы туралы және Қазақстан мен Сейшел үшін қызығушылық тудыратын БҰҰ күн тәртібіндегі маңызды мәселелер бойынша пікір алмасу өтті.
2016 жылы Қазақстанда алғаш рет еліміздегі бірегей және жалғыз ISAC жабдығының көмегімен аллергодиагностиканың инновациялық және нақты әдістерінің бірін енгізу мүмкін болды. Мұндай аппарат Алматы қаласындағы «№33 Қалалық клиникалық аурухана» ШЖҚ МҚК «Аллергология орталығы» ЖШС-да орнатылған.
2017 жылы Бүкіләлемдік бокс кеңесінің (WBC) белбеуінде Геннадий Головкин мен Қазақстан туы бейнеленді. Белбеуде бокс тарихына есімдерін алтын әріппен жазып қалдырған ұлы чемпиондар: Мұхаммед Әли, Майк Тайсон, Леннокс Льюис, Рэй Леонард, Роберто Дюран, Хулио Сезар Чавес, Ларри Холмс, Виталий Кличко, Марвин Хаглер, Томми Хернс, Оскар де Ла Хойя мен Флойд Мэйвезер бар.
2017 жылы қазақстандық дзюдошы Ислам Бозбаев Бакудегі Үлкен дулыға турнирінде алтын еншіледі. Ол 90 келіге дейінгі салмақ дәрежесінде өнер көрсеткен болатын.
2019 жылы қазақстандық ЖОО тарихында алғаш рет IT халықаралық университеті ASIIN халықаралық аккредитациясын алды.
Дереккөз: inform.kz
ЕСТЕ ҚАЛАР ОҚИҒАЛАР
АТАУЛЫ КҮНДЕР
Дүниежүзілік мұсылман мәдениеті, бейбітшілік, диалог және кино күні
Жыл сайын атап өтіледі. 2010 жылы Калифорнияның жазушысы және продюсері Джаведо Мохаммед бастамашылығымен бекітілген.
Мұсылман мәдениеті күнінің міндеті - ислам халықтары мәдениеті, олардың бірегейлігі мен көп мағыналылығы туралы ақпаратты тарату, сондай-ақ басқа дін өкілдерімен диалог және өзара түсіністік үшін мадениет арасында көпір құруға арналған өнердің түрлі нысандарын пайдалану.
Терроризм құрбандарын жалпыеуропалық еске алу күні
Еуропарламент 11 наурыз күнін 2004 жылы 11 наурызда жасалған Мадридтегі лаңкестік салдарынан қазақ тапқан 200 адамды, 2005 жылы Лондонда бомба жарылып, соның құрбанына айналған 50-ден астам адамды еске алу күні етіп таңдады.
ЕСТЕ ҚАЛАР ОҚИҒАЛАР
1937 жылы КСРО Қызыл Жарты ай және Қызыл Крест қоғамдық одағының құрамындағы республикалық ұйым ретінде Қазақ КСР Қызыл Крест қоғамы құрылды. 2002 жылдың наурызында Қазақстан Республикасының Қызыл Жарты ай қоғамы болып атауы өзгертілді.
1996 жылы Қазақстан Республикасы Президенті Н.Назарбаевтың «Қазақстан Республикасында ғылымды мемлекеттік басқару жүйесін жетілдіру жөніндегі шаралар туралы» Жарлығы шықты. Жарлыққа сәйкес, Ұлттық ғылым академиясы, Қазақ ауылшаруашылығы ғылымдарының академиясы және Ғылым және жаңа технологиялар министрлігі - Ғылым министрлігі - Қазақстанның Ғылым академиясы орталық атқарушы органның құрамында біріктірілді. 2003 жылдың қазанынан бастап академия президенті Мұрат Жұрынұлы Жұрынов.
2007 жылы Қазақстан Президенті Нұрсұлтан Назарбаевқа Катар мемлекетінің «Тәуелсіздік» ордені табыс етілді. Бұл шетелдік мемлекеттер басшыларына берілетін ең жоғары награда.
2011 жылы Орталықазиялық-қазақстандық ұсақ шоқылардың бірегей экологиялық жүйесін сақтау мақсатында «Бұйратау» Мемлекеттік ұлттық табиғи саябағы құрылды.
Саябақ Ақмола облысының Ерейментау ауданының аумағында 60 814 гектар және Қарағанды облысының Осакаров ауданында 28 154 гектар жерді алып жатыр.
2014 жылы ғарыш орбитасынан оралған ұшқыштар Олег Котов, Сергей Рязанский және америкалық Майкл Хопкинс Қарағанды қаласының 80 жылдығына орай қала елтаңбасына қол қойды. Бұл елтаңба облыстық өлкетану музейінде сақталады.
2014 жылы Берлинде қазақстандық стенд әлемдегі ең ірі халықаралық туристік көрмеде (Internationale Tourismus-Börse Berlin 2014) үздік үштікке енді. Қазақстан Республикасы «Азия, Тынық мұхит аймағы және Австралия» санатында ITB-те үшінші орынды жеңіп алды. Бірінші орынды Оңтүстік
Корея қанжығасына байлады, екінші орында – Малайзия.
2016 жылы Түркияда ҚР Тәуелсіздігінің 25 жылдығы аясында Түркияда Қазақстан елшілігін ұйымдастырған кезінде Халықаралық түрік мәдениеті ұйымы мен Анкара қаласы Етимесгут ауданының әкімшілігі 200 и приезд Лоссерталесмажыл мерейтой құрметіне «Тәттімбет атындағы саябақты» ашты.
2018 жылы Хельсинки қаласында бокстан GeeBee 37-халықаралық турнирінде қазақстандық спортшылар бес алтын және бір күміс медальға ие болды. Қайрат Ералиев, Абылайхан Жүсіпов, Василий Левит, Қамшыбек Қоңқабаев, Бек Нұрмағанбет – «алтын», Олжас Байниязов – «күміс» иеленді. Осылайша, қазақстандықтар турнирде жалпыкомандалық бірінші орынды иеленді.
2018 жылы жас әнші Данэлия Төлешова «болашаққа көзқарас» номинациясы бойынша бірінші халықаралық «BraVo» кәсіби музыка сыйлығының иегері атанды. Данэлия сыйлығын француз әншісі Zaz қолынан алды. Екеуі бірлесіп «Je veux» хитін орындады.
2019 жылы Әл-Фараби атындағы Қазақ ұлттық университеті «Цифрлық Қазақстан» мемлекеттік бағдарламасын жүзеге асыру мақсатында «Smart City» мамандарды даярлаудың қосдипломды инновациялық бағдарламасын ашты. Жетекші қазақстандық университет «Smart City» жоғары оқу орындарының халықаралық консорциумының мүшесі бола отырып, Еуропалық одақтың жоғары оқу орындарымен бірлесе «ERASMUS+» жобасы бойынша «Ақылды қалаға арналған ақпараттық технологиялар» мамандығы бойынша магистрлік бағдарламаны әзірлеуге кірісті.
Дереккөз: inform.kz
ЕСТЕ ҚАЛАР ОҚИҒАЛАР
АТАУЛЫ КҮНДЕР
Бүкіләлемдік тіс дәрігері күні
1790 жылы Джордж Вашингтонның жеке тіс дәрігері Джон Гинвуд стоматологиялық бор жасап шығарды және ол осы күннің күнтізбеге енуіне көп еңбек сіңірді.
ЕСТЕ ҚАЛАР ОҚИҒАЛАР
1917 жылы 1916 жылғы көтеріліске қатысушыларға рақымшылық жарияланып, Уақытша үкімет бұрынғы әкімшілік құрылымдармен қатар облыстық және уездік комиссариаттар құра бастады. Торғай облысына Әлихан Бөкейхан, Жетісуға Мұхамеджан Тынышбаев, Оралға Халел Досмұхамедұлы, ал Қостанай уезіне Ахмед Бірімжанұлы комиссар болып сайланды.
1987 жылы Қазақ КСР Министрлер Кеңесі мен Қазақстан Компартиясы ОК-нің «Республикада қазақ тілін оқытуды жақсарту туралы» және «Республикада орыс тілін оқытуды жақсарту туралы» қаулылары қатар жарық көрді.
1992 жылы Қазақстан Республикасы мен Египет Араб Республикасы арасында дипломатиялық қарым-қатынас орнатылды.
2009 жылы Қазақстан Республикасының Президенті Нұрсұлтан Назарбаев дағдарысқа қарсы шараларды қабылдауға бағытталған «Дағдарыстан жаңару мен дамуға» атты Қазақстан халқына Жолдауын арнады. Оның негізгі мақсаты - адам капиталын дамыту мүмкіндіктерін сақтау, ірі жобаларды іске асырудың есебінен тұрғындарды жұмыспен қамту, экспортқа арналған өндірісті әртараптандыруды қамтамасыз ету.
2014 жылы қазақ және орыс тілдерінде «Астана: женский род» альманағы жарық көрді. Онда саясатта, бизнесте, қоғамдық салалар және ғылымда, спортта, өнер әлемінде, ағарту және медицинада толағай табыстарға қол жеткізген қазақстандық әйелдердің өмірбаяндары берілген.
2014 жылы Берлинде Қазақстан Республикасының экономикалық және мәдени орталығының ресми ашылу рәсімі өтті. Бұл қазақстандық-германдық сауда-экономикалық, мәдени-гуманитарлық ынтымақтастығын нығайту мен кеңейтуге бағытталған кезекті қадам болды. Шара қорытындысы бойынша, ҚР Ұлттық кәсіпкерлер палатасы мен Шығыс герман экономика комитеті арасындағы ынтымақтастық туралы меморандумға қол қойылды.
2015 жылы Қазақстан мен Монако қылмыстық істер бойынша өзара құқықтық көмек туралы шартқа қол қойды.
2016 жылы Қарағанды мемлекеттік индустрия университетінің оқытушысы, химия ғылымдарының кандидаты Владимир Меркулов ғылым мен өнертабысты дамытуға қосқан үлесі үшін Альфред Нобель атындағы медальмен марапатталды.
2019 жылы Америкада қазақстандық бойжеткендердің бастамасымен «Гүлдер» би ансамблі құрылды.
ЕСТЕ ҚАЛАР ОҚИҒАЛАР
1993 жылы «Қазақстан Республикасының мемлекеттік шекарасы туралы» ҚР Заңы күшіне енді.
1997 жылы ҚР Президентінің Жарлығымен және ҚР Үкіметі қаулысымен Мұнай және газ өнеркәсібі министрлігі базасында «Қазақойл» Ұлттық мұнай-газ компаниясы құрылды. Мұнай-газ кешенін басқарудың тиімділігін арттыру мақсатында 2002 жылғы ақпанның 20-ында «Қазақойл» Ұлттық мұнай компаниясы мен «Мұнай және газ көлігі» Ұлттық компаниясы қосылып, «ҚазМұнайГаз» Ұлттық компаниясы құрылды.
1999 жылы Алматы көшелерінің біріне Қазақстанның халық әртісі Ғарифолла Құрманғалиевтің есімі беріліп, ол тұрған үйге ескерткіш тақта орнатылды.
2000 жылы Қостанайда Киров атындағы көшеге қазақтың көрнекті ақыны Ғафу Қайырбековтің есімі берілді.
2010 жылы Қазақстанда Корея мәдениет орталығы салтанатты түрде ашылды. Орталық жаңа заманғы сандық және IT технологиялардың соңғы үлгілерімен жабдықталған. Сонымен қатар онда кітапхана, көрме және концерттік залдар, демалыс бөлмелері, танымал корейлік ақпараттық-технологиялық жүйелерін шығарушы электрондық компаниялардың өнімдерімен танысуға мүмкіндік беретін аудиториялар бар.
2014 жылы ҚР Ұлттық банкінің «Қазақстанның игілігі» сериясынан «Байқоңыр» күміс монетасы 2012 жылғы соғылған үздік монета ретінде Виченца (Италия) қаласында өткен «Vicenza Numismatica-2014» монета өнімдері халықаралық байқауының нәтижесі бойынша екінші жүлдені иеленді.
Бұл монетада ғарыш пен «Байқоңыр» ғарыш айлағын зерттеудегі маңызды жетістіктер бейнеленген.
2014 жылы Ұзынкөл ауданының 12 ауылы қысқартылды. Жеке мәртебесін жоғалтқан елді мекен тұрғындары Ұзынкөл ауданының неғұрлым көп адам шоғырланған ауылдарына көшірілді.
Мұндай шешім кемінде 50 адам ғана қалған елді мекендерді сақтау орынсыз деп санаған биліктің атқарушы және уәкілетті өкілдерінің пікірі ескеріліп қабылданды.
2015 жылы «ТҮРІКСОЙ» халықаралық ұйымының қолдауымен Әл-Фараби атындағы ҚазҰУ шығыстану факультетінде «Алматы - ислам мәдениетінің астанасы-2015» бағдарламасының аясында «ТҮРІКСОЙ» кафедрасының ашылу рәсімі өтті. Шара ҚХА құрылғанына 20 жыл толуына орайластырылды.
2016 жылы Атырауда ақын Фариза Оңғарсыноваға ескерткіш қойылды.
Қоладан құйылған 4,2 метрлік мүсін қала орталығына орнатылды. Мүсінші - Мұрат Мансұров. Композиция сәулетшісі - Серік Рустамбеков.
2019 жылы Алтай республикасының астанасы Таулы Алтай қаласында Қазақстан әдебиеті мен мәдениетінің орталығы ашылды. Мақсаты - Қазақстан халқының тарихы мен мәдениеті, оның салт-дәстүрлері, экономикадағы, саясаттағы, әлеуметтік саладағы жетістіктері, классикалық және қазіргі заманғы проза мен поэзияның әдеби байлығы туралы білімді тарату. Әлемнің 29 кітапханасында қазақ әдебиеті мен мәдениеті орталықтары жұмыс істейді.
2019 жылы Қазақстан, Өзбекстан және Қырғызстан Республикаларының ұлттық триатлон федерациялары бірлесіп ОрталықАзиялық триатлон қауымдастығын (Central Asian Triathlon Association - CATA) құрды. САТА басшысы ретінде Almaty Triathlon Federation басшысы әрі ҚТФ вице-президенті Ғалымжан Есенов сайланды. САТА-ның басты мақсаты – Орталық Азия елдерінің территориясында триатлонды дамыту және насихаттау, Азиялық Триатлон конфедерациясында (ASTC) бірауыздан ортақ бағдарды ұстану. Бұл өз кезегінде Орталық Азия спортшыларына ғана емес, бапкерлер мен техникалық делегаттарға да ешбір бөгетсіз тәжірибе алмасуға мүмкіндік береді.
ЕСТЕ ҚАЛАР ОҚИҒАЛАР
1926 жылы Баку қаласында Бүкілодақтық түркология съезі өтті. Оған түркі халықтарының өкілдері, КСРО Ғылым академиясының, Шығыстану ғылыми қауымдастығының, Украина академиясының, Закавказье шығыстану қауымдастығының мамандары, шетелдік делегаттар, соның ішінде Түркия және Германиядан келген ғалымдар қатысты. Съезде Әзербайжанның латын графикасына көшу тәжірибесінің негізінде Одақтың басқа республикалары мен облыстарында тұратын халықтардың әліпбиін латын жазуына көшіру ұсынылды. Ол үшін жаңа түркі әліпбиінің Бүлкіодақтық орталық комитеті құрылатын болды. Осылайша, араб жазуын қолданып келген түркі халықтарының жазуын латын графикасына көшіру қозғалысы басталды.
1993 жылы ел шекарасының бүтіндігін нақтылайтын «Қазақстан Республикасының мемлекеттің шекарасы туралы» Заң күшіне енді.
1999 жылы Қазақстан, Беларусь, Қырғызстан, Тәжікстан және Ресей Кедендік одақ және Бірыңғай экономикалық кеңістік туралы келісімге қол қойды.
2005 жылы Солтүстік Қазақстан облысы Петропавл қаласында Шоқан Уәлиханов пен Федор Достоевскийге арналған ескерткіш тақта ашылды. Барельефті Қазақстанның еңбек сіңірген сәулетшісі Азат Боярлин жасады. Барельеф Астанада «Өнер» ЖШС-де жасалды. Биіктігі - 1,5 метр, ал ені - 2,5 метр. Барельефтің мүсіндік бөлігі салмағы 500 келі қоладан, ал мәтіндік бөлігі салмағы 400 келі граниттен жасалған.
2011 жылы ҚР Ұлттық банкі «Ұлы көшбасшылар» сериясымен 100 теңгелік «Тұмар» күміс монеталары мен «Жойылып бара жатқан жануарлар» сериясымен 100 теңгелік гауһар тастары бар «Қарақал» монеталарын шығарды.
2014 жылы Нью-Йоркте БҰҰ жанындағы Қазақстан мен Кирибатидің тұрақты өкілдері Қайрат Әбдірахманов пен Макурита Бааро екі мемлекет арасында дипломатиялық қатынастар орнату туралы бірлескен коммюникеге қол қойды.
Кирибати Республикасы – Микронезия мен Полинезияда орналасқан тынықмұхиттық мемлекет. Республика құрамына 33 шағын атолла кіреді, олардың 20-ы елсіз жерлер. Жалпы ауданы – 812, 34 км2.
2014 жылы Л.Гумилев атындағы Еуразия ұлттық университеті әлемдегі үздік 50 ЖОО қатарына енді. Жалпы «QS Top 50 under 50» рейтингінің тізімінде Гонконг, Сингапур, Оңтүстік Корея, Малайзия, АҚШ, Испания және т.б елдердің ЖОО-лары бар.
2015 жылы Қазақстан Республикасы Конституциясының үстемдігін сақтауға, азаматтардың конституциялық құқықтарын қорғауға үлес қосқан ҚР және шетел азаматтарын ынталандыру мақсатында, сондай-ақ Қазақстан Республикасы Конституциясының 20 жылдығын тойлау аясында «Қазақстан Конституциясына 20 жыл» мерейтойлық медалі бекітілді.
2017 жылы Жапонияның Саппоро қаласында VІІІ қысқы Азия орындары аяқталды. Қазақстан құрамасы 32 медальмен (9 алтын, 11 күміс, 12 қола) жалпы есепте төртінші орын алды.
2018 жылы «Шығыс Қазақстанның аңыз-әңгімелері» кітабы шықты. Кітап - облыстың 15 киелі мекені туралы ұрпақтан-ұрпаққа мұра болып отырған аңыз-әңгімелердің антологиясы. Оның авторлары: Әлібек Қаңтарбаев, Марина Юрченко, Күлімай Сембаева.
2019 жылы Қазақстан ұйымдастырған БҰҰ-ның қарулы қақтығыстарға қатыстырылған балаларды қайта интеграциялау жөніндегі достары тобының бірінші отырысы өтті.
Қазақстан, Мальта және Франция бірлесіп басқаратын Балаларды реинтеграциялау жөніндегі БҰҰ достары тобы 2018 жылдың қыркүйегінде БҰҰ-да құрылған Реинтеграция бойынша жаһандық коалицияның құрамдас бөлігі болып табылады. Коалицияның түпкі мақсаты - қарулы қақтығыстардан зардап шеккен балаларды, оның ішінде терористік ұйымдармен жалданған бұрынғы әскер балаларды, әдеттегі өмірге қайтарудың жаңа, тиімді әдістерін әзірлеу.
Дереккөз: inform.kz
Толығырақ ...
Абай өлеңдері байқауы 2-топ
Қазақтың ұлы ақыны Абай Құнанбайұлының 175 жылдығына орай «Еңбекшіқазақ» аудандық қоғамдық-саяси апталығы мен mezet.kz желілік басылымы ұйымдастырған байқауға қатысушылардың қарасы көп. Күнделікті видео жұмыстар жан-жақтан келіп түсіп жатыр. Соларды топтап сайтқа салуды жөн көрдік. Ал видеоларды жеке-жеке біздің инстаграм аккаунтымыздан көріп, дауыс бере аласыздар.
Дауыс беру 22 наурызға дейін жалғасады. Ал қорытынды 27 наурызда белгілі болады. Қорытындыны осында mezet.kz және инстаграм аккаунтымызда жариялаймыз.
Қатысушыларға дауыс беріп, қолдау көрсетіңіздер!
«Әл-Фарабидің рухани мұрасы» және «Абай шығармашылығындағы діннің рөлі» облыстық мақалалар байқауының ЕРЕЖЕСІ
«Дін саласындағы мәселелерді зерттеу орталығы» Әбу-Насыр әл-Фарабидің 1150 жылдығы және Абай Құнанбайұлының 175 жылдық мерейтойына орай 2020 жылғы жоспарға сәйкес дәстүрлі түрде облыстық «Әл-Фарабидің рухани мұрасы» және «Абай шығармашылығындағы діннің рөлі» мақалалар байқауын өткізеді.
- Байқаудың негізгі мақсаттары мен міндеттері:
1.1. Ұлы ғұлама әл-Фарабидің мұраларын және біздің елдегі, сонымен бірге шетелдегі әлемдік өркениет дамуына қосқан үлесін зерделеуге қуатты серпін беретінін, жастардың ұлттық мақтаныш сезімін қалыптастыру;
1.2. Әл-Фараби мұрасын зерделеуде жаңа серпін беру, әлем тарихындағы оның рөлін айқындап, есімін ұлттық бренд ретінде ұлықтау;
1.3. Абай хакімнің ислам әлеміндегі көрнекті ойшылдар қатарында тұрған тұлға, қалдырған мұралары мен ілімі барша адамзатқа ортақ екенін көрсету;
1.4. Ұлы ойшылдардың өз дәуірінде ұлттық жаңғыруға, жаңаруға, жаңа өмірге бейім болуға шақырғанын бүгінгі күннің өзектілігімен байланыстырып, оның ішінде теріс ұғымдардан, деструктивті діни көзқарастардан сақтандыру жолдарын көрсету;
1.5. Абай Құнанбайұлы ғұлама, ойшыл, ақын, ағартушы, аудармашы, композитор ретінде ел тарихында өшпес із қалдырғаны сөзсіз. Сондықтан ұлтымызды жаңғырту ісінде Абай еңбектерін басшылыққа алып, ұтымды пайдалану;
1.6. Ұлттық құндылықтарды дәріптеу, ұрпақ санасына ғұламалардың терең ойлары мен тамаша тағылымдарын сіңіру. Бабалар дүниетанымына, ұстанымына сай, қазақы сипаттағы бағытын қалыптастыру, дамыту;
1.7. Ұлт болмысы, діні, ділі, тілі, рухы бүгінгі ұрпаққа қандай көрініс беретіндігін көрсету.
- Байқау қатысушыларына қойылатын талаптар:
2.1. Байқауға өңірдегі облыстық, қалалық, аудандық және өңірлік газеттердің журналистері және әртүрлі сала мамандары (мектеп және жоғарғы оқу орындарының ұстаздары, аудан-қала имамдары, дінтанушылар) қатыса алады;
2.2.Байқауға қатысушылардың облыстық, аудандық және қалалық бұқаралық ақпарат құралдарында жарияланған кемінде 2 (екі) мақаласы жіберілуі керек;
2.3. Ұлы ойшыл әл-Фарабидің идеялары мен қағидаттарының теориялық негіздерін жаңа заманға сай пайдалану;
2.4. Ұсынылатын материалдарда Абайдың белгілі бір өлеңі немесе бір қара сөзі басты нысана ретінде алынып, дінмен байланысын талдау;
2.5. Байқауға жіберілетін мақалаларға қосымша журналистің аты-жөні мен тегі, мамандығы, жұмыс орны көрсетілуі керек;
2.6.Діни ахуал жайлы анонстық хабарламалар және мақалалар байқауға қатыстырылмайды;
2.7. Байқауға қатысушылар «Алматы облысы дін істері басқармасы» ММ-нің әлеуметтік желідегі (youtube, instagram, facebook, вконтакте) парақшаларына тіркелуі керек.
- Мақалаға қойылатын талаптар:
3.1.Мақаланы бағалауда мазмұнына, идеясына, құрылымына, көркемдігіне және тақырыптың жан-жақты ашылуына мән беріледі;
3.2. Әр автордың шығармасы компьютермен Times New Roman қарпімен, 1,5 интервалымен, 14-кегльмен терілуі және мақала 3-5 беттен аспауы керек;
3.3. Мақаладағы тақырыптың толық ашылуы, жазу стилі, немесе жеткізу тілінің мәнерлілігі, материалдың жанрлық ерекшелігі, дәлдігі әрі түсініктілігі, қатысушылардың мақалаларды жазудағы деректерді пайдалану шеберлігі және сауаттылығын көрсету.
- Байқау кезеңдері:
4.1. Байқауға қатысушылардан материалдарды қабылдау (20 ақпаннан – 20 қыркүйекке дейін);
4.2. Материалдарды сараптау және жеңімпаздарды анықтау (20 қыркүйек – 1 қазан аралығы);
4.3.Байқау жеңімпаздарын салтанатты марапаттау күні алдын ала хабарланатын болады.
- Қазылар алқасы:
Жеңімпаздарды қазылар алқасы сараптай отырып таңдайды.
Іріктеу кезеңінде мақаладағы стилистикалық сауаттылық, интеллектуалдық деңгей, байқау талабынан ауытқымау, эмоциялық әсер ескеріледі.
- Жеңімпаздарды марапаттау
Қазылар алқасы анықтаған байқау жеңімпаздары ІІ категория бойынша дипломдармен және арнайы ақшалай сертификаттармен марапатталады.
Байқау жеңімпаздарына 780 000тг сыйақы қарастырылған:
Екі – бірінші орын,
Екі – екінші орын,
Екі – үшінші орын,
Алты – ынталандыру сыйақылары белгіленген.
Байқауға ұсынылған материалдар мына мекенжайға жолдануы тиіс:
Талдықорған қаласы, Абылай хан көшесі, 125 үй.
Байланыс телефоны: 8(7282) 40-13-39, e-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
«Діни тұрақтылық – ел дамуының кепілі» дәстүрлі облыстық жыр мүшәйрасының ЕРЕЖЕСІ
Алматы облысының «Дін істер басқармасы» мемлекеттік мекемесінің жанындағы «Дін саласындағы мәселелерді зерттеу орталығы» КММ, Әбу-Насыр әл-Фарабидің 1150 жылдығы, Алтын орда мемлекетінің 750 жылдығы, Ұлы ақын Абай Құнанбайұлының 175 жылдығы, Ұлы жеңістің 75 жылдығы, Тәуелсіздіктің 30 жылдығы және Қазақстан халқы Ассамблеясының 25 жылдық мерейтойы аясында «Діни тұрақтылық – ел дамуының кепілі» облыстық жыр мүшәйрасын ұйымдастырады.
- Мүшәйраның мақсаты:
1.1 Әбу-Насыр әл-Фарабидің шығармашылық мұрасы мен ғылыми еңбектерін насихаттау, жас ұрпақты патриоттық рухта тәрбиелеу және әл-Фараби мұрасын жан-жақты, жоспарлы түрде іздестіру, жинастыру, зерттеу және оны ғылыми айналымға енгізу;
1.2 Алтын Орда тарихын жаңа көзқарастар тұрғысында зерттеу мен оның негізін қалаған Жошы ханның есімін ұлықтау;
1.3 Ұлы Абайдың жан-жақтылығын қамти отырып, ақындық шығармалары арқылы Абай мұрасын, өнегелі өмір жолын жас ұрпаққа ұғындыру, қазақ тілі арқылы олардың санасында қазақстандық патриотизм сезімдерін қалыптастыру және үлгі ету;
1.4 Соғыста Отанын жан қиярлықпен қорғаған Қазақстандық жауынгерлердің ерлігіне құрмет көрсету, есімдерін ел есінде сақтау, патриотизмге тәрбиелеу, Қазақстан халқының батырлық тарихына құрметпен қарау;
1.5 Жастардың рухани-адамгершілік қасиетін қалыптастыру;
1.6 Елбасының «Рухани жаңғыру» және «Ұлы даланың жеті қыры» атты мақалаларында өз еліміздің ұлы тұлғаларын насихаттау арқылы Қазақстанды әлемге таныту;
1.7 Елімізді мекен еткен ұлттар мен ұлыстардың өз мәдениетін, тілдері мен дәстүрлерін сақтау, конфессияаралық келісімді нығайту және татулық, билік, бірлік, бейбітшілікті сақтау;
1.8 Қазақтың тілі мен әдебиетіне, мәдениетіне деген сұранысты арттыру әрі еліміздің рухани бірлігін нығайту;
1.9 Жастардың әдебиетке және отансүйгіштікке деген сүйіспеншілігін арттыру, тіл мәдениетін көтеру, халық арасынан шыққан ерекше таланттарды ынталандыру.
- Мүшәйраға қатысушыларға қойылатын негізгі талаптар:
2.1. Облыстық жыр мүшайрасына қатысушының жас мөлшері 18-29 жас аралығында болуы керек;
2.2. Ұсынылған өлеңдер міндетті түрде тақырыпты қамтуы тиіс;
2.3. Байқауға кемінде екі өлең жіберілуі керек. Екі өлең де мүшәйра өткенге дейін ешқандай баспа бетінде жарияланбаған және жинақтарға енбеген тың дүние болуы керек;
2.4. Өлеңнің көркемдігі, айтар ойдың мазмұны мен келтірілген деректердің айқын болуы міндетті;
2.5. Мүшайраға қатысушы өтінімі 2020 ж. мамыр айының 30-на дейін қабылданады (мүшәйраның салтанатты қорытындысы, өтетін уақыты қосымша хабарланады);
- Жеңімпаздарды марапаттау:
3.1. Байқауға келіп түскен өлеңдер алдын ала қазылар алқасының талқылауынан өтіп, іріктеледі. Сараптаудан өткен өлеңдер ғана облыстық ақындар мүшәйрасына ұсынылады.
3.2. Сарапшылар алқасы анықтаған байқау жеңімпаздары диплом және арнайы ақшалай сертификаттармен марапатталады.
Байқау жеңімпаздарына 440 000 теңге көлемінде сыйақы қарастырылған:
бір – бірінші орын,
бір – екінші орын,
бір – үшінші орын,
бес – ынталандыру сыйақылары белгіленген.
- Мүшәйраға ұсынылатын материалдар мына мекенжайға жолдануы тиіс:
Алматы облысы дін істері басқармасының «Дін саласындағы мәселелерді зерттеу орталығы» коммуналдық мемлекеттік мекемесі, Талдықорған қаласы, Абылайхан көшесі 125.
Байланыс телефоны: 8(7282) 41-28-76, 8 747 843 10 80, Темірлан Айтбаев
e-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. / Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
- Қатысушылардың тіркелу формасы
Дін – ізгіліктің белгісі, тәрбиенің құралы. Дегенмен, оны жойқын қару ретінде пайдаланатын топтардың шығып жатқаны жасырын емес. Осы тұрғыда шынайы дін мен басқаның аражігін ажыратып алу маңызды. Әсіресе, жастар үшін.
ЕСТЕ ҚАЛАР ОҚИҒАЛАР
1926 жылы Баку қаласында Бүкілодақтық түркология съезі өтті. Оған түркі халықтарының өкілдері, КСРО Ғылым академиясының, Шығыстану ғылыми қауымдастығының, Украина академиясының, Закавказье шығыстану қауымдастығының мамандары, шетелдік делегаттар, соның ішінде Түркия және Германиядан келген ғалымдар қатысты. Съезде Әзербайжанның латын графикасына көшу тәжірибесінің негізінде Одақтың басқа республикалары мен облыстарында тұратын халықтардың әліпбиін латын жазуына көшіру ұсынылды. Ол үшін жаңа түркі әліпбиінің Бүлкіодақтық орталық комитеті құрылатын болды. Осылайша, араб жазуын қолданып келген түркі халықтарының жазуын латын графикасына көшіру қозғалысы басталды.
1993 жылы ел шекарасының бүтіндігін нақтылайтын «Қазақстан Республикасының мемлекеттің шекарасы туралы» Заң күшіне енді.
1999 жылы Қазақстан, Беларусь, Қырғызстан, Тәжікстан және Ресей Кедендік одақ және Бірыңғай экономикалық кеңістік туралы келісімге қол қойды.
2005 жылы Солтүстік Қазақстан облысы Петропавл қаласында Шоқан Уәлиханов пен Федор Достоевскийге арналған ескерткіш тақта ашылды. Барельефті Қазақстанның еңбек сіңірген сәулетшісі Азат Боярлин жасады. Барельеф Астанада «Өнер» ЖШС-де жасалды. Биіктігі - 1,5 метр, ал ені - 2,5 метр. Барельефтің мүсіндік бөлігі салмағы 500 келі қоладан, ал мәтіндік бөлігі салмағы 400 келі граниттен жасалған.
2011 жылы ҚР Ұлттық банкі «Ұлы көшбасшылар» сериясымен 100 теңгелік «Тұмар» күміс монеталары мен «Жойылып бара жатқан жануарлар» сериясымен 100 теңгелік гауһар тастары бар «Қарақал» монеталарын шығарды.
2014 жылы Нью-Йоркте БҰҰ жанындағы Қазақстан мен Кирибатидің тұрақты өкілдері Қайрат Әбдірахманов пен Макурита Бааро екі мемлекет арасында дипломатиялық қатынастар орнату туралы бірлескен коммюникеге қол қойды.
Кирибати Республикасы – Микронезия мен Полинезияда орналасқан тынықмұхиттық мемлекет. Республика құрамына 33 шағын атолла кіреді, олардың 20-ы елсіз жерлер. Жалпы ауданы – 812, 34 км2.
2014 жылы Л.Гумилев атындағы Еуразия ұлттық университеті әлемдегі үздік 50 ЖОО қатарына енді. Жалпы «QS Top 50 under 50» рейтингінің тізімінде Гонконг, Сингапур, Оңтүстік Корея, Малайзия, АҚШ, Испания және т.б елдердің ЖОО-лары бар.
2015 жылы Қазақстан Республикасы Конституциясының үстемдігін сақтауға, азаматтардың конституциялық құқықтарын қорғауға үлес қосқан ҚР және шетел азаматтарын ынталандыру мақсатында, сондай-ақ Қазақстан Республикасы Конституциясының 20 жылдығын тойлау аясында «Қазақстан Конституциясына 20 жыл» мерейтойлық медалі бекітілді.
2017 жылы Жапонияның Саппоро қаласында VІІІ қысқы Азия орындары аяқталды. Қазақстан құрамасы 32 медальмен (9 алтын, 11 күміс, 12 қола) жалпы есепте төртінші орын алды.
2018 жылы «Шығыс Қазақстанның аңыз-әңгімелері» кітабы шықты. Кітап - облыстың 15 киелі мекені туралы ұрпақтан-ұрпаққа мұра болып отырған аңыз-әңгімелердің антологиясы. Оның авторлары: Әлібек Қаңтарбаев, Марина Юрченко, Күлімай Сембаева.
2019 жылы Қазақстан ұйымдастырған БҰҰ-ның қарулы қақтығыстарға қатыстырылған балаларды қайта интеграциялау жөніндегі достары тобының бірінші отырысы өтті.
Қазақстан, Мальта және Франция бірлесіп басқаратын Балаларды реинтеграциялау жөніндегі БҰҰ достары тобы 2018 жылдың қыркүйегінде БҰҰ-да құрылған Реинтеграция бойынша жаһандық коалицияның құрамдас бөлігі болып табылады. Коалицияның түпкі мақсаты - қарулы қақтығыстардан зардап шеккен балаларды, оның ішінде терористік ұйымдармен жалданған бұрынғы әскер балаларды, әдеттегі өмірге қайтарудың жаңа, тиімді әдістерін әзірлеу.
Дереккөз: inform.kz
Соңғы жаңалықтар
440 действующих ядерных…
440 әлемдегі қолданыстағы ядролық…
Халықтық штаб мүшелері бірнеше…
Атом электр станциясы экологиялық,…
ChatGPT Қазақстанда АЭС салудың…
Солнце, ветер и атом: почему…
АЭС САЛЫНСА ФИЗИК-ҒАЛЫМДАРЫМЫЗ…
АТОМ ЭЛЕКТР СТАНСАСЫ -…
Строительство АЭС станет импульсом…
