- +77277540900
- +77002724204
- enkaz.kz@gmail.com
- 040400, Алматы облысы, Еңбекшіқазақ ауданы, Есік қаласы, Алматы көшесі, № 112.
Өттің, жалған
Газетіміздің тілшісі
НұрсерікТілеуқабыл
қайғылы қазаға ұшырады.
Өзінің өсіп ержеткен ортасы Шелек өңірінде орта білім алып, Нұрсерік Абай атындағы Қазақ ұлттық педагогикалық университетіне түсіп, қазақ тілі мен әдебиеті мамандығын алғаннан кейін ауылына оралып, Ы.Алтынсарин атындағы орта мектепте қызмет атқарады. Шығармашылыққа зейін қойып, ірі басылымдарда тарихи, мәдени, әлеуметтік бағыттағы танымдық мақалалар жариялады. «Еңбекшіқазақ» газетіне үлкен ауданымыздың Шелек өңіріне тілші болып орналасқан аз ғана уақытта газет оқырмандарына ақпараттық хабарларымен қатар кең көлемді, терең ойлы мақалаларымен танымал бола бастаған талапты журналистің шығармашылық жолы, ғұмыры қайғылы жағдайда үзіліп түсті.
Газет редакциясы, mezet.kz желілік басылымы Нұрсерік Тілеуқабылдың ата-анасына, отбасына, туған-туысқандарына қайғысына ортақтасып көңіл айтады.
Азамат едің адамдығың бір бөлек
– Алло?
– Ассалаумағалейкум бауырым, қалайсың?
– Уағалейкум, Нұрсерік мырза!
– Менде апталық жоспарға сәйкес «Ұлы даланың жеті қыры» мақаласы аясында жетінші қырын «үтіктеуім» керек екен (күлді). Соны жазып болсам, менің де жоспарым тәмам. Өзің бір дауыс көтермесең, шабытымды шақыра алмай отыр едім компьютер алдында.
– Қайдағыны айтасың, апталық жоспарда сенде тағы да қосымша екі материал бар ғой, бауы-рым, жылдамдат енді.
– Айтпақшы, неге екенін қайдам, отбасы құндылықтарына ойым ойысып отырғаны. Сол тақырыпты қаузасам қайтеді?
– Онда отбасындағы ұлттық тәрбие мен әке рөлінің құлдырап бара жатқандығын зерделеп көр.
– Жарайды, бұйырса, күннің соңына дейін материалды жіберемін.
Жексенбі таңда суыт хабар келгенде осы екеуара әңгіме ойыма орала кеткені... Бұл қасиетті жұмадағы Нұрсерік Тілеуқабылмен болған телефон арқылы диа-лог. Әр сәт қас-қағым... Кім білген, белді де беделді, жазғаны да, жазары да көп әріптесімізді осылай жоқтап отырарымызды. Айналасын думанға бөлеп, әзілді әңгіме, отты өлеңдерін арнап, жанымызға жылу, езуімізге күлкі сыйлаушы еді. Бәлкім, жүрегі сезді ме екен, «жетінші қырын «үтіктесем», жоспарым тәмам» деген сөзді әзіл-шыны аралас айтқан еді. Енді бүгін сол мақаланы өзегімізді өксік шалып жариялап отырмыз.
Хош, Нұрсерік Тілеуқабыл. Бәлкім, есімін газетімізде шыққан мақалалары арқылы біліп, естіген шығарсыз. Алайда, тілсіз жау арамыздан алыстатқан бұл азаматтың АЗАМАТТЫҒЫ – өз алдына бір мақала. Ақжарқын, жайдары мінез, жайсаң жан еді. Рас, ебелектен де елпек, қаңбақтан да қаңғалақ мінезі біртоға. Ұжым арасында ақындық қасиетімен ұдайы дараланып отыратын. Батырға тән аңғалдық, ақынға тән аңғарымпаздық бауырымыздың беделін өсіріп келіп еді. Ұлттық тәрбие, ұлттық болмыс аясындағы танымдық мақалалары Нұрсерік бізде жұмыс істеген жылдары үзілмей берілді. Оқыған-тоқығаны, ілім-білімі бар кәсіби журналист әр мақаласын жазарда тақырыпты жан-жақты зерттеп, зерделейтін. Қолынан мол мұра кітап, қаламы түспеуші еді.
Нұрсерікпен 7-8 сыныпта мектеп оқушылары арасында өтетін аудандық ақындар айтысында таныстық. «Құдай маған дауыс пен көз бермепті» деп өзі әзілдеп айтып отыратындай, домбыраны сабап-сабап кеп өлеңдетіп жіберуші еді. Содан бері бірқатар ақындар мүшәйрасында қатарласып шаптық. Алтайдың түйетайлы жоталарын жағалап өскен ақын жігіттің сөз саптауы, тұнық ұйқастары елең еткізбей қоймайтын, шіркін. Қара сөздің танабын қуырып сөйлегенде көпшілікті аузына қарататын қасиеті де өз алдына бір әңгіме...
Арманы көп еді. Арманынан бұрын атамекенім деп шекара асып келген бауырымыздың халқына берер рухани азығы да мол еді. Бірқатар танымдық мақалалары «Қазақ әдебиеті» секілді республикалық газеттерде, желілік басылымдарда жарық көрді. Айталық, «Қазақтың кешігу синдромы», «Адам қалай жаратылды?», «Халық санын қалай көбейтеміз?», «Қазақ жылқысының қилы тарихы», «Ата-анаға айтар уәж» секілді мақалалары қалың көпшіліктің, елге белгілі зиялы қауым өкілдерінің назарын аудартты. Аталмыш мақалалардың түпнұсқасы бізде «Еңбекшіқазақта» жарияланды.
«Еңбекшіқазақта» еңбек еткен екі жылға жуық уақытта ұжымға тез сіңісіп кетті. Оған жол ашқан – көркем мінезі.
Қазақ «Жылқыда да жылқы бар, қазанаты бір бөлек, жігітте де жігіт бар, азаматы бір бөлек» дейді. Қазақ журналистикасында өз қолтаңбасын енді қалыптастырып келе жатқан маман еді. Осынау қайғылы жағдайды тұтас редакция ұжымы ауыр еңсеруде. Әрбірінің көңілінде әріптеске деген қимастық бар. Жастай ғұмыры үзілген бауырымыздың соңында өзі айтпақшы «сәбилері» («әр мақалам – Сәбиім. Оны жазу үшін мені толғақ қысады» деуші еді) қалды.
Амал қанша, болған іске болаттай беріктік керек. Әріптесіміздің ата-анасына, бауырларына қайғырып көңіл айтамыз.
Азамат ең адамдығың бір бөлек,
Өзің жоқсың, көңіл қалай гүлдемек?
Тар дүние тарылтты ма тынысты,
Бір өзіңнен тойды күтіп жүрген ек.
Тағдырыңның жырмен қалап іргесін,
Жүрген едік көреміз деп жыр кешін.
Айналаңа жылу сыйлап мейірмен,
Жұртқа беріп жүрегіңнің жүлдесін.
Көтерсем деп руханиятын өр елдің,
Көшін алға жетелеуші ең өлеңнің.
Жатқан жерің жайлы болсын, әріптес,
Рақымына бір Алланың бөленгін.
Қайнар ЖҰМАҒОЖА,
«Еңбекшіқазақ» газеті
редакторының орынбасары
Коронавирусқа қарсы вакцинаны қашан сатып аламыз?
Денсаулық сақтау министрлігінің ресми өкілі Бағдат Қожахметов Қазақстан COVID-19 вирусына қарсы вакцинаны қашан сатып алатынын айтты.
"Коронавирусқа қарсы вакцина барлық халықаралық сертификаттаудан өткенде ғана сатып алынады. Сарапшылардың сөзіне сенсек, әлемдегі үздік зертханалар вакцина дайындаудың үшінші кезеңінде. Алда әлі төртінші кезең бар. Бұл кезеңге ешкім жете қоймады. Осы төртінші кезеңнен соң ғана халықаралық сертификаттаудан өту басталады. Оның қай елде және қандай зертханада өтетіні әзірге белгісіз", - деді Бағдат Қожахметов.
Сондай-ақ ол Қазақстанның коронавирусқа қарсы вакцинаны сатып алу бойынша өзге елдермен уағдаластығы жоқ екенін сөз етті.
"Вакцина клиникалық зерттеулердің барлық кезеңінен өтпейінше Қазақстан оны сатып алмайды. Қазақстан тек барлық халықаралық сертификаттаудан және тексерістен өткен вакцинаны сатып алады. Бірақ қазіргі таңда әлемде ондай вакцина жоқ", - деді ол.
Орталық клиникалық госпиталь соңғы науқасты шығарып салды
Бүгін ҚР Денсаулық сақтау министрлігіне қарасты «Отан соғысы мүгедектеріне арналған орталық клиникалық госпитальден» коронавирус жұқтырған соңғы науқас жазылып шықты. Бұл туралы Денсаулық сақтау министрлігінің телеграм парақшасында жарияланды.
Ағымдағы жылдың 24 маусымында министрліктің бұйрығымен аталған госпиталь провизорлық стационар ретінде қайта бейінделген болатын. Содан бері Covid-19 белгілерінің бар жоғын анықтап, індетке шалдыққан науқастарға толыққанды ем жасап келді.
Госпитальге 7 аптаның ішінде ковид жұқтырды деген күдікпен 730 науқас келіп түсті. Солардың арасында 335 адамнан вирус анықталып басқа стационарларға ауыстырылды. Қалған науқастардың барлығы аурудан айығып үйлеріне аман-есен жетті. Қуаныштысы, бұл мекемеде өлім-жітім оқиғасы тіркелген жоқ. Науқастардың жас айырмашылығы 18 бен 90.
Бүгін медициналық қызметкерлер соңғы науқасты салтанатты түрде шығарып салды. Көжеков Кенжетай Дүйсенбайұлы 68 жаста. Аурудан құлан таза айығып шыққан қария, өзін өлімнен арашалаған қызметкерлерге шын жүректен алғысын айтып қоштасты.
Халықтың амандығы үшін күндіз-түні тоқтаусыз жұмыс істеген госпиталь директоры Динара Оразалина өз ойын былай қорытындылады.
«Біз 50 күн бойы тәуліктеп тоқтамай жұмыс істедік. Әсіресе, алғашқы кезеңдері қиын болды. Себебі, коронавирустық инфекциямен күресте бұрын тәжірибе болмаған. Орталық қызметкерлері жағдайы нашар науқастармен және байыппен қарауды қажет ететін қариялармен жұмыс істеп тәжірибе жинақтаған. Сол қызмет барысындағы жинаған тәжірибеміз септігін тигізді деп айта аламын. Біздің орталық мамандары аз уақыттың ішінде вирусқа қарсы күресте өте көп дүние үйренді».
Алматы облысының бас мемлекеттік санитарлық дәрігері тағайындалды
Алматы облысында Тауарлар мен көрсетілетін қызметтердің сапасы мен қауіпсіздігін бақылау департаментінің жаңа басшысы болып Ерғали Сыдыманов тағайындалды.
Ол бұған дейін Маңғыстау облысының Тауарлар мен көрсетілетін қызметтердің сапасы мен қауіпсіздігін бақылау департаментінің басшысы қызметін атқарған.
Ерғали Жақсыбекұлы 1970 жылдың 7 сәуірінде Қарағанды облысы Қарағанды қаласында дүниеге келген.
1996 жылы С.Д.Асфендияров атындағы Алматы мемлекеттік медицина институтын, 2004 жылы М.Х.Дулати атындағы Тараз мемлекеттік университетін дәрігер-гигиенист, эпидемиолог және заңгер мамандықтары бойынша тәмамдаған. 2020 жылы Қазақ медициналық үздіксіз білім беру университетін бітіріп, Денсаулық сақтау магистрі атағын алды.
Еңбек жолын 1987 жылы Жамбыл қаласында жедел жәрдем бөлімінің санитары болып бастаған. Кейін Жамбыл облысы Коммуналдық гигиена бөлімінің меңгерушісі ретінде қызмет атқарған.
1999 жылы Атырау қаласы бас дәрігерінің СЭС орынбасары болып тағайындалды. 2000 жылы Атырау қалалық санитарлық эпидемиологиялық станциясының бас дәрігері қызметінде болды.
2003 жылы Талдықорған қалалық мемлекеттік санитарлық-эпидемиологиялық қадағалау басқармасы бастығының міндетін атқарушы,
2005-2019 жылдар аралығында - Алматы облыстық мемлекеттік санитарлық-эпидемиологиялық қадағалау басқармасының бастығы.
2019 – 2020 жылдары Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің Манғыстау облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы болған.
Марапаттары:
«ҚР Денсаулық сақтау ісінің үздігі»,
«ҚР Денсаулық сақтау ісіне қосқан үлесі үшін»
«ҚР Денсаулық сақтау қызметкерлері кәсіподағының үздігі» белгілерімен.
«Үздік мемлекеттік қызметші төсбелгісі» 2020 жыл.
Сенат сайлау: Алматы облысында Сұлтан Дүйсембинов 92 пайыз дауыс жинады
Алматы облысында Сенат депутатын сайлауда Сұлтан Дүйсембинов 92 пайыз дауыс жинады. Ол облыстық мәслихаттың хатшысы қызметін атқарады, деп хабарлайды ҚазАқпарат тілшісі.
Алматы облысында Сенат сайлауына облыстық және қалалық мәслихаттардан 287 депутат қатысып, дауыс берді.
Бұл 17 аудан 3 қала бойынша халық қалауылар санының 92 пайызы. Дауыс беру барлық санитарлық талаптарға сай, ара қашықтықты сақтау, залалсыздандыру жұмыстарын жүргізе отырып, жоғары деңгейде ұйымдастырылды.
Бұл өңірден жалпы 9 кандидат тіркеліп, 7 үміткер әртүрлі себеппен додадан шығып қалды. Сайлауға екі үміткер қатысты. Олардың бірі облыстық мәслихаттың хатшысы Сұлтан Дүйсембинов болса, екінші кандидат аймақтық кәсіподақтар бірлестігінің төрағасы Әсет Қыдырманов. Сайлаушылардың 92 пайыз дауысымен Сұлтан Дүйсембинов жеңіске жетті.
Қасым-Жомарт Тоқаев Ресей Президенті Владимир Путинге жеделхат жолдады
Мемлекет басшысы Қасым-Жомарт Тоқаев Ресей Федерациясының Президенті Владимир Путинге COVID-19 індетіне қарсы әлемдегі ең бірінші вакцинаның тіркелуіне орай құттықтап, жеделхат жолдады. Бұл туралы Ақорданың ресми сайты хабарлады.
"Бұл оқиға Ресей ғылымының жоғары әлеуеті мен беделін нақтылай түсті. Сондай-ақ Ресейдің осы жаһандық қауіп-қатерге қарсы күрестегі жетекші рөл атқаратынын көрсетті. Әлемде қалыптасқан осынау қиын-қыстау кезеңде Қазақстанға үнемі қолдау көрсетіп, оның ішінде, гуманитарлық көмек беріп және еліміздегі санитарлық-эпидемиологиялық ахуалдың жақсаруына үлкен үлес қосқан дәрігерлер жібергеніңіз үшін Сізге ризашылық білдіреміз", – деп жазды Қазақстан Президенті жеделхатта.
Қасым-Жомарт Тоқаев Қазақстан мен Ресейдің аталған бағыттағы тиімді ықпалдастығы туралы да айтты.
"Тамыз айының екінші жартысында Үкіметтік делегация ресейлік вакцинаны сатып алу мәселесін талқылау үшін Мәскеуге барады", – деп атап өтті Мемлекет басшысы.
Алматы облысының су айдындарында жыл басынан бері 48 адам құтқарылды
Осы демалыс күндері Алматы облысының су айдындарында құтқару бөлімшелері полиция қызметкерлерімен және еріктілермен бірлесіп, 64 рейд пен патрульдеу жүргізді. Бұл туралы "Jetisy media" ақпараттық алаңындағы брифинг барысында Алматы облысы ТЖД бастығының орынбасары Асқар Тойшыбеков хабарлады.
"Суға шомылу маусымы кезеңінде облыстың төтенше жағдайлар департаменті тұрақты негізде полиграфиялық шараларды өткізіп отырды. Су айдындарындағы қауіпсіздік тақырыбы бойынша түрлі бейнесюжеттерді көпшілік назарына ұсыну арқылы қауіптің алдын алу жұмыстарын жүргізеді. Азаматтық қорғау органдарының қызметкерлері патрульдеу, рейдтер мен түсіндіру жұмыстарын жүзеге асырады. Тек осы демалыс күндері біз 64 рейд өткіздік", - деді ол.
Сонымен қатар жағажайларда кезекшілікті қамтамасыз ету мақсатында құтқару бөлімшелері 30 құтқарушы-жасақшыны оқытты. Су айдындарындағы қауіпсіз жүріс-тұрыс ережелері көрсетілген 1413 ескерту белгілері мен 93 көрнекі стенд орнатылды.
"Жыл басынан бері облыстың су айдындарында 48 адам құтқарылды, оның ішінде: Қапшағай су қоймасында 24 адам, Алакөл көлінде 19 адам, Балқаш көлінде 5 адам",– деп атап өтті Асқар Тойшыбеков.
Ақпарат және қоғамдық даму министрлігі мешіттердің карантиннен кейінгі жұмысын талқылады
Бүгін Ақпарат және қоғамдық даму вице-министрі Марат Әзілханов Қазақстан мұсылмандары діни басқармасының төрағасы, Бас мүфти Наурызбай қажы Тағанұлымен кездесті.
Министрлік мәлім еткендей, кездесуде карантиннің жеңілдеуі жағдайында діни ғимараттардың жұмыс істеу мәселелері талқыланды. Бас мүфти мешіттер ашылған жағдайда діни ғимараттағы қызмет санитарлық нормаларды сақтай отырып жүргізілетінін мәлімдеді. Өз кезегінде вице-министр ҚМДБ-ның мешіттерде коронавирустық індет таралуының алдын алу бойынша бірыңғай іс-қимыл тәртібін әзірлеудің орындылығын жеткізді.
"М.Әзілханов мемлекет пен діни бірлестіктердің, әсіресе пандемия сияқты жаһандық сын-қатерлер жағдайында одан әрі ынтымақтастығы қажеттігін атап өтті. Вице-министр ҚМДБ төрағасына діндар азаматтардың мәжбүрлі карантиндік шараларға түсіністікпен қарағаны және олардың арасында санитарлық-эпидемиологиялық нормаларды сақтаудың маңыздылығын түсіндіруде мемлекетке көмектескені үшін алғыс айтты.
Өз тарапынан Бас мүфти вице-министрге а.ж. 31 шілде мен 2 тамыз аралығында өткен Құрбан айт мерекесі кезінде Министрлікпен көрсетілген қолдауға өзінің алғысын білдірді.
Министрліктің көмегімен Діни басқарманың «Qurban2020.muftyat.kz» арнайы сайты іске қосылды, соның арқасында азаматтар қашықтықтан қайырымдылық жасай алғанын назарға саламыз. Жалпы, Қазақстан бойынша мереке кезінде 80 мыңнан астам мұқтаж адам құрбандық етін алды.
Сондай-ақ, тараптар деструктивті діни ағымдардың ықпалына түскен азаматтар арасында түсіндіру жұмыстарын жүргізу мәселелерін талқылады" делінген ақпаратта.
Qoldau-24/7 - МӘМС жүйесіндегі сіздің көмекшіңіз
Медициналық сақтандыру және пациенттердің құқықтары туралы өтініштер тәулік бойы қабылданады. Азаматтардың барлық өтініштері өңделіп, тіркеу нөмірін көрсетумен өтініштер тізіміне енгізіледі.
Одан әрі, қажет болған жағдайда өтініштер белгіленген уақытында шешім қабылдау үшін сараптамаға жіберіледі. Содан кейін өтініш берушінің қосымшасындағы аккаунтына жауап беріледі. ⠀
Qoldau-24/7 әлеуметтік медициналық сақтандыру қорының мобильді қосымшасын Android смартфондарына арналған PlayMarket және Apple смартфондарына арналған AppStore арқылы жүктеуге болады.
Айта кетейік, әлеуметтік медициналық сақтандыру Қоры тұрақты негізде мониторинг жүргізеді халықтан келіп түсетін өтініштердің, апта сайын қарастырылады, топ мәселелер қарауына шығарылады.
Байланыс орталықтары тәулік бойы жұмыс істейді. Бұл дегеніміз, пайдаланушы кеңес алуға болады кез келген ыңғайлы уақытта.
«Әлеуметтік медициналық сақтандыру қоры»
КЕАҚ Алматы облысы бойынша филиалы
Баланы патронаттық тәрбиелеуге алу жолы қандай?
Егер сіз қандай да бір жағдайға байланысты бала асырап ала алмасаңыз, онда баланы патронаттық тәрбиелеуге алып көріңіз. Ал, біз баланы патронаттық тәрбиелеуге алу және оны асырап-бағуға ақшалай қаражат тағайындауды онлайн рәсімдеу жолын рет-ретімен түсіндіре кетейік. Алдымен:
- Egov.kz порталына кіріңіз;
- Порталдың қызметтер тізіміндегі «Отбасы» бөлімінен «Баланы (балаларды) патронаттық тәрбиелеуге беру және патронат тәрбиешiлерге берiлген баланы (балаларды) асырап-бағуға ақшалай қаражат төлеуді тағайындау» қызметін табыңыз;
- Қызметті онлайн сұратыңыз;
- Бірінші қадамда сұратылған мәліметтерді толық толтырып шығыңыз;
☝️Егер сіз некеде болсаңыз, жұбайыңыздың ЖСН нөмірін көрсетуіңіз керек. Ал жұбайыңыз ЭЦҚ арқылы жеке кабинетінен он күн ішінде келісімін беруі шарт.
- Екінші қадамда сіздің және жұбайыңыздың денсаулық жағдайы және сіздің біліміңіз туралы ақпараттардың скан көшірмелерін порталға жүктеу арқылы көрсетіңіз;
- Сіз жайлы қылмыс жасау мәліметтердің жоқтығы мен жұбайыңыздың электронды келісімін алуға рұқсат беріңіз;
- Үшінші қадамда, жүйеден сұратылған мәліметтер порталға шыққанша жаңартыңыз. Мәліметтер 10 күнге дейін жаңартылуы мүмкін;
- Төртінші қадамда өтінішке ЭЦҚ арқылы қол қойыңыз;
- Қызметті онлайн сұратқанда сізге төмендегі құжаттардың скан көшірмелері немесе электрондық нұсқалары қажет болады:
- Қызметалушының, егер некеде тұрса оның; жұбайының да денсаулық жағдайы туралы анықтамалар, сондай-ақ наркологиялық және психатриялық диспансерлерде есепте тұрмағаны жөнінде анықтамалар;
- Қызметалушы некеде болса, онда оның жұбайының нотариус арқылы расталған келісімі;
- 2008 жылға дейін немесе Қазақстан Республикасынан тыс жерде некеге тұрған жағдайда некеге тұру туралы куәлігі;
- Өтініш беруші отбасының жеке меншігінде тұрғын үйі болмаса, тұрғын үйді пайдалану құқығын растайтын құжаттар;
- Өтініш берушінің білімі туралы мәліметтер;
- Баланың (балалардың) білім беру ұйымында оқуы туралы анықтаманың электрондық көшірмесі.
Қызметтің нәтижесін 10 жұмыс күні ішінде жеке кабинетіңізден біле аласыз.
*****
Если у вас по каким-то причинам не получилось оформить опеку над ребенком, то попробуйте его взять на патронатное воспитание. Оформить патронат, пожалуй, самое верное решение, когда другие формы устройства ребенка в семью невозможны.
Сегодня мы расскажем, как можно онлайн подать заявление на услугу «Передача ребенка (детей) на патронатное воспитание и назначение выплаты денежных средств на содержание ребенка (детей), переданного патронатным воспитателям». Итак:
- Авторизуйтесь на портале Egov.kz;
- Найдите услугу в разделе «Семья»;
- Запросите услугу онлайн;
- Заполните полную информацию о себе;
☝️Если вы состоите в браке, то нужно будет указать ИИН супруга(-и). А он, в свою очередь, в течение 10 дней должен подтвердить согласие с помощью ЭЦП в личном кабинете.
- Перейдите на второй шаг и прикрепите электронную копию справки о состоянии Вашего здоровья и супруга (-и). Также сканированную копию диплома об образовании;
- Поставьте галочку на запрос портала для проверки информаций о наличии либо отсутствии сведений о совершении Вами преступлениях, также об отправке электронного соглашения в личный кабинет супруга (-и);
- Перейдите на третий шаг и обновляйте данные запрашиваемые в п.6 до появление на портале. Для обновления и получения данных может уйти от 3 до 10 дней;
- После перейдите на четвертый шаг и подпишите заявление с помощью ЭЦП.
- Для онлайн оформления данной услуги вам потребуются скан копии или электронные версии следующих документов:
- cправки о состоянии здоровья заявителя или супругов, подтверждающей отсутствие заболеваний, а также справки об отсутствии сведений о состоянии на учете в наркологическом и психиатрическом диспансерах;
- нотариально заверенное согласие супруга(-и), в случае если услугополучатель состоит в браке;
- свидетельство о заключении брака, если состоит в браке, в случае заключения брака до 2008 года либо за пределами Республики Казахстан;
- В случае отсутствия права собственности на жилье, документы подтверждающие право пользования жилищем услугополучателя или супруга(-и);
- cведения об образовании лица, желающего стать патронатным воспитателем.
- электронная копия справки об обучении ребенка (детей) в организации образования (для детей школьного возраста).
О результате услуги можете узнать в личном кабинете в течение 10ти рабочих дней.
Будьте #втеме , получайте госуслуги онлайн!
Толығырақ ...
5 апталық карантин нәтижесі: Қатаңдатылған шаралар біртіндеп алынады
Елімізде 5 аптаға созылған күшейтілген карантин шаралары өз жемісін бере бастады. Қазіргі уақытта республика бойынша коронавирустың беті қайтып, індеттен сауығып шыққандардың саны артта түсуде. COVID-19 өршіп тұрған кезде шұғыл арада жасақталған стационарлардың кейбірі босап, бірқатар өңірлерде осы уақытқа дейін өзге науқастарды қабылдамаған емханалар мен ауруханалар бұрынғы жұмыстарына біртіндеп қайта орала бастады. Бірақ, еркінсуге әлі де ерте. Себебі күн сайын жер-жерде коронавирус инфекциясын жұқтырған науқастарға қатысты деректер тіркеліп жатыр.
Бүгін Қазақстан Үкіметінің онлайн режимде өткен отырысында еліміздегі эпидемиологиялық ахуал қаралып, аталған мәселе бойынша баяндама жасаған ҚР Денсаулық сақтау министрі Алексей Цойдың айтуынша, Қазақстанда 11 тамызға 100 164 науқас тіркелген. Оның ішінде 25 171 науқас ем алып жатыр. 73 702 пациент немесе 73,6 пайызы емделіп шықты. 1 091 адам өмірден озды. Вирус репродуктивтілігі немесе 1 науқастың өзгелерге жұқтыру көрсеткіші 5 апталық қаңтаңдатылған карантин шараларына дейін 1,72 болатын. Ал карантин енгізілген кейін инфекцияның репродуктивтілік көрсеткіші тұрақты түрде төмендей бастады және қазіргі уақытта 2 есеге, яғни 0,82-ге дейін азайды.
Бұл ретте республика басшылығының еліміздің денсаулық сақтау жүйесіне жан-жақты және дер уақытында қолдау көрсеткенін атап өткен жөн. Соның нәтижесінде қымбатқа түсетін диагностикалаумен науқастарды тегін қамту артты. Бүгінде Қазақстан ПТР диагностикамен қамту бойынша әлемде 37-орында тұр.
«Елдегі ауырғандар көрсеткіші өзгертіліп, тіркелген жағдайлар саны артты. Қазіргі уақытта Қазақстан коронавирустың таралуы бойынша әлемде 43-орында тұр. Анықталған пациенттердің дер уақытында өзін-өзі оқшаулауы, амбулаториялық және стационарлық емдеумен қамту, сонымен қатар байланыста болған адамдарды бақылауға алу аурудың таралуын тежеуге, жағдайы ауыр науқастарды бақылауға алуға мүмкіндік берді. Қазақстан дер уақытта коронавирусты диагностикалаудың нәтижесінде Covid-19-дан қаза тапқандар көрсеткіші бойынша 70-орында тұр», - деді ол.
Айта кетерлігі, еліміздің Денсаулық сақтау министрлігі Дүниежүзілік денсаулық сақтау ұйымының Еуропа бойынша аймақтық бюросымен бірқатар техникалық консультациялар өткізгеннен кейін аурулардың халықаралық жіктелуінің кодтарына сәйкес COVID-19 жағдайларын жаңаша кодтауға және есепке алуға көшкен болатын. Яғни, 1 тамыздан бастап зертханалық расталған COVID-19 жағдайлары, соның ішінде ПТР теріс нәтижесі бар пневмония жағдайлары біріктірілген еді. Осыған орай Денсаулық сақтау министрлігі тамыз айының алғашқы 10 күнінің деректері негізінде репродуктивтік көрсеткішіне қайтадан есептеу жүргізіліп жатыр. Бұған қоса Қазақстан клиникалық-эпидемиологиялық мәліметтер негізінде зертханалық нақтылаусыз коронавирус инфекциясы жағдайларын тіркеуді алғашқылардың бірі болып қолға алған болатын.
«Бұл ең бірінші кезекте ел халқының індет ауқымын түсінуі үшін қажет болды», - деді министр.
Оның атап өтуінше, статистикаға жаңа әдіс енгізу төсек-орын қорын айтарлықтай кеңейту есебінен стационарлық ем алатын пациенттер санын барынша ұлғайтуға мүмкіндік берді.
«Бұл жүздеген өмірді сақтап қалды. Өйткені, адам өмірін сақтап қалу үшін қажетті дем алуды жасанды қолдау тек стационарлық жағдайда ғана көрсетіледі. Коронавирус індетіне байланысты жедел жәрдем шақыру 62 пайызға төмендеді. Қабылданған шаралардың арқасында денсаулық сақтау жүйесіне жүктеменің негізгі көрсеткіштерін төмендетуге қол жеткізілді. Елімізде орташа есеппен аурудың тәуліктің өсімі 2 есеге жуық төмендеп, емделіп шыққандар саны 73,6 пайызға артты», - деді Алексей Цой.
Есте болса, елімізде коронавирус індетін жұқтырғандар санының күрт артып кетуіне байланысты Мемлекет басшысы Қасым-Жомарт Тоқаевтың тікелей тапсырмасымен шілде айының 5-інде шектеу шаралары күшейтілген болатын. Араға екі аптадан астам уақыттан кейін, нақты айтқанда 23 шілдеден бастап инфекцияның репродуктивтік көрсеткіші тұрақты түрде төмендей бастады. Бұл көрсеткіш 4 тамызда 0,89-ға дейін қысқарса, бүгінде 0,82-ге дейін төмедеді. Бұл ретте эпидемиологиялық тұрғыдан алғанда аталған көрсеткіштің 1-ден төмен болғаны маңызды. Қазіргі уақытта бұл көрсеткішке Түркістан облысынан басқа барлық өңір қол жеткізіп отыр. Ауруға шалдығу көрсеткіші де 100 мың адамға шаққанда 56,73-тен 36,2-ге дейін төмендеген.
Алексей Цойдың сөзіне қарағанда, осындай оң динамика денсаулық сақтау жүйесіне жүктеменің азайғанын және негізгі көрсеткіштердің жақсарғанын көрсетеді әрі карантин шараларын кезең-кезеңмен жеңілдетуге мүмкіндік береді.
«Бұл жеңілдету қоғамдық орындарда маска тағу режимі мен гигиенаны қатаң сақтай отырып, сонымен қатар барлық ақпарат арналарымен халық арасында түсіндіру жұмыстарын жүргізу арқылы атқарылуы тиіс. Карантинді кезең-кезеңмен жеңілдету бойынша қорытынды ұсыныстар комиссияның таяу отырысында енгізілетін болады», - деді министр.
Осы мәеелеге қатысты түйін сөз айтқан ҚР Премьер-Министрі Асқар Мамин қабылданған кешенді шаралардың нәтижесінде еліміздегі коронавирустың таралу деңгейі және осыған байланысты барлық көрсеткіштердің қарқынды төмендеуі тіркеліп отырғанына баса назар аудартты.
«Соның ішінде вирустың репродуктивтілік деңгейінің орташа көрсеткіші 0,82 пайызға дейін төмендеді. Емделіп шыққандардың үлесі 73,6 пайызды құрап отыр. Қалғандары қажетті ем алып жатыр. Ауруханалардың жүктемесі 61 және жедел жәрдем шақыру 62 пайызға төмендеді. Осы нәтижелер қабылданып жатқан шаралардың тиімділігін көрсетеді. Қалыптастып отырған эпидемиологиялық жағдайды ескере отырып, Денсаулық сақтау министрлігіне карантин шараларын кезең-кезеңімен алып тастау жоспарын мемлекеттік комиссия қарауына бейсенбі күні енгізуді тапсырамын», - деді Үкімет басшысы.
Дереккөз«Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру» мемлекеттік көрсетілетін қызмет алу тәртібі
"Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру" мемлекеттік көрсетілетін қызметін республикалық маңызы бар қаланың және астананың, аудандардың және облыстық және аудандық маңызы бар қалалардың жергілікті атқарушы органдары көрсетеді. Сонымен қоса мемлекеттік қызметті көрсету жолы "Электрондық үкімет" веб-порталы арқылы жүзеге асырылады.
Мемлекеттік қызметті көрсету нысаны: электрондық.
Мемлекеттік қызметті көрсету нәтижесі: өтініш берушінің (отбасының) атаулы әлеуметтік көмек алушыларға тиесілігін (тиесілі еместігін) растайтын анықтама. Мемлекеттік қызмет жеке тұлғаларға тегін көрсетіледі.
Құжаттардың тізімі – порталда: Мемлекеттік атаулы әлеуметтік көмекті тағайындау және төлеу қағидаларына 12-қосымшаға сәйкес ұялы байланыс операторы ұсынған өтініш берушінің абоненттік нөмірін тіркеген және порталдың есептік жазбасына қосқан жағдайда, өтініш берушінің электрондық цифрлық қолтаңбасымен немесе бір рет қолданылатын парольмен куәландырылған электрондық құжат нысанындағы өтініш;
пайдаланушының кабинетінен "электрондық үкімет" веб-порталында ұсынылған субъектінің келісімі болған жағдайда, сондай-ақ "электрондық үкімет" веб-порталында тіркелген субъектінің ұялы байланыстың абоненттік нөмірі арқылы бір реттік парольді беру жолымен немесе "электрондық үкімет" веб-порталының хабарламасына жауап ретінде қысқа мәтіндік хабарламаны жіберу жолымен үшінші тұлғалардың электрондық сұрау салуы.
Портал арқылы сұрау салу кезінде - өтініш берушінің "Жеке кабинетінде" мемлекеттік қызмет көрсету үшін сұрау салудың қабылданғаны туралы мәртебе көрсетіледі.
Толық мәліметті «Қаракемер ауылдық округі әкімінің аппараты» мекемесінен білуге болады.
Мекенжайы: Қаракемер ауылы, Тастанбеков көшесі, № 6
Телефон: 8 72775 49 016
************
Правила получение государственной услуги
"Выдача справки, подтверждающей принадлежность заявителя (семьи) к получателям адресной социальной помощи"
Государственная услуга "Выдача справки, подтверждающей принадлежность заявителя (семьи) к получателям адресной социальной помощи" оказывается местным исполнительным органам городов республиканского значения и столицы, районов и городов областного и районного значения. Также прием заявления осуществляются через веб-портал "электронного правительства".
Форма оказания государственный услуги: электронная (полностью автоматизированная).
Результат оказания государственной услуги: справка, подтверждающая принадлежность (либо отсутствие принадлежности) заявителя к получателям адресной социальной помощи. Данная государственная услуга оказывается бесплатно физическим лицам.
Перечень документов на портал: заявление в форме электронного документа, удостоверенного электронной цифровой подписью заявителя или одноразовым паролем, в случае регистрации и подключения абонентского номера заявителя, предоставленного оператором сотовой связи, к учетной записи портала согласно приложению 12 к правилам назначения и выплаты государственной адресной социальной помощи;
электронный запрос третьих лиц, при условии согласия субъекта, предоставленного из кабинета пользователя на веб-портале "электронного правительства", а также посредством зарегистрированного на веб-портале "электронного правительства" абонентского номера сотовой связи субъекта путем передачи одноразового пароля или путем отправления короткого текстового сообщения в качестве ответа на уведомление веб-портала "электронного правительства".
Более подробную информацию можно получить в аппарате акима Каракемерского сельского округа.
Адрес: с.Каракемер, улица Тастанбекова, №6
Телефон: 8 72775 49 016
Абайдың мерейтойына орай монеталар шықты
Қазақстан Республикасының Ұлттық банкі 10 тамыз күні «Есте қалатын оқиғалар мен біртуар адамдар» сериясынан «ABAI. 175 JYL» коллекциялық монеталарын айналысқа шығарды.
Атап айтқанда, номиналы 500 теңгелік монета - күмістен, номиналы 100 теңгелік шақа - мельхиор қоспасынан және номиналы 100 теңгелік монета нейзильбер қоспасынан жасалған.
Монеталар ақын және ағартушы Абайдың 175 жылдығына орай шығарылды.
Ұлттық банктен мәлім еткендей, Қазақстан аумағында карантин режимінің ұзартылуына байланысты монеталарды сату мерзімі кейінірек хабарланатын болады.
«Сату күні туралы ақпарат ҚР Ұлттық банкінің ресми сайтында қосымша орналастырылады», - деді банктен.
«ABAI. 175 JYL» монеталарының сипаттамасы:
Монеталардың бет жағында (аверсінде) орталық бөлігінде Қазақстан Республикасының Мемлекеттік Елтаңбасы бейнеленген. Елтаңбаның сол және оң жағында «QAZAQSTAN RESPÝBLIKASY∙ REPUBLIC OF KAZAKHSTAN» жазулары орналасқан. Айналдыра ұлттық ою-өрнек элементтері бар. Төменгі бөлігінде «TEŃGE» жазбасы және күміс монетада оның номиналын білдіретін «500» саны және мельхиор мен нейзильбер монеталарында «100» саны бейнеленген.
Монеталардың сырт жағында (реверсінде) Абай Құнанбаевтың мүсіндік портрет бейнесі, күміс және мельхиор монеталарда интерференциялық түрлі-түсті бейнелеу технологиясын қолдана отырып орындалған сия құтысының және қаламұштың стильдендірілген суреті орналасқан. Портреттің оң жағында – қазақтың киіз үйі (басқұр) декоры түріндегі ою-өрнек таспасы, оның астында Абайдың туған жылын, 175 жылдығын мерекелейтін күнді және соғылған жылын білдіретін «1845-2020» деген жазба орналастырылған. Оң жағында - металдың массасын білдіретін «31,1 g» деген жазба бар. Монетаның жоғарғы бөлігінде «175» және «JYL» деген жазба бар. Сол жақ бөлігінде ұлттық ою-өрнек элементі, күміс монетада монета дайындалған металды және оның сынамын білдіретін «Ag 925» деген жазба бар. Монетаның төменгі бөлігінде латын графикасында «ABAI» деген жазба бар.
Техникалық өлшемдері:
«Рroof» сапалы монеталар 925/1000 сынамды күмістен, массасы 31,1 грамм, диаметрі 38,61 мм, номиналы 500 теңгелік, таралымы 1 500 данада дайындалды.
«Вrilliant uncirculated» сапалы монеталар МН 25 мельхиор қоспасынан, массасы 15 грамм, диаметрі 33 мм, номиналы 100 теңгелік, таралымы 8 000 данада дайындалды
«Вrilliant uncirculated» сапасылы монеталар МНЦ 15-20 нейзильбер қоспасынан, массасы 11,17 грамм, диаметрі 31 мм, номиналы 100 теңгелік, таралымы 75 000 данада дайындалды.
Монеталар коллекциялық құны бойынша сатуға арналған.
Номиналы 500 теңгелік және 100 теңгелік коллекциялық монеталар төлемдердің барлық түрлері бойынша Қазақстан Республикасының бүкіл аумағында олардың белгіленген құнымен қабылдануға, сондай-ақ банк шоттарына есепке алынуға және аударылуға міндетті, Қазақстан Республикасының барлық банктерінде шектеусіз ұсақталады және айырбасталады.
Күмістен дайындалған монеталар кәдесыйлық орамда шығарылады және Қазақстан Ұлттық Банкінің мемлекеттік, орыс және ағылшын тілдерінде нөмірлік сапа сертификатымен жабдықталған.
Мельхиор қоспасынан дайындалған монеталар арнайы полиграфиялық орамда шығарылады.
Коллекциялық монеталар Қазақстан теңге сарайында дайындалған.
Қасым-Жомарт Тоқаев: Абай – рухани реформатор
Қазақ Абай өз дәуірінде айтып кеткен "бес дұшпаннан" әлі күнге толық арылып болған жоқ. Бұл туралы Преезидент Қ.Тоқаев Egemen Qazaqstan газетінде жарияланған "Абай – рухани реформатор" мақаласында айтты. Мақаланың толық нұсқасын назарларыңызға ұсынамыз.
10 тамызда ұлтымыздың ұлы ақыны, ойшыл тұлғасы Абай Құнанбайұлының туғанына 175 жыл толды. Бұдан ширек ғасыр уақыт бұрын Тұңғыш Президентіміз – Елбасы Нұрсұлтан Назарбаевтың бастамасымен Абайдың 150 жылдығы ЮНЕСКО деңгейінде өткізілген еді. Бұл торқалы той – сол тамаша дәстүрдің жалғасы.
Биылғы мерейтойға орай бірқатар іс-шара жоспарланған болатын. Бірақ әлемді жайлаған індетке байланысты соның көпшілігін онлайн форматқа ауыстырдық. Әрине сан сынақтан сүрінбеген халқымыз бұл дертті де жеңеді. Қиындық өтпелі, ал Абай мұрасы мәңгілік. Менің тапсырмам бойынша Үкімет оныншы тамызды «Абай күні» деп белгілеп, мерекелер тізбесіне енгізді (бірақ жұмыс күні болып қала береді). Ұлы ақынның мұрасын ұлықтауға арналған іс-шаралар жыл сайын өткізіліп тұратын болады. Мәселе мерейтойда емес – тұғырлы тұлғаның туындыларынан терең тәлім алуда. Абайдың рухына тағзым ету – оның қағидатын ұстану, аманатына адал болу. Сонда ғана жас ұрпақтың санасына қастерлі құндылықтарды сіңіреміз. Біз ұлы ойшылдың өнегелі өмірі мен тағылымы туралы айтудан жалықпаймыз. Әсіресе қазіргі Қазақстан қоғамын Абайдың рухани ұстанымына сай дамыту аса маңызды. Мен бұл жөнінде «Абай және ХХІ ғасырдағы Қазақстан» атты мақаламда кеңінен айттым. Биылғы жыл халықаралық «Абай жылына» айналды. Әлемнің көптеген елдері оның шығармашылығына назар аударуда. Қазақстанның бастамасымен және ЮНЕСКО-ның қолдауымен ұлы ақынымыздың 175 жылдық мерейтойы жаһандық деңгейде аталып өтуде. Ақынның баға жетпес мұрасын ұғындыру және дәріптеу – азаматтық парызымыз. Өйткені Абай – әлемдік деңгейдегі кемеңгер тұлға. Абайтанудың тұғырнамалық негізі де осы болуға тиіс. Қазір ақынның еңбектерін халықаралық ғылыми айналымға енгізу үшін нақты және мақсатты жұмыстар қолға алынуда. Оның шығармалары әлемнің он тіліне аударылып, баспаға әзірленді. Бұл кітаптар жүзден астам елдің кітапханалары мен мәдени орталықтарына жіберіледі. Бірқатар шетелдік аудармашыларға, Абайдың шығармашылық мұрасын зерттеушілер мен насихаттаушыларға менің Жарлығыммен мемлекеттік награда берілді. Абай рухын ұлықтау шаралары жалғасуда. Шетелдегі елшіліктеріміздің жанынан Абай орталықтары ашыла бастады. Ақынның шығармашылығын жүйелі зерттеу үшін Л.Н.Гумилев атындағы Еуразия ұлттық университеті жанынан Абай академиясы құрылды. Біз бәсекеге қабілетті мемлекет болу үшін Абай мұрасын естен шығармауымыз керек. Себебі ұлт ретіндегі жаңару идеясы да оның көзқарасымен үндесіп жатқаны анық. Келесі жылы Қазақстан Тәуелсіздігінің 30 жылдығын атап өтеміз. Бірақ кезінде ұлы ойшылды қатты толғандырған кейбір келеңсіздіктер қоғамда әлі де кездеседі. Өкінішке қарай Абай айтқан «бес дұшпаннан» толық арылып болған жоқпыз. Азаматтарымыздың арасында жалқаулық пен сөзуарлық жиі кездесетіні қынжылтады. Бұлар бұрынғыша тойқұмарлықтан тартынбай, күнделікті тынымсыз тірлікті дәріптеудің орнына, әрбір қоғамдық оқиғадан саяси астар іздейді де отырады. Абай халықты той тойлауға емес, еңбек етуге, рухани кемелденуге шақырды. Абайдың ұлағаты әлі күнге дейін маңызын да, құндылығын да жоғалтқан жоқ. Сондықтан біз оның терең ойларына, келешектің келбетіне үңілген көрегендігіне таңырқаудан жалыққан емеспіз. Абай ілімі бүгінгі бірқатар бағыттарға орайлас келеді.
Ең алдымен, білім игеру. Біз бүкіл әлемді ақыл-ой мен парасатты пайым арқылы ғана мойындата аламыз. Заман талабына сай білім алу интеллектуалды ұлт қалыптастыруға жол ашады. Екінші, тәрбие мәселесі. Сондықтан, өскелең ұрпаққа дұрыс бағыт берген жөн. Ақынның «Пайда ойлама, ар ойла, талап қыл артық білуге» деген өсиетін әрдайым санаға сіңіру қажет. Үшінші, жаңа кәсіп игеру. Ақын әр қазақ өз ісінің шебері болса деп армандады. Әсіресе бәсекелестікке толы алмағайып заманда мұның мәні зор. Абай: «Мал керек болса, қолөнер үйренбек керек. Мал жұтайды, өнер жұтамайды» дейді. Біз еңбекке, жаңа өнер игеруге деген көзқарасымызды түбегейлі өзгертуге тиіспіз. Байлықтың да, бақыттың да кілті – өзің сүйген кәсіпте. Төртінші, ынтымақ мәселесі. Абай әрдайым қоғамның береке-бірлігін арттыруға ден қойды. Ол «Біріңді, қазақ, бірің дос, көрмесең істің – бәрі бос» деп, елді татулыққа шақырды. Біз аса күрделі кезеңді бастан өткерудеміз. Осындай сәтте бір-бірімізге қол ұшын беріп, өзара мәміле мен ынтымағымызды арттыра түсу аса маңызды. Кемеңгердің де жан-жүрегімен тілегені жұртының амандығы мен ұлтының тұтастығы еді. Сондықтан бүгінгідей қиын шақта Абай мұрасына жүгіну өте өзекті болып отыр. Абай өнегесінің құны дәуір алмасқан сайын артпаса, кемімейді. Ол баршаға түсінікті әрі күллі адамзатқа ортақ. Оның қара өлең болып өрілген және қара сөз болып төгілген оралымды ойлары әлі күнге дейін өмірлік бағдар болып келеді. Ұлтының болашағы үшін қам жеген ұлы ойшыл күллі жұртшылықты да махаббат пен мейірімге үндеді. Ақынның осындай адамгершілік қағидаттары еліміздің бүгінгі ұрпақтары үшін де аса қажет. Мемлекет тәуелсіздік жағдайында ұлттық сананы қайта жаңғыртуға және жаһандану өзгерістеріне бейімдеуге жалпыұлттық тұрғыдан басымдық беріп отыр. Ұлы данышпан елдік мүддені әрдайым жоғары қоюға, алған білім мен тәжірибені халық игілігіне жұмсауға шақырды. Бүкіл адамзат үшін даму үрдісін осындай ұстаным арқылы ұғыну әрдайым маңызды болмақ. Абай – біздің ұлтымыз бен жұртымызды танудың төте жолы. Ұлы ақын бізге мазмұндық тұрғыдан өлшеусіз, халықтың рухани азығына айналған мұра қалдырды. ХХІ ғасырға қадам бассақ та, Абайдың көзқарасы заманауи ізгілік қағидаттарына және Қазақстан қоғамының басты құндылықтарына, оның бірлігі мен берекесіне толықтай сай келетіндігіне тағы да бір мәрте көз жеткіземіз. Ұлы данышпан ұлттың рухани мәдени, адами бет-бейнесін асқан көрегендікпен сипаттаған. Оның ұлылығы да осында. Абайдың даналық сөздері қазақ халқының алтын тұғыры, түп негізімізге үңіліп, ұлттық ұстынымызды іздеген көптеген ұрпақтың басын біріктіретін мәңгілік рухани тірек болып қала бермек. Елбасы Нұрсұлтан Назарбаев «Абай сөзі – қазақтың бойтұмары» деген болатын. Бұл тұжырым бізді ақын әлеміне терең бойлауға, жаңаша ойлауға міндеттейді. Қазір елімізде абайтанумен айналысатын бірнеше ғылыми-зерттеу орталығы бар. Осылардың жұмысын жүйелеп, елордамыздағы Абай академиясының төңірегіне топтастырған жөн. Академия барлық зерттеу мекемелерінің жұмысын ғылыми тұрғыдан үйлестіруші міндетін атқара алады. Алдағы уақытта гуманитарлық пәндердің бөлінбес бөлшегі ретінде «Абайтану» курсын оқыту мәселесін қолға алу керек. Жаңа философиялық және саяси ұстаным тұрғысынан «Абайтану» оқулығы мен хрестоматиясын әзірлеу қажет. Сондай-ақ Абайдың «толық адам» ілімі жан-жақты әрі терең зерттелуге тиіс. Біз Абайды ХІХ ғасырда өмір сүріп, ХХІ ғасырдың сөзін сөйлеген данышпан ретінде әлемге танытуымыз керек. Сонымен қатар оны ұлттық сананы жаңғыртуға зор ықпал еткен рухани реформатор ретінде дәріптеуге міндеттіміз. Түптеп келгенде, әрбір қазақ Абаймен мақтануға тиіс! Халқымыздың ұлы перзентінің торқалы тойы құтты болсын!
Соңғы жаңалықтар
Энергетиканы дамытудың бір жолы- АЭС…
Жас ақындар мен жазушылар арасында…
АЭС салудың халықаралық тәжірибесі
Безопасность АЭС для Балхаша: мнение…
Хайрушев: Если мы откажемся от АЭС,…
Мнение эксперта: потенциал развития…
70 процентов всех ТЭЦ Казахстана…
Астаналық инженер АЭС тиімділігін…
“Атомная энергетика помогает…
