Бүгін Т.Молдағалиев атындағы аудандық мәдениет үйінде халықаралық балаларды қорғау күніне орай аудандық білім бөлімінің ұйымдастыруымен «Дарындылар шеруі – 2022» атты іс-шара өтті.
Шараға аудан әкімінің бірінші орынбасары Айбек Бидаев, аудандық білім бөлімінің басшысы Бәтес Аманова қатысып, республикалық, облыстық, аудандық жарыстарда жүзден жүйрік атанған оқушыларды марапаттады.
– Қазіргі қарыштаған заманда бәсекеге қабілетті тұлға болып қалыптасатын жарқын болашақ иесі – сіздер. Еліміздің абыройын асқақтатып, гүлденуіне, дамуына үлес қосатын ел азаматтары болуларыңызға тілектеспін!, – деді Айбек Дүйсембекұлы.
Білім додаларында, спорт жарыстары мен жыр мүшәйраларында топ жарған үздіктер жиналған бұл шеру мерекелік концертке ұласты. Сонымен қатар мәдениет үйінің фойесінде өнерпаз балалардың қолынан шыққан бұйымдары мен салған суреттері қойылған арнайы көрме ұйымдастырылды.
Анель АЯНҚЫЗЫ.
