Асқабақ - мың бір ауруға ем көкөністердің бірі.
Асқабақтың құрамында A, B1, B2, PP және C дәрумендері, ағзадағы зат алмасу процесін жеделдететін Т және қанның ұюына ықпал ететін К дәрумендері, сүйекті қатайтатын калий, кальций және темір бар. Ағзаңызды қуаттандырғыңыз келсе, иммунитетіңіздің көтерілгенін қаласаңыз, асқабақ пісірмесін дайындаңыз!
Қажетті өнімдер:
400 гр. асқабақ
3 дана жұмыртқа
100 гр. қант
100 гр. күріш
5 ас қасық сары май
0,5 стақан жаңғақ
Лимон қабығы
Дәміне қарай тұз салынады.
Дайындалу тәсілі:
Күрішті қайнатып, жартылай пісіріп алыңыз. Ал, асқабақты үккіштен өткізесіз. Жұмыртқаның ақ уызы мен сарысын бөліп аласыз. Енді 3 ас қасық сары майды ыдысқа құйып, оған 100 гр. қантты, жұмыртқаның ақ уызын, лимон қабығын, жаңғақты қосыңыз. Осы араласпаға үккіштен өткізілген асқабақ пен қайнатылған күрішті қосып, араластыру қажет. Жұмыртқаның сары уызын тұзбен араластырып, көпіршітіп аласыз. Сосын асқабақ салынған табаға салыңыз. Форманы майлап, дайын массаны саласыз да, жақсылап жаясыз. Ал, бетіне сары майды текшелеп турап қойып жіберуге болады. Пешті 200 градусқа дейін қыздырып, 40-50 минут бойы пісіресіз.
