Дактилоскопия - адамның саусақтарындағы терісінің өрнектерінің ерекшелігіне қарай тану тәсілі. Криминалистикада осы тәсілді жиі қолданылады.
Құрметті Алматы облысының тұрғындары мен қонақтары!
Қазақстан Республикасында Конституцияға сәйкес адам құқықтары мен бостандықтары танылады және оларға кепілдік беріледі.
Әркім өзінің жеке басының бостандығына құқығы бар. Тұтқындауға және қамауда ұстауға заңда көзделген тәртіппен және соттың санкциясымен ғана жол берілген,тұтқындалған азаматтың шағымдануына құқығы бар.
Соттың санкциясыз жеке тұлғаны жетпіс екі сағаттан аспайтын мерзімде ұстауға болады.
Адамның ар-намысына нұқсан келтірілмейді.
Ешкімді азаптауға, зорлық жасауға, адамның ар-намысын қорлайтындай жәбірлеуге немесе басқадай қатыгездікпен жазалауға болмайды.
Сіздің жеке мәліметтеріңіздегі заңсыз іс-әрекеттерді болдырмау мақсатында, Сізге қатысты іс-шараның заңды жүргізіліп жатқанын, сонымен қатар саусақтардың іздерін алу заңдылығына назар аударуыңыз қажет.
Қазақстан Республикасының ішкі істер органдары туралы Заңының нормаларына сәйкес, ішкі істер органдарының лауазымды және уәкілетті тұлғалар тіркеу, фотосуретке түсіру, дыбыс жазу, кино және бейне жазу, тұлғаның саусақтардың таңбасын алу құзыреті шегінде: қамауға алғандарға, қылмыс жасағаны үшін күдікті ретінде ұсталғандарға, қылмыс жасаған айыпкерлерге, әкімшілік қамауға алғандарды және әкімшілік құқықбұзушылыққа қатысы бар күдіктілерді, не болмаса қатысы бар тұлғаларға, егер оның жеке басы анықталмаған болса ғана жүргізіледі.
Сондықтан, азаматтар және азаматтығы жоқ тұлғалар жоғарыда аталған санаттардың біріне жатқызылған жағдайда саусақ таңбаларын алуға негізі бар.
Егер Сіздің бостандық және жеке қол сұғылмаушылық құқықтарыңыз бұзылса, жоғары тұрған органдарға немесе прокуратура органдарына жүгіну қажет.
ҚР Бас прокуратурасының
Құқықтық статистика және арнайы
есепке алу жөніндегі комитетінің
Алматы облысы бойынша басқармасы