Жеңістің 75 жылдығына орай Алматы облысында Ұлы Отан соғысының қатысушылары мен мүгедектеріне бір жолғы материалдық көмек ретінде 1 млн. теңгеден беріледі. Қазір облыста 64 Ұлы Отан соғысының  ардагері бар.

Облыстық жұмыспен қамтуды үйлестіру және әлеуметтік бағдарламалар басқармасының мәліметінше, ҰОС қатысушыларына теңестірілгендерге де материалдық көмек қарастырылған.

Өңірде 9 еріксіз ұстау орындарының тұтқындары тұрады. Олардың әрқайсысына 100 мың теңгеден беріледі. Қоршау кезінде Ленинградта жұмыс істеген азаматтарға 60 мың теңгеден, Чернобыль апатының зардабын жоюға қатысқандарға 50 мың теңгеден беріледі. Сонымен бірге қайтыс болған ҰОС қатысушылары мен мүгедектерінің жесірлері санатындағы 9521 адамға 30 мың теңгеден төленеді. Мұндай материалдық көмектерді облыста жалпы саны 11 мыңдай адам алады. Бұл төлемдер 30 сәуірге дейін төленеді деп жоспарланған.

Алматы облысы әкімінің баспасөз қызметі