Күні кеше ел аумағында тіркеу науқаны басталды және әрбір азамат еркін таңдау бойынша емханаға тіркеле алады. Бекіту екі ай ішінде – 15 қыркүйектен 15 қарашаға дейін жүзеге асырылады.
Науқан кезеңінде Алғашқы медициналық-санитарлық көмек ұйымына бекітіле отырып, 2021 жылғы 1 қаңтардан бастап азаматтар медициналық көмекті ала бастайды. Бұл ретте ол қормен алдағы жылға тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде қызметтер көрсетуге шарт жасасуға тиіс. Бекіту науқанының қорытындысы бойынша медициналық ұйымдар бөлінісінде халықтың бөлінуін ескере отырып, 2021 жылға қаржыландыру жоспарланатын болады. Қор Дерекқордың абсолютті дұрыстығына мүдделі, өйткені әрбір тіркелген тұрғын үшін ай сайын медициналық ұйымдарға жан басына қаржыландыру төленеді.
Қордың Алматы облысы бойынша филиалының директоры Нұрлан Отарғалиев бекіту науқаны тек денсаулық сақтау субъектілерінің дерекқорында тіркелген және ТМККК және МӘМС бойынша Медициналық қызметтер көрсетуге үміткер медициналық ұйымдар арасында жүргізіліп жатқанын атап өтті. Тіркелуге қолжетімді емханалардың тізімімен www.fms.kz Қор сайтында" емхананы таңдау" бөлімінде танысуға болады.
Осы жылдың 31 желтоқсанына дейін азаматтарға бұрын тіркелген емханада қызмет көрсетіледі.
Бүгінгі таңда Алматы облысы бойынша 12 мыңнан астам адам Алғашқы медициналық-санитарлықұйымдарына бекітілмеген. Медициналық көмекке қол жеткізбей қалмау үшін оларға тіркелу мәртебесін тікелей тұрғылықты жері бойынша емханада немесе электрондық үкімет веб-порталында ЭЦҚ арқылы тексеру ұсынылады.
"Сақтандырылған мәртебесіне қарамастан барлық азаматтар тегін медициналық көмектің кепілдік берілген көлеміне құқығы бар. Алайда, жоспарлы емдеуге жатқызу, белгілі бір мамандардың қабылдауы, қымбат тұратын тексерулерден өту және жоғары технологиялық ем алу үшін МӘМС жүйесінде сақтандырылған болу қажет. Өзінің сақтандырылу мәртебесін Электрондық үкімет порталында, Қор сайтында және Telegram - да SaqtandyryBot арқылы білуге болады", - деп атап өтті Нұрлан Отарғалиев.
Бүгінгі күні облыс бойынша 499 279 сақтандырылмаған тұрғын тіркелген. Осыған байланысты алдағы эпидемиологиялық маусым алдында ТМККК және МӘМС пакеттері бойынша медициналық көмектің толық көлемін алу үшін әрбір азаматты өзінің сақтандыру мәртебесін тексеруге шақырамыз.
