Әлемді жайлаған коронавирус дертіне байланысты елімізде төтенше жағдай жарияланғалы бір жарым айға жуық уақыт болды. Осы уақыт аралығында қауіпті вирустың кең етек алуына жол берілмей, онымен күрес қарқынды жүргізілуде.
Мемлекет басшысы Қ.Тоқаевтың Жарлығына сәйкес, сәуір айының аяғына дейін төтенше жағдай жарияланған. 27 сәуірде Президент мәлімдеме жасап, еліміздегі төтенше жағдайды мамырдың 11-не дейін созды. Қазақстан індеттің шарықтау шегінен өтіп жатқан тұста бұл өте ұтымды шешім. Ахуалдың бақылаудан шығып кету ықтималдығын ескерген Мемлекет басшысы қауіпсіздік шараларын қатаң сақтауды тапсырды. Сонымен қатар, бүгінгі таңдағы қиындықтарға қарамастан шағын және орта кәсіпкерлік субъектілеріне, шаруаларға мемлекет тарапынан қолдау көрсетілуде. Әлеуметтік жағынан аз қамтылған отбасыларға азық-түлік берілуде.
Бұл шаралар Еңбекшіқазақ ауданының аумағында да қарқынды атқарылуда.
Қ.БАЙҒОДЖАЕВ,
«NurOtan» партиясы аудандық филиал
төрағасының бірінші орынбасары