Елімізде орын алған төтенше жағдай бірлігі жарасқан бір үйдің балаларындай тату ел екенімізді көрсетті. Оның дәлелі – жер-жерде өткізіліп жатқан қайырымдылық акциялары. Мұндай сауапты істен біздің мекеме де тысқары қалған емес.
«Қазселденқорғау» ММ-нің ІААПТБ филиал ұжымы игі істі жалғап, өз үлесін қосты. #БізБіргеміз акциясы аясында мекеме ұжымы әлеуметтік жағдайы төмен отбасыларына көмек ретінде негізгі қажетті азық-түлік себеттерін жеткізді. Сондай-ақ халқымыз қашан да «Үлкенге құрмет – кішіге міндет» деген ғой. Аталы сөзді негізге алған ұжым әр жылдары «Қазселденқорғау» ММ-сінде қызмет атқарған ардагер әріптестеріне арнайы барып, сый-сияпат жасады. Бұл да болса, қазіргі қысылтаяң уақытта бір-бірімізге жасалған қолдау. Әрі біріксек, кез келген қиындықтан шығатынымыздың бір дәлелі.
Айдын Көпжасаров,
«Қазселденқорғау» ММ-нің ІААПТБ
Кезекші қызмет бөлімінің басшысы