Дүйсенбі, 12 Шілде 2021 14:45

Биік белеске ұмтылған қаршадай қыз

Қаракемер ауылы – ежелден киелі мекен. Бұл киелі жердің топырағынан әртүрлі дүлдүлдер мен бұлбұлдар, даңқты спортшылар мен батырлар түлеп ұшқан. Аядай ғана ауылдан Кеңес Одағының қос бірдей батыры Қашаған Жаманқараев пен Рақымжан Тоқатаев, ҚР Парламент мәжілісінің депутаты Зағипа Балиева, композитор Қуат Шілдебаев секілді белгілі азаматтар дүниеге келгенін тілге тиек ете кетейік.

Әрине, киелі жердің топырағынан нәр алып, бұлақтарынан сусындап жатқан мәдениеті де, спорты да осал емес. Небір дүлдүлдер мен дарабоз спортшылардың темірқазығы – ауыл екені даусыз. Ал біздің кейіпкерміз осы ауылдың мақтанышы, қала берді күллі Республиканың атын жалпақ жұртқа танытқан қаршадай ғана қызымыз –   Әлпеш Қасенқызы Изенбай. Әлпеш өзінің дарынын сонау бала күнінде аңғартқан. Кішкене қыздың бойындағы спортқа деген құлшынысты байқаған әкесі Қасен қызының «болашақта чемпион болам» деген бала арманын өзінің әкелік миссиясына айналдырып, 5 жасар Әлпештің қолынан жетектеп 2006 жылы ауыл іргесіндегі «Жас Бүркіт» спорт клубына апарады. Алғашқы жаттықтырушы Дамир Сәбитов кішкене қыздың қарым-қабілетін шыңдай түсті. Алға қойған үлкен арманы мен мақсаты Әлпешті адастырмай, 2014 жылы облыс орталығы Талдықорған қаласындағы спорт мектеп-интернатына жетелеп апарады. Қажырлы еңбек пен тынымсыз жаттығу өз нәтижесін де берді. 2016 жылы Дзюдодан Қазақстанның 3 мәрте жеңімпазы, 2017 жылы дзюдодан Қазақстан Республикасының 2 дүркін чемпионы болса, 2021 жылдың 25 сәуірінде самбодан Қазақстан Республикасының спорт шебері атанды. Биылғы жылдағы ең үлкен жетістігі – 2021 жылғы 5 маусымда Өзбекстан Республикасының Ташкент қаласында өткен самбодан Азия чемпионатында Алтын медаль иегері атануы еді. Міне, әлемдік спорттық додаларда еліміздің намысын қорғап, көк Туымызды желбіретіп жүрген рухы берік қаршадай ғана қызымыздың алар асулары мен бағындырар белестері әлі де алда деп сенеміз. Алдағы жеңісті күндеріне сәттілік тілейміз!

 

Әлішер КУБЕНКУЛОВ,

Қаракемер мәдениет үйінің көркемдік жетекшісі.

Оқылды 3699 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет