Қарасай ауданы, Үшқоңыр ауылында мемлекеттік қызметкерлер күніне орай ұйымдастырылған облыстық XV жазғы спартакиадада ауданымыздың мемлекеттік қызметкерлері бірінші орынды иеленді.
Алматы облысының мемлекеттік қызметкерлері арасындағы жарыста қатысушылар тоғызқұмалақ, қазақ күресі, мини футбол, теннис сынды спорт түрлерінен өзара күш сынасты. Үш күнге созылған байрақты бәсекеде бильярдтан және шағын футболдан командалық есепте Еңбекшіқазақ ауданының құрамасы I орын, волейболдан және тоғызқұмалақтан командалық есепте III орын алды. Үстел теннисінен Ришат Мансуров I орын, тоғызқұмалақтан Данияр Нүсіпжанұлы I орын, қазақ күресінен Руслан Жақабай I орын иеленіп, жалпы командалық есепте Еңбекшіқазақ ауданының құрама командасы I орын иеленді. Жарыс жеңімпаздары мен жүлдегерлер кубоктармен, дипломдармен және медальдармен марапатталды.
Перизат ӘБДІЛ-ӘШІМ.
