Қазақстан Тәуелсіздік алғалы бері спортшыларымыз Азия, әлем, олимпиада жеңімпаздары мен жүлдегерлері болып, көк байрағымызды желбіретуде. XXXІІ жазғы Олимпиада ойындарында да спортшыларымыз Отанымыздың мәртебесін көтеріп, жеңіс тұғырынан көрінетініне сененміз.
Ұлттық құрама команда спортшылары олимпиада ойындарына бүгінгі күнге спорттың 25 түрінен 62 лицензия алды.
Төрт жылдықтың басты додасы 2021 жылы Токио қаласында өтетін ХХХІІ жазғы Олимпиада ойындарына жолдамалар сарапқа салынатын турнирлер мен чемпионаттарда бүгінгі таңда 11 лицензия бар. Бұл жолдамаларды:
- грек-рим күресінен Асхат Дильмухамедов,
- ауыр атлетикадан Зулфия Чиншанло,
- ауыр атлетикадан Сон Игорь,
- велосипед спортынан (трек) Пономарев Сергей,
- жеңіл атлетикадан (спорттық жүріс) Ратова Айман,
- жеңіл атлетика (ядро лақтыру) Иванов Иван,
- байдарка мен каноэде есуден Усова Светлана,
- садақ атудан Санжар Мұсаев, Денис Ганькин, Ильфат Абдуллин және 1 командалық жолдама қолда бар.
Сонымен қатар 4 спортшы – жолдама иеленуге үміткер. Олар:
- тас жолдағы велосипед спортынан Натаров Юрий, Фоминых Данил,
- жүзуден Федотова Мария,
- садақ атудан Фарида Түкебаева.
Ел намысын қорғайтын оғландардың асығы алшысынан түскей! Алға, самға!
Анар САБЫРОВА
