Жақында Бартоғай ауылдық округінде саламатты өмір салтын насихаттау және жастарымыздың уақытын тиімді өткізу мақсатында «Спорт – сенің серігің» атты жасөспірімдер арасында шағын футболдан жарыс өтті.
Аладоп бәйгесіне округ аумағынан 6 команда қатысты. Ойын барысында спортшылар өздерінің біліктіліктерін паш етіп, тартысты ойын үлгісін көрсетті. Жарыс қорытындысы бойынша, І орынды Байсейіт ауылынан қатысқан «Бірлік» командасы иеленді. ІІ орын 6 сынып оқушыларынан жасақталған «Барыс» командасына бұйырды. Х.Бижанов ауылынан келген «Алға» командасы үздік үштікті қорытындылады. Спорттық жарыс соңында жеңімпаздар мен үздік ойыншылар алғыс хаттармен марапатталды.
Фарида АСАНОВА,
Бартоғай ауылдық округі әкімі аппаратының жастар ісі жөніндегі әдіскер-нұсқаушысы.
