Жақында Қаракемер ауылдық округінің мәдениет үйінде 1 маусым – балалар күніне орай Мейбукан Годзю-рю каратэ-до бойынша балалар мен жасөспірімдер арасында клубаралық ашық турнир өтті.

Әртүрлі салмақ дәрежесі бойынша ұлдар мен  қыздар арасында өткен спорт додасында 8 команда құрамындағы 200-ге жуық жас спортшы шеберліктерін ортаға салды. Жарыс қорытындысы бойынша Қордай ауданынан келген команда ІІІ орынға, Алматы қаласынан жасақталған команда ІІ орынға,  ал 12 алтын, 8 күміс, қола жүлдені жеңген Қаракемер ауылындағы «RAIYMBEK DOJO» клубы  І орынға ие болды.

Каратэмен айналысып жүргендеріне көп болмаса да, жас спортшылар облыстық, республикалық деңгейдегі сайыстарда жүлделі орындарды иеленіп үлгерген. «RAIYMBEK DOJO» клубының бапкері Райымбек Бекмұратұлының сөзінше, аталған клуб алда бірнеше республикалық додаларда бақ сынамақ.

Е.АСЫЛ.