Жуырда Есік қаласындағы дене шынықтыру-сауықтыру кешені алаңында  «Балаларды қорғау күні» мерекесіне арналған жеңіл атлетикадан жасөспірімдер мен ересектер арасында ауданның ашық біріншілігі өтті. Аталған спорттық жарысқа ауданымыздағы бірқатар мектеп ұжымдары мен жасөспірімдер, жастар және зейнеткерлер қатысты.

Салтанатты бөлімде № 1 Балалар мен жасөспірімдерге арналған спорт мектебінің директоры Абай Қанатұлы, ауданның құрметті азаматы, әлемдік марафондардың чемпионы, КСРО спорт шебері Алпыс Арықбайұлы жарыстың мәніне тоқталып, құттықтау лебіздерін білдіріп, қатысушыларға сәттілік тіледі.

Сайыс 100, 400, 800, 1500 метрлік қашықтықтарға бөлінді. Спортшылар  өзара бақтарын сынап, мықтыларды анықтады. Жүлделі орындарға қол жеткізген спортшылар мен команда-ларға арнайы алғыс хат, медаль және сыйлықтар табысталды.

Ринат НАРХАНОВ.