Әлбетте, тоғызқұмалақ – ақыл-ой бәйгесі. Ғасырлар тоғысынан түгесілмей бүгінге жеткен ұлттық мұрамызды дәріптеу мақсатында жуырда Рахат округіне қарасты Қайназар мәдениет үйінде аудандық тоғызқұмалақ ойнаудан турнир ұйымдастырылды. «Мәңгілік Ел тұғыры» қоғамдық қоры мен аудандық жастар ресурстық орталығының біріккен іс-шарасына 9 ойыншы қатысты.

3 сағатқа созылған ақыл-ой бәйгесінде барша қатысушыларды ынталандыруды көздеді ұйымдастырушылар. Сонымен қыздар арасында А.Әскерова «Жас ойыншы» номинациясын жеңіп алса, М.Дүйсенова – үшінші, А.Аскерова – екінші, Қ.Абдуханова жүлделі бірінші орынға қол жеткізді.

Сәйкесінше, ұлдар арасында Д.Тектібаев пен Д.Қали үшінші орынды бөлісті. Екіншіге – Б.Есімбек, біріншіге – Б.Абдумаликов жайғасты. Нұржігіт Қайнарбекұлы «Үздік ойыншы» номинациясымен марапатталды.

Өз тілшіміз.