Ұлы Отан соғысының ардагері Ә.Молдағұлованы еске алуға арналған қыздар арасында аудандық «Жас мерген» сайысы өтті.
Әскери сайысқа аудандық дене шынықтыру және әскери дайындық пәнінің әдіскері Қайрат Аукенов, «Жас қыран» патриоттық спорттық клубының жетекшісі Тұрсын Рысбаев, аудандық қорғаныс істері жөніндегі бөлімнен Еркінбек Алтынбеков қатысты. Мектеп басшысы С.Темірбекова Ә.Молдағұлова өмірінен ой қозғап, кейінгі ұрпақтарға үлгі тұтуды насихаттады. Жас мергендер өз дәрежесінде сайыс өнерін көрсетті. Нәтижесінде, І орынды Аймен орта мектебі, ІІ орынды Көктөбе орта мектебі, ІІІ орынды А.Бертаева атындағы орта мектеп еншіледі. Х.Абдуллин атындағы орта мектебі алғыс хатқа ие болды. Аймен орта мектебінің 11-сынып оқушысы Ақбота Сүйеніш «Мерген қыз» номинациясына лайық деп танылды.
С.Кашиева.
