Жақында Алматы облысы Қарасай ауданы Үшқоңыр ауылында Қазақ хандығының 550 жылдығына арналған бокстан жасөспірімдер арасында облыстық жарыс өтті. Оған ауданнан 6 боксшы қатысып, өз бақтарын сынады.
Облыс көлемінен 255 қатысушы өнер көрсеткен бәсекеде аудан спортшыларының мерейі үстем түсті. 6 былғары қолғап шебері да ақтық сынға дейін жетіп, өздерінің шеберліктерінің арқасында жүлделі орындарды иеленді. Нәтижесінде, Бекбосын Бегов, Руслан Жүкен мен Қасым Қонысбай өз салмақ дәрежесінде бірінші орынды қанжығалап, алтын медальға ие болды. Ал, Нұрбақыт Қызыр, Еркебұлан Тілеулес пен Әлихан Әлібек жүлделі екінші орыннан табылды. Айта кетейік, Әлихан Әлібек үздік боксшы атанып, қосымша кубокпен марапатталды.
– Шәкірттерімнің барлығы тыңғылықты дайындықпен барды. 4 күнге созылған сайыс оңай болған жоқ, әрине. Алайда, балалар ауданның намысын қолдан бермеді. Осы орайда Рахат орта мектебінің директоры Бақытжан Рақымжанға айтар алғысымыз шексіз. Аталған мектеп ғимаратында жаттығып, шеберлік шыңдауымыздың арқасында осы жеңіске жеттік – дейді бапкер Тілек Манап.
Сардарбек НҰРАДИН.
