Дүйсенбі, 22 Ақпан 2021 15:40

Естен кетпес кездесу

Кешегі Абай мен берідегі Қасымдардың жолын жалғастырған, болмысы бөлек, табиғаты таңғажайып Мұқағалидың шығармасына оқырманның ықыласы қай кезде де ерекше болмақ. Өйткені М.Мақатаев бүтін бір ғасырдағы қазақ поэзиясын биіктетіп кетті.

Ғасырдың ғаламат ақыны, Хантәңірінің мұзбалағы,  ақиық ақын М.Мақатаевтың туғанына биыл 90 жыл.

Бүгін менің туған күнім, ой, пәлі-ай!

Мына адамдар неге жатыр тойламай?! – деп жырлап кеткен ақынның бүгінде туған күнін атап өту әрбір қазақтың дәстүріне айналған. Мұқаң жайлы жырламаған жүрек, жазбаған қалам, шертпеген ой жоқ шығар. Биылғы мерейтойын ерекше атап өту мақсатында Бәйдібек би ауылы Н.Островский атындағы орта мектебінің педагог-ұйымдастырушысы Меңтай Әділбайдың бастамасымен, директорымыз Әсем Қанағатованың  қолдауымен туған өлкесі Райымбек ауданы, қасиетті Қарасаз ауылындағы ақын атындағы мұражайға арнайы бардық. Оқушыларға рухани азық боларлық тың деректермен танысып келдік. Ақынның өлеңдерін тебірене жырлап, мұражайды көзбен көрген оқушылар алған әсерлерін қуана айтуда. Онымен ғана шектеліп қалмай, ақынның ұлы Жұлдыз Мұқағалиұлымен ақын атындағы қоғамдық қорды басқарып отырған келіні Бақытгүл Айдаровамен сұхбаттасуға арнайы Алматы қаласына барып, ұлының қара шаңырағында болдық. Ақынның көзін көргендей көкейіміздегі сауалдарды қойдық. 90 жылдық мерейтойға жоспарланып отырған М.Мақатаев атындағы қоғамдық қордың алдағы жұмыстары жайлы ой бөлісіп, керемет көңіл күймен қайттық. Мектебіміздің дарынды оқушыларының жатқа айтқан өлеңдеріне риза болған ақынның ұлы батасын беріп, жыр жинақ кітаптарын балаларға, мектеп кітапханасына қол таңбасын жазып, сыйға тартты. Бұл кездесудің өзі – біз үшін есте қаларлық тарихи сәт, үлкен бақыт. Осындай тарихи сәтке арқау болып, қолдау көрсетіп, мүмкіндік беріп отырған мектебіміздің басшысы Асем Иркенгожақызына айтар алғысымыз шексіз!

 

Майгүл Сатымбай,

Меңтай Әділбай,

Н.Островский атындағы орта мектептің

қазақ тілі мен әдебиеті пәні мұғалімдері

Оқылды 1872 рет

Соңғы жаңалықтар

Сәу 03, 2025

2025 год

Сәу 03, 2025

Закон

Сәу 03, 2025

Алматы облысында 23 мыңнан астам …

Ұрпақтың ұлы істермен айналысуы жеткіншек шақтағы қағидалардан басталады. Білім алған…
Сәу 03, 2025

Медициналық қалдықтарды жинау,…

Медициналық қалдықтарды (әрі қарай мәтін бойынша –МҚ) жинау, сақтау мен тасымалдауға…
Сәу 03, 2025

«А» вируыстық гепатиті, жұғу жолдары…

Вирустық гепатит «А» – бауырды зақымдайтын, вирустан туындайтын жіті жұқпалы…
Сәу 03, 2025

Балалар ойыншығын қалай таңдау керек

Әрбір ата-ана үшін бала денсаулығы бәрінен де жоғары. Балаға ойыншық таңдау ата-аналардан…
Сәу 03, 2025

Колледж түлектері жұмыссыз қалмайды

Облыс әкімінің орынбасары Р.Исатаевтың бекіткен кестесіне сәйкес, аудандық Мансап…

Күнтiзбе

« Сәуір 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет