Бейсенбі, 30 Шілде 2015 12:12

Тектінің тұяғына арнау

Абылай Сейіткерейұлы – Ахметжан бабамыздың  үлкен  ұлы кезінде  «халық  жауы»  деген  нақақ  жала  жабылып қуғын  көрген  Мерғалымның  немересі Бабасы Мерғалым Ахметжанұлы оқыған,  көзі ашық  болғандығы үшін «кінәлі»  болса,  Сейткерей әкесі  жеті  класс білімімен-ақ  талай туындылар  тудырған   еді.  Әттең  денсаулығы төмендеу болып, оқуға  да  мүмкіндігі жетіспей, шығармашылық  қабілетін  шыңдай алмады. Сондықтан ата-бабаларының, нағашы жұртының (кезінде қазақ елінің бас ақыны атағын  алған айтыс ақыны, батырлар жырының   айтулы орындаушысы Көкен Шәкеев − Абылайдың анасы Күлзараның ағасы)   қабілеті  дарыған, Абылай  ініме  оқу  керек  дей  келе Әскербек  Қасымұлының Сәкен немересінен   туған Асаналі сәбидің  бір жасқа  толған  кешінде айтқан арнау-батасын жариялап отырмыз.

Хайролла  Қасымұлы  Ахметжанов.

 

 

Тектінің тұяғына  арнау

Бір жасың құтты  болсын Асанәлі,

Тәй-тәй деп  басып  кірген босағаны.

Жәнтелідей бабаңа тартып тусаң,

Атағың  алты  қыдан асады  әлі.


Бірі  бол батыр, шешен, бай  көсемнің,

Жігерің атан  жығып, тай  көтерсін.

Атығай, Қарауылға олжа  салар,

Сен  бізге  Құдай  берген  «майкөтенсің».

 

Келінім, Айнұр  қалқам, жайдары  еді,

Мамырдың желпігендей майда  лебі.

Жиенжан  найза  ұстайтын  батыр  бол  деп,

Дүркіреп жатқан  шығар  Найман  елі.

 

Сендерсің  қолымдағы  жалауым да,

Аталас бауырым да қалауым да.

Мықтысың, Сәкен інім қос ұл қосқан.

Әулетке, Атығай мен Қарауылға.

 

Жанына  еш жамандық  жуыспаған,

Ақкөңіл, адал жандар  туыс маған,

Хан Абылай ақырып, жауға  аттанса,

Жәнтелі атаң топ бастап  ту ұстаған.


Асанжан  бабасындай  батыр болсын,

Әлихан Сері  Ақандай ақын болсын.

Ержетіп есейгенде еліңді ойлар,

Екеуі де халқына жақын  болсын!

 

Тұлғасынан  таппайтын  тарыдай мін,

Жалғасындай  Қабанбай, Ағыбайдың.

Тойына Асанжанның  арнап берген,

Батасы  осы  болсын  Абылайдың.

 Абылай Мерғалымов.

 

 

 
Оқылды 3103 рет
Осы категориядағы басқа материалдар: « Тектінің тұяғына арнау Тектінің тұяғына арнау »

Соңғы жаңалықтар

Сәу 03, 2025

2025 год

Сәу 03, 2025

Закон

Сәу 03, 2025

Алматы облысында 23 мыңнан астам …

Ұрпақтың ұлы істермен айналысуы жеткіншек шақтағы қағидалардан басталады. Білім алған…
Сәу 03, 2025

Медициналық қалдықтарды жинау,…

Медициналық қалдықтарды (әрі қарай мәтін бойынша –МҚ) жинау, сақтау мен тасымалдауға…
Сәу 03, 2025

«А» вируыстық гепатиті, жұғу жолдары…

Вирустық гепатит «А» – бауырды зақымдайтын, вирустан туындайтын жіті жұқпалы…
Сәу 03, 2025

Балалар ойыншығын қалай таңдау керек

Әрбір ата-ана үшін бала денсаулығы бәрінен де жоғары. Балаға ойыншық таңдау ата-аналардан…
Сәу 03, 2025

Колледж түлектері жұмыссыз қалмайды

Облыс әкімінің орынбасары Р.Исатаевтың бекіткен кестесіне сәйкес, аудандық Мансап…

Күнтiзбе

« Сәуір 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет