Біз қазақтың баласы
Күн күлімдеп көгімде
Арайлап атқан таңым бар,
Досына ашық құшағы
Дұшпанға берік қамалы
Бойымда қызу қаным бар,
Таптатқызбай намысын
Қорғайтын ата Заңым бар!
Қалып қойды мәңгі тарих бетінде,
Тәуелсіз жыл тайға таңба басқандай.
Желтоқсанның Қайрат, Ләззат, Ерболы,
Қарсы шықтың елің үшін жасқанбай.
Жаны жомарт кең қолтық,
Біз қазақтың баласы.
Сара жолды сап берген,
Нұрсұлтандай данасы.
Ақыл ойлы кемелді,
Таразыны тең басып,
Мойындатқан әлемді,
Мақтанышым Елбасым.
Айман МҰҚАНОВА,
Тескенсу ауылы
әйелдер кеңесінің мүшесі
Бейбіт күнді қадір тұт!
Тарих бетін дәріптер.
Ұлт тағдыры – ұлық дүние,
Тәуелсіздік – қол жеткізген,
Тәу етер ол жалғыз кие!
Ұрпағына аманат,
Соны түсін, қадір тұт!
Жасама сен қиянат,
Болсын мәңгі береке-құт!
Қара суық сол күндердің,
Қалды бүгін жарасы.
Бейбіт күнді қадір тұт,
Әр қазақтың баласы!
Қыздарға менің айтарым,
Ұятты бол,ар сақта!
Ұлдарға бар айтарым,
Намысты бол,ел сақта!
Отан үшін, ел үшін,
Ерінбей сен еңбек ет,
Тәуелсіздік тұғырын
Еңбегіңмен биіктет!
Балғын ШОРМАНОВА,
Ш.Уәлиханов атындағы орта мектептің
қазақ тілі мен әдебиеті пәні мұғалімі
Барыс мінез, жүрегі һәм болаттай
Тәуелсіздік құтты болсын,қазағым!
Өтті бастан азалы күн, қаза күн.
Өзін емес ұрпақ қамын ойлаған,
Батырларға арнап жырды жазамын.
Қазақтарды жау қолына қаратпай,
Қарсы шықты мерген атқан садақтай.
Қазағымның жалындаған жастары,
Барыс мінез, жүрегі һәм болаттай.
Қадамына шектеу қойып Колбиннің,
Қайрат, Ләззат қамықпастан қол жидың.
Қарулы әскер қысым берді жастарға.
Қарсы тұрды қазағы үшін қасқалдақ!
Желтоқсанда көтеріліс тоқтады,
Колбиніңді тақтан қуып тастады.
Орындалып армандары Қайраттың,
Елімізде бейбітшілік орнады!
Аян Дәурен,
«Ш.Уәлиханов атындағы орта
мектептің 9 «Б» сынып оқушысы
