Қарапайым шардан әдемі абажур жасауға болатынын білесіз бе? Ол үшін көп нәрсе де, уақыт та керек емес. Ендеше, неге жасап көрмеске?

Абажур жасау үшін:

• жіп
• шар
• вазелин
• желім (түсқағаз желімі не ПВА) керек.

Алдымен жіпке желім сіңіріп аламыз. Жіптің түсін өз қалауыңызбен таңдайсыз.

Шарды үрлеп, айналдыра түгелдей вазелин жағыңыз.

Одан кейін шарды жіппен нығыз ораңыз. Ол үшін шардың жақсы үрленгені дұрыс.

Шарды жіппен орағанда жіптердің арасында үлкен-кішілі саңлаулардың болуын қадағалаңыз. әйтпесе, жарықтың шықпай қалатынын ескеріңіз.

Желімі әбден кепкенше 5-6 сағаттай, мүмкін болса, бір түн тұрсын.

Ал одан кейін шарды жарып, үлкенірек саңылаулардың бірінен шығарып алыңыз. Абажур дайын!

Тура осы тәсілмен шарлардың көлемін кішірек үрлеп, шыршаға ойыншық та жасауыңызға болады.

Дайындаған: Құралай МҰРАТҚЫЗЫ