Сәрсенбі, 28 Маусым 2023 16:42

Ақпарат майданының майталмандары

Марқұм жазушы Шерхан Мұртаза айтпақшы, «Жегені – жантақ, арқалағаны – алтын» журналистер халықтың тіршілігінен, әлеуметтік әл-ауқатынан, руханиятынан, қоғамның бүгінгі тынысынан хабар тарататын қалам иелері кәсіби мерекесін атап өтіп, мәре-сәре болатын күн де келді. «Жүргенге жөргем ілінеді» дейді дана халық.  Журналистер де – жолаушы. Өйткені, олар үнемі жол үстінде өткізеді бар өмірін. Олардың жүрген жерінен көрген-білген деректер ілінеді «қоржынына».

Журналист – қоғамдағы жақсылықты жар сала жаңғыртатын, жамандықты жер-жебіріне жеткізетін қаламгер, ақпаратқа толы майданның жауынгері. Жүрген жеріндегі жақсылық пен жамандықты қоғамға айна қатесіз жеткізетін тұлға. Журналист – билік пен халық арасындағы дәнекер. Дәрігер адам жанын арашаласа, журналист адам тағдырын арашалайды. Журналист – халықтың қызметшісі, жоғын толтыруға, барын бағалауға атсалысады.

Қазіргі таңда жалған ақпараттар легі жаңбырдан соң қаулаған саңырауқұлақтай кеңінен тараған заманда журналистер ақпараттың ақ-қарасын ажыратып, халыққа шынайы ақпаратты жеткізумен еленеді. Сол үшін олар бармаған жер, баспаған тау қалмай, дәлелді деректер жинауға, үнемі ізденісте жүреді. Міне, осындай құмырсқаның тірлігіндей тепеңдеп жүруі, бәрі-бәрі – ел игілігі үшін.

Қазақ баспасөзі ХІХ ғасырдың ІІ жартысы мен ХХ ғасырдың І жартысы аралығында қалыптасса, аудандық «Еңбекшіқазақ» газеті 1930 жылдың шілде айынан бастап жарық көре бастады. Яғни, бір ғасырға жуық аудан айнасына айналып, халыққа оның тыныс-тіршілігін жеткізіп, қуанышымен бөлісіп, кемшілігі болса, Шерхан Мұртазаша айтқанда, «ұлып айтпай, тіліп айтып», мінді сынап, түзеуге атсалысып келеді. «Еңбекшіқазақ» газетінде қаншама білгір журналистер еңбек етіп, қаншама бас редакторлар басқарып келді. Бәрін тізіп жатпасақ та, қазіргі бас редактор болып көп жылдан бері қалтқысыз қызмет етіп келе жатқан Хайролла Қасымұлы Ахметжановты айтсақ та жеткілікті. Қаламы қарымды небір журналистер ауданның тыныс-тіршілігінде отымен кіріп, күлімен шығып, халық үшін аянбай қызмет етті. Олардың соңғылары қазір бейнетінің зейнетін көріп отырған Күләш Мадьярова, марқұм Мұрат Нақатаев, Баянды Закиров, тағы басқа да көптеген қаламгерлерді мысалға келтіруге болады.

«Жас келсе – іске» демекші, тағы да Шер ағаның ащы шындықты ашына айтқан «бір кем дүние» жазбасында: «Журналист – это қаранар, но мизерный гонарар» екеніне қарамай, асқан жауапкершіліпен уақытпен санаспай, атқаратын қиын жұмысынан қашпай, журналистика саласын таңдап, «Еңбекшіқазақта» еңбек етіп, еленіп жүрген Сардарбек Нұрадин, Игорь Туранин, Ерзат Асыл, Перизат Әбділ-Әшім, көрші Талғар ауданының жаршысы болып жүрген Перизат Нұрқаева, тағы басқалары редакцияның қара қазанын қайнатып жүрген қарымды қаламгерлер. Сондай-ақ, газеттің күйбең тірлігінен қашпай, компьютерде теруші, беттеуші Майя Акирбаева мен Индира Тоқмұрзаева, есеп-қисаптың маманы Раушан Тасыбаеваларды да атап өткен орынды. Бас редактордың ұстаздығынан тәлім алған көптеген журналистер қазір еліміздің түпкір-түпкірінде еңбек етіп жүр.

«Газет – халықтың көзі, құлағы һәм тілі» деп Алаш қайраткері Ахмет Байтұрсынұлы айтпақшы, адамға көз, құлақ, тіл қандай керек болса, қоғамға газет те сондай қажет.

Журналист – қарапайым һәм нартұлға,

Дайын олар нардың жүгін артуға.

«Жегені – жантақ, артқаны – алтын», ол – рас,

Еңбегін елеп  журналист лайық айтуға.

Гүл шырынынан бал жинаған арадай, тынымсыз тіршіліктен қашпайтын құмырсқадай ақпарат майданында иықтаса, қатар шайқасып жүрген жауынгер әріптестердің төл мерекесі құтты болсын! Қаламымыздан қасиет кетпесін, қалқанымыздан қасірет өтпесін, шабытымыздың шыңына ұшқан құс жетпесін, еңбегіміз еленіп, құрметке бөленіп, жемісі мол ағаштай көктесін!

Анарбек БЕРДІБАЕВ.

Оқылды 6526 рет

Соңғы жаңалықтар

Мам 21, 2025

Қазақстан энергетикасының даму…

Астана, 2025 жылғы 5 мамыр – Қазақстан Республикасының Энергетика министрі Ерлан…
Мам 20, 2025

Алматы облысында оқушылардың 92…

Алматы облысында 17 917 түлек үшін қоңырау соңғы рет соғылады. Олар үлкен өмірге қанат…
Мам 20, 2025

18 МАМЫР – ХАЛЫҚАРАЛЫҚ МУЗЕЙЛЕР КҮНІ

Бүгін – адамзат өркениетінің тарихы мен мәдениетін, рухани байлығын жинақтап, келер…
Мам 20, 2025

Ұлы Жеңістің 80 жылдығына орай…

2025 жылдың 15 мамырында Шелек ауылындағы Жақсылық Үшкемпіров атындағы спорт…
Мам 20, 2025

Абайлаңыз, листериоз!

Листериоз - адам мен жануарларға ортақ, аса қауіпті жұқпалы ауру. Қоздырғышы спора…
Мам 20, 2025

Метрология – сенім құралы:…

Бүгін Метрлік конвенцияға қол қойылғанына 150 жыл толды.Метрлік конвенция – жаһандық…
Мам 20, 2025

ӘРТҮРЛІ ЖАРАҚАТТАРМЕН 240 МЫҢ…

Жыл сайын 20 мамырда әлемнің травматолог-дәрігерлері өздерінің кәсіби мерекесін атап…
Мам 20, 2025

Көлік министрлігі жазғы маусымда…

Жазда ел тұрғындары Алакөлге ұшақпен, пойызбен немесе автокөлікпен жете алады. Теміржол…
Мам 20, 2025

Қазақстанның энергия теңгеріміндегі…

2024 жылдың қорытындысы бойынша Қазақстанда жаңартылатын энергия көздерінен (ЖЭК)…

Күнтiзбе

« Мамыр 2025 »
Дс Сс Ср Бс Жм Сб. Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет