Әр жыл сайын қыркүйек айының екінші сенбісінде Қызыл Крест және Қызыл Жарты Ай халықаралық ұйымдардың бастамасы бойынша Дүниежүзілік алғашқы медициналық көмек көрсету күні атап өтіледі.
Сол себепті, бүгін біз сіздерге жедел медициналық көмек келіп жеткенге дейін шұғыл түрде адамға қалай көмектесуге болатыны туралы бірнеше кеңес бергіміз келеді.
Біріншіден, еш үрейленбеңіз және сасқалақтамастан науқастың жағдайын, яғни, оның сана-сезімін, тыныс алуын, жүрек соғысын, қан қысымын байсалды бағамдауға тырысыңыз.
Екіншіден, дереу 103 нөміріне хабарласып, жедел жәрдем шақырыңыз және ешқандай жағдайда науқасқа аммиак қолданбаңыз. Бұл өлім жағдайымен аяқталуы мүмкін, мысалы, инсульт кезінде.
Үшіншіден, мүмкін болған жағдайда науқастан аталмыш күйге түсіретіндей аурулары бар-жоғын білуге тырысыңыз. Бұл жедел жәрдем мамандарына көмектеседі.
Инсульт пен гипогликемиялық кома екенін қалай білуге болады және мұндай жағдайларда науқасқа қалай көмектесуге болады- инфографикаларымыздан қараңыз.
«Әлеуметтік медициналық сақтандыру қоры»
КЕАҚ Алматы облысы бойынша филиалы
