Автожанармай құю станциясы (ЖМҚС), автогаз құю станциялары (АГҚС) – бұл мұнай өнімдерін сақтауды және бөлшек саудада өткізуді қамтамасыз ететін технологиялық кешен мен жабдық.

ЖМҚС, АГҚС тұрғын үй құрылысына ық жағынан оқшауланған учаскелерде орналастырылады. ЖМҚС және АГҚС құрылысы елді мекендерді салудың бас жоспарлары ескеріле отырып жүргізіледі.

ЖМҚС және АГҚС санитариялық-қорғау аймағы (СҚА) ЖМҚС және АГҚС салу немесе реконструкциялау жобасымен бір мезгілде әзірленетін абаттандыру және көгалдандыру жобасына сәйкес «Адамның тіршілік ету ортасы мен денсаулығына әсер ету объектілері болып табылатын объектілердің СҚА-ға қойылатын санитариялық-эпидемиологиялық талаптар» санитариялық қағидаларын бекіту туралы ҚР ДСМ 2022 жылғы 11 қаңтардағы № ҚР ДСМ-2 бұйрығының белгіленген талаптарына сәйкес абаттандырылады және көгалдандырылады.

ЖМҚС, АГҚС-та персоналған арналған қызметтік және тұрмыстық ғимараттар (үй-жайлар) көзделеді. Қоғамдық тамақтану және сауда объектілерімен, келушілерге арналған санитариялық тораптармен бір құрылыста орналасқан ЖМҚС және АГҚС отын сақтауға арналған ыдыстардан алыста орналастырылады.

Қарауында ЖМҚС және АГҚС бар жеке және заңды тұлғалар гигиеналық нормативтерге сәйкес норма шегінде жұмыс аймағының ауасында және СҚА шекарасында атмосфералық ауада зиянды заттардың болуын және жұмыс орындарында шу мен діріл деңгейлерін өндірістік бақылауды (өзін-өзі бақылауды) қамтамасыз етеді.

Топырақтың, ашық су қоймаларының, атмосфералық ауаның ластануының алдын алу шаралары қабылданады. Сондай-ақ қызметкерлер жылдың әр мезгіліне арналған кемінде 2 жиынтық саны бар арнайы киміммен және жеке қорғаныш құралдарымен (резеңке қолғаптар, респираторлар) қамтамасыз етіледі.

Еңбекшіқазақ аудандық санитариялық-эпидемиологиялық бақылау басқармасының басшысы М.Азербаев