Дүйсенбі, 28 Наурыз 2022 09:30

Ербол Қарашөкеев: келер 5 жылда 582 инвестициялық жоба іске асады

Елдегі агроөнеркәсіптік кешеннің ілгері дамуына жан-жақты қолдау көрсетіліп, жүйелі жұмыстар атқарылатын болады. Сәйкесінше, келер жылы субсидиялау жүйесі жаңартылып, аталмыш бағытқа қосымша 388,2 млрд.теңге қарастырылмақ. Бұл туралы ҚР ауылшаруашылығы министрі Ербол Қарашөкеев Қапшағайда өткен алқалы жиында мәлімдеді
Ауылшаруашылығын дамыту-бәсекеге қабілетті экономика құрудың негізгі механизімі деген тұжырымның төңірегінде топтасқандар үлкен отырыста төбе көрсетті. Бұл қатарда, Сенат депутаты Ақылбек Күрішбаев пен экология, геология және табиғи ресурстар министрінің орынбасары Серік Қожаниязов та бар.

Ал Алматы облысының әкімі Қанат Бозымбаев модератор қызметін атқарды.
Шаруалар үшін маңызды, көктемгі дала жұмыстарының қарсаңында өткен жиналыста, су тапшылығы мен тарифінің өсуі, ауылшаруашылығына қажетті техника мен таңайтқыштардың бағамының артуы сынды мәселелер көтерілді.

Маңызды мәжілістің басты спикері, Ербол Қарашөкеев субсидиялау жүйесіндегі жаңа реформа келер жылдың басында іске қосылатынын жеткізді. Ал биыл, ішкі нарықтың тұрақтылығын сақтау үшін агроөнеркәсіптік кешен саласында субсидиялау өзгеріссіз қалады.

Естеріңізге саламыз, ағымдағы жылы аталмыш саланы қолдауға 309 млрд.теңге қарастырылған болатын, енді аталған сомаға үстеме 388,2 млрд.теңге қосылмақ. Бұл шара тікелей мемлекет басшысының тапсырмасының аясында жүзеге асырылады.

Ендігі кезекте қазынадан 63 млрд. теңге ауыл шаруашылығы техникасын жаңарту, суландыру жүйесін, жылыжайлар кешенін, сүтті қайта өңдеу объектілерін құру үшін инвестициялық субсидиялауға бөлінгенін атап өткен жөн.

Министрдің сөзіне сенсек, бұрын күші жойылған жұмыртқаларды субсидиялау бағдарламасы жалғасын табады, ал жұмыртқа бағытындағы өнеркәсіптік құс шаруашылығының барлық субъектілері үшін субсидиялау нормативтері бірдей болып, 2 еседен жоғарылатылады, яғни бір жұмыртқаға 3 теңгеден бағаланбақ. Осыған қарай, бюджеттен 7,5 млрд. теңге бөлінеді деп күтілуде.

Субсидиялаудың жаңа жүйесінің басты жаңалықтарының бірі - цифрлық форматқа көшіру. Қазіргі уақытта субсидиялаудың бірыңғай мемлекеттік ақпараттық жүйесін әзірлеу аяқталуда.
Бұл дегеніміз - жұмыс заманға сай жүргізіліп, қағаз бастылықтан арылып, мәселенің бір мезетте шешілуіне жол салу.

"Бүгінгі күні басым міндеттердің бірі егіс науқанын уақтылы және сапалы жүргізу болып табылады. Сонымен, қазіргі таңда техника дайындығы 96 пайызды құраса, көктемгі дала жұмыстары жаппай жүргізіле бастаған уақытқа 100 пайызды құрамақ",- деді ҚР ауылшаруашылығы министрі Ербол Қарашөкеев.

Жалпы, әкімдіктердің министірлікке берген деректері бойынша 2022 жылы жалпы егіс көлемі 23,1 млн. гектарды құрайды, бұл 2021 жылмен салыстырғанда 125 мың гектарға көп.
Тұтастай алғанда, көктемгі дала жұмыстарына дайындық мәселесі жоспарлы түрде жүріп жатыр.

Алқалы жиында, өңір басшысы Қанат Бозымбаев, "Ислам даму" банкі арқылы Ескелді және Ақсу аудандарының ирригациялық жүйелерін қалпына келтіру жұмыстары жүргізіліп жатқанын атап өтті.
Облыс әкімі үстіміздегі жылы су үнемдеу технологиясы алаңын 27 мың гектарға жеткізу қажеттігін қадап айтты. Оның айтуынша, аймақта бұдан басқа көптеген жобалар қайта түзетуге жатады екен. Басты себеп - қаржыландырудың уақытылы жүзеге аспауы.

Алдағы таңда осы және өзгеде түйіткілді істердің күрмеуі шешілмек, ол үшін келер бес жылда агроөнеркәсіптік кешен өнімдерінің импортын алмастыру және экспортын дамыту бойынша 4,1 трлн теңге сомасына кемінде 582 инвестициялық жобаны іске асыру көзделуде.

Жауаптылардың сөзінше, аталмыш шараларды қабылдау ауыл шаруашылығы дамуының орнықтылығын арттыруға мүмкіндік береді.

 

JETISÝ MEDIA

Оқылды 4134 рет

Соңғы жаңалықтар

Шіл 18, 2025

Алматы облысында балабақшаларға…

Алматы облысында мектепке дейінгі білім беру саласы жаңа қаржыландыру жүйесіне көшіп…
Шіл 18, 2025

2025 жылы мал шаруашылығын…

Ағымдағы жылы «Асыл тұқымды мал шаруашылығын дамыту, өнімділік пен өнім сапасын арттыруды…
Шіл 18, 2025

День металлурга в Казахстане — 20…

Сегодня металлургия является одной из ведущих и перспективных отраслей промышленности…
Шіл 14, 2025

Конаев этим летом: более 860 тысяч…

Конаев этим летом уверенно закрепил за собой статус одного из самых популярных…
Шіл 12, 2025

Балалардың қауіпсіздігі үшін: Қонаев…

Қауіпсіздік пен жайлылық – басты басымдық. Балалар 4 млрд теңге көлеміндегі жеке…
Шіл 11, 2025

Разъяснение по вопросу переселения…

Согласно информации управления образования Алматинской области сообщаем: в связи с…
Шіл 11, 2025

Алдымен адам папилома вирусы…

 Адам папилома вирусы – бұл теріні және дененің әртүрлі бөліктерінің шырышты қабықтарын…
Шіл 10, 2025

«Е-өтініш –мемлекеттік органдарға…

Е-Өтініш – бұл Қазақстан Республикасының азаматтарына, ұйымдарына және заңды тұлғаларына…
Шіл 10, 2025

28 шілде — Дүниежүзілік вирустық…

28 шілде — Дүниежүзілік денсаулық сақтау ұйымы (ДДҰ) белгілеген Дүниежүзілік вирустық…

Күнтiзбе

« Шілде 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет