Құрметті аудан тұрғындары!
Сіздерді 1 желтоқсан – Тұңғыш Президент күнімен шын жүректен құттықтаймын!
Мұндай елеулі күн Елбасы Нұрсұлтан Әбішұлы Назарбаевтың Қазақстан халқына және мемлекетіне сіңірген орасан зор еңбегіне деген құрметінің айғағы. Әлбетте, Елбасымыз Нұрсұлтан Әбішұлы айтқандай «Тәуелсіздік алу қаншалықты қиын болса, оны ұстап тұру үшін де соншалықты қажыр-қайрат керек». Тәуелсіздік алған тұста халықтың тағдырын өз тағдырымен байланыстырып, ұлтымызды ұлы істерге жұмылдырған Елбасы еңбегі ерен. Осынау сындарлы саясаттың арқасында Тәуелсіз Қазақстан дамудың даңғыл жолына түсті. Бүгінде біз дербестігімізбен, татулығымызбен, еркін күнде өсіп-өркендеген жас ұрпақпен мақтанамыз.
Осынау мерекеде Елбасымызға мемлекетіміздің қалыптасуы мен дамуына қосқан тарихи еңбегіне құрмет көрсетеміз.
Ендеше, үздіксіз даму мен өркендеудің белгісіндей болған Тұңғыш Президент күні құтты болсын! Еліміз аман, егемендігіміз еңселі, Тәуелсіздігіміз тұғырынан таймасын!
