Қазақстанда коронавирустың таралуына жол бермеу жөніндегі ведомствоаралық комиссия ел аймақтарындағы эпидемиологиялық жағдайды бағалау матрицасын жариялады.
2021 жылдың 1 сәуіріндегі жағдай бойынша, Нұр-Сұлтан, Алматы қалалары мен Алматы, Ақтөбе, Атырау және Батыс Қазақстан облыстары «қызыл» аймақта тұр.
Ал «сары» аймақта Шымкент қаласы және Қарағанды облыстары орналасқан.
Қалған барлық өңір «жасыл» аймақта.
Айта кетейік, денсаулық сақтау министрлігі ұсынған мәліметке сәйкес, өткен тәулікте 1873 адамнан коронавирус анқталған. Олардың басым бөлігі Нұр-Сұлтан мен Алматы қалаларынан.
