Жақында «Nur Otan» партиясы Еңбекшіқазақ аудандық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңес отырысы өтті. Жиынға аудандық партия филиалы төрағасының бірінші орынбасары Қуат Байғоджаев, кеңес төрағасы Ерік Абитов, бөлім басшылары, БПҰ жетекшілері мен аталған кеңестің мүшелері қатысты.

Алғашқы болып сөз сөйлеген Қуат Сұлтанұлы кеңестің жаңа құрамымен таныстырып, жұмыста-рына сәттілік тіледі.

Күн тәртібіндегі алғашқы мәселе бойынша кәсіпкерлік бөлімінің  сыбайлас жемқорлыққа қарсы іс-қимыл жөніндегі атқарған жұмыстары тыңдалды.

Екінші мәселе бойынша, «Қаракемер» бастауыш партия ұйымының сыбайлас жемқорлыққа қарсы  іс-қимылдың 2015-2025 жылдарға арналған бағдарламасын орындау барысында атқарған жұмысы туралы БПҰ төрағасының орынбасары Қайсар Асқарұлы баяндады:

– Ағымдағы жылдың 5 айында еліміздегі эпидахуалға байланысты барлық санитарлық талаптарды сақтай отырып, онлайн және оффлайн түрде іс-шаралар ұйымдастырылды. Атап айтсақ, 4 кездесу, 2 ақпараттық түсіндіру жұмыстары өткізілді. Сыбайлас жемқорлықтың алдын алу мақсатында өткізілген іс-шаралар БАҚ беттері мен әлеуметтік желілерде жариялануда.

Одан бөлек, мемлекеттен бөлінген бюджет қаржысын тиімді пайдалану да үнемі қатаң бақылауда. Өткен айда «Ашық бюджеттердің интерактивті қартасы» туралы БПҰ төрағасы Инстаграм әлеуметтік желісінде тікелей эфирге шығып, есеп берді. Интерактивті карта арқылы кез-келген азамат қанша қаражат бөлінгенін біле алады, сонымен қатар бюджеттік шығындарды бақылауға мүмкіндік бар, – деді Қайсар Асқарұлы.

Баяндамалардан кейін қатысушылар өздерінің сұрақтарын қойып, ұсыныстарын жеткізді.

С.НҰРАДИН