Есік қаласында Тәуелсіздіктің 30 жылдығына және Астана күнін мерекелеу аясында 30 отбасы пәтер кілттеріне ие болды. Пәтер иеленгендердің басым бөлігі ата анасынан айырылған балалар, мүмкіндігі шектеулі және халықтың әлеуметтік осал топтарының өкілдері.
Есік қаласының екінші шағын ауданда орналасқан 30 отбасыға арналған жаңа үй «Нұрлы жер» мемлекеттік бағдарламасының аясында бой көтерген. Аталмыш тұрғын үйге мемлекеттік мекемелер мен әлеуметтік нысандар жақын орналасқан.

Кілттерді тапсыру барысында сөз алған аудан әкімі Әлібек Жақанбаев қоныс тойын тойлап отырған барлық үй иелеріне ыстық ықыласын білдіре отырып аудан халқын келе жатқан Елорда күні мерекесімен шын жүректен құттықтады.
Сонымен қатар өз сөзінде, « Бүгінгі таңда Тұрғын үй мәселелерін шешу бағыты өзінің күн тәртібіндегі басты жұмысы екенін және осы мәселені шешу барысынба ауданда жүйелі жұмыс жүргізілетіндігін » баса айтып өтті. Сонымен қатар, Қазіргі уақытта Есік қаласы мен Шелек ауылында 60 пәтерлік үш тұрғын үйдің құрылыс жұмыстары жүріп жатқандығын ескертіп кетті. Яғни, жыл соңына дейін аудан бойынша үй кезегінде тұрған 180 пәтерді пайдалануға беру жоспарланған.

Бүгінгі таңда ауданымыз бойынша баспана алу кезегінде 3000-нан астам тұрғын тұр.

Еңбекшіқазақ ауданы әкімдігінің баспасөз қызметі