Қазақстан халқына жол тартқан Президент Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауында жеке кәсіпкерліктің жетекші рөлі, әділ бәсекелестікті дамыту, кәсіпкерлердің жаңа буыны үшін нарық ашу жайы ерекше қозғалды.

Кәсіпкерлік қызметті реттейтін бірқатар нормативтік құжаттарға өзгерістер енгізілетін болады. Бұл кәсіпкерлікті, әсіресе оны ауылдық жерлерде одан әрі дамыту үшін үлкен септігін тигізеді.

Жолдауда салық міндеттемелерін орындауды жеңілдету және кәсіпкерлер үшін салықтар мен төлемдердің санын азайту тапсырмалары айқындалды, бұл кәсіпкерлердің жұмысын айтарлықтай жеңілдетеді.

«...Қазіргідей жағдайда жұмыс орындарын және халықтың табысын сақтау – басты басым-дық. Сондықтан осы кезеңде көбірек зардап шеккен салалардағы шағын және орта бизнес өкілдерінің еңбекақы қорына түсетін ауыртпалықты жеңілдету маңызды болып отыр. Бизнестің осы санаты бойынша еңбекақыдан бюджеттік емес қорларға аударылатын төлемдерді жыл соңына дейін тоқтатуды тапсырамын. Келесі мәселе – бизнес ахуалы. Бұл саланы реформалау керек. Өйткені реттеу жүйесі әлі де болса қолайсыз, тіпті жазалаушы сипатынан арыла алмай отыр» – деді Мемлекет басшысы.

Мен Президенттің Жолдауындағы бәсекелестік өрісін түрлендіру, әр кәсіпкер үшін шын мәнінде тең мүмкіндіктер жасау қажеттігі туралы сөздерін ерекше атап өткім келеді.

Шолпан ҚАСЫМБАЕВА,

Еңбекшіқазақ ауданының «Атамекен» палатасындағы іскер әйелдер кеңесінің төрағасы, «Касымбаева  Ш.Б.» ЖК директоры.